(1962-2014)
Бидний эрхэм дотны нөхөр, Монголын орчин үеийн сэтгүүл зүйн нэрт төлөөлөгч Жамбалын Гангаа удтал хүндээр өвчилж байгаад 2014 оны арваннэгдүгээр сарын 17-ны өдөр таалал төгслөө.
Ж.Гангаа нь 1962 онд Төв аймгийн Угтаалцайдам сумын нутаг Бор хужир гэдэг газар төржээ. Тэрээр бага дунд дээд боловсрол эзэмшин ардын армийн “Алдар” спорт хороонд алба хааж, тамирчин багш дасгалжуулагчаар ажиллаж байсан бөгөөд хүндийн өргөлтийн спортын мастер, сумын заан цолтой нэгэн байв.
1990 оноос Төв аймгийн Цээл сумын Ардчилсан холбоог үүсгэн байгуулалцаж тэргүүлж явсан Монголын Ардчилсан холбооны анхдагчдын нэгэн юм.
Ж.Гангаа нь 1997 оноос төрийн төв хэвлэл “Ардын эрх” сонин, Монголын үндэсний өдөр тутмын “Өдрийн сонин”-д сэтгүүлч, албаны дарга, Хариуцлагатай нарийн бичгийн дарга, Ерөнхий эрхлэгчийн зөвлөх зэрэг ажил албыг нэр төртэй гүйцэтгэж байлаа.
Тэрээр Монголын орчин үеийн сэтгүүл зүйн нэрт төлөөлөгч бөгөөд аян замын тэмдэглэлийн уран дархан, мастер багш нь байлаа. Түүний туурвисан “Хорь буриадын нутаг дүүрэн цагаан гунигтай”, Түвдийн цуврал тэмдэглэл, “Алтайгаас Хянган хүртэл”, “Баруун Монголыг зүүн Европ гэнэ”, “Алтайн цаад говиор” тэргүүт аян замын шилдэг туурвилууд нь Монголын сэтгүүл зүйд шинэ хуудас нээж, судлагдах хэмжээнд хүрсэн билээ. Мөн “Хялганат талын цагаан зээр хар цээр биш ээ”, “Цагаан сарын үеэр л юм даг”, “Засаатай эмгэн буюу Монголын хошин урлаг” зэрэг даацтай нийтлэлүүд туурвиж сэтгүүл зүйн “Балдорж” шагналын тэргүүн гран-при хүртсэнээс гадна уг шагналын шилдэг аравт жил бүр шалгарч байлаа. Мөн Монголын сэтгүүлчдийн нэгдсэн эвлэлийн “Оны шилдэг сэтгүүлч” өргөмжлөл хүртсэн юм.
Нэрт нийтлэлч Ж.Гангаа нь үндэсний өдөр тутмын “Өдрийн сонин”-ы “Оны шилдэг бичлэг”-ийн шагналыг удаа дараа хүртсэнээс гадна Хэвлэл мэдээллийн тэргүүний ажилтан цол тэмдэг, шилдэг бичлэгийн “Ган үзэгтэн”-ээр шагнуулж байлаа.
Түүний авьяас билэг хөдөлмөр зүтгэлийг төр засгаас өндрөөр үнэлж Хөдөлмөрийн гавьяаны улаан тугийн одон, Хөдөлмөрийн хүндэт медалиар тус тус шагнажээ.
Талийгаачийн уйгагүй хөдөлмөрч, нөр хичээнгүй, үнэнч шударга, оюунлаг хүнлэг, олонтой явсан зан чанар нь найз нөхөд, хамт олон бидний зүрх сэтгэлд үүрд хоногшин дурсагдах болно.
“Өдрийн сонин”-ы хамт олон
Өнгөрсөн долоо хоногт дүүргүүдийн нэгдсэн эмнэлэгт нийт 72 854 хүн ханджээ. Тэдний 5524 буюу 7.6 хувь нь томуу, томуу төст өвчинтэй гэж оношлогдсон байна. Энэ нь өмнөх долоо хоногоос 1.1 хувиар нэмэгдсэн үзүүлэлт аж. Томуугийн өвчлөлийг дүүргээр авч үзвэл Багануур дүүрэгт 7.8 хувь, Багахангай дүүрэг 7.5 хувь, Баянгол дүүрэгт 2.5 хувь, Чингэлтэй дүүрэгт 1.8 хувиар нэмэгдсэн байна.
Өвөрхангай аймагт 150 хүүхдийн цэцэрлэг ашиглалтад орлоо. Орон нутгийн хөгжлийн сангийн 920 сая төгрөгийн хөрөнгө оруулалтаар Арвайхээр хотын шинэ суурьшлын бүсэд 150 хүүхэд хүлээн авах хүчин чадалтай цэцэрлэг баригдаж, өнгөрөгч амралтын өдөр нээлтээ хийв.
Нийслэлчүүд өвлийн улиралд хотын утаанаас холдож, цэвэр агаар амьсгалан хамт олон, найз нөхдөөрөө алхаж, уушигаа цэвэрлэхийг иргэд хамгийн ихээр хүсдэг болсон. Иймд МЗХ-ны дэргэдэх Аялал жуулчлалын төв амралтын өдөр бүр “Цэвэр уушги” уриан дор явган аяллыг зохион байгуулж байгаа аж. Өнгөрсөн амралтын өдрийн явган аялалд л гэхэд МУИС-ийн 600 гаруй оюутан залуус нэгдэж Богд хан уулын Жаргалантын амнаас Өвөр зайсан гэсэн замналаар 15 км явган аялжээ.
Хонконгийн захирагч Лин Чун-Иен өнгөрсөн амралтын өдөр хотын төв болон захиргааны байрны өмнө байршуулсан хаалт, хашлага зэргийг хураахыг оюутнуудад сануулсан юм. Өнөөдөр өглөөний 8.00 цагаас цагдаа, хүчнийхэн оюутнуудыг албадлагаар тарааж хаалт, хашлага зэргийг хурааж эхэлсэн тухай “
“Шинэ үе” продакшны жүжигчин Д.Оюунтуул, Ц.Алдармаа нарт холбогдох хэргийн шүүх хурал өнгөрсөн аравдугаар сард Эрүүгийн хэргийн II шүүхэд болж, анхан шатны шүүхээс Ц.Алдармаад 7.1 жилийн хорих ялыг эмэгтэйчүүдийн хорих ангид эдлүүлэхээр шийдвэрлэсэн бол Д.Оюунтуулд хөдөлмөрийн хөлсний доод хэмжээг долоо дахин нэмэгдүүлсэнтэй тэнцэх хэмжээний /1.344.000/ төгрөгөөр торгох ял оноосон юм.
Улаанбаатар Хотын Ерөнхий менежер Б.Бадрал нийслэлийн эрчим хүчний байгууллагуудын өвөлжилтийн бэлтгэл ажлыг хангасан явцтай танилцлаа. Өнөөдөр “Улаанбаатар цахилгаан түгээх сүлжээ” төрийн өмчийн хувьцаат компани,”Улаанбаатар дулааны сүлжээ” ТӨХК, Дулааны цахилгаан станц 3-ТӨХК-ийн ажлын явцтай танилцсан. “Улаанбаатар цахилгаан түгээх сүлжээ” ТӨХК хэрэглэгчдээс гомдол санал хүлээн авах Call center төв, диспечерийн алба, ДЦС 3-ын өргөтгөл шинэчлэлийн ажлын явцаа газар дээр нь үзүүлсэн юм. Эдгээр байгууллагууд өвлийн их ачааллыг давах бэлтгэлээ 100 % хангасан талаараа танилцуулж байлаа.
УИХ-ын Тамгын газар, УИХ-ын Хэвлэл, мэдээлэл олон нийттэй харилцах хэлтсээс мэдээлэл хийлээ.
Ерөнхий сайдыг томилохтой холбоотойгоор УИХ-ын чуулганы нэгдсэн хуралдааныг өнөөдөр зарлаж болзошгүй тухай мэдээлэл цацагдаад байна. Энэ талаар холбогдох газраас лавлахад “Тодорхойгүй байгаа” гэсэн хариулт өглөө.
УИХ дахь МАН-ын бүлэг Төрийн ордны “Б” танхимд хаалттайгаар хуралдаж эхэллээ. Үүний өмнө Удирдах зөвлөл нь хуралдаж, Ерөнхий сайдаар Ч.Сайханбилэг гишүүнийг томилуулах хүсэлтийг хэлэлцсэн ч УИХ дахь намын бүлэгтээ асуудлыг шийдэх эрхийг өгсөн байна. Ардчилсан намын зүгээс Ч.Сайханбилэг гишүүнийг Ерөнхий сайдаар томилуулах асуудлыг зөвшилцөх хүсэлтийг МАН-ын бүлэгт өчигдөр ирүүлсэн юм.