Энэ жилээс эхлэн зуслангийн газар өмчлүүлж байгаа билээ. Эхний ээлжинд Сүхбаатар дүүргийн 15 дугаар хорооны Ар хустай, 22 дугаар хорооны Цолмон, Цээнэ, Чингэлтэй дүүргийн 19 дүгээр хорооны Жигжид, Яргайт гэсэн таван байршилд газар өмчлүүлэхээр болсон.
Энэ талаар нийслэлийн Өмчийн харилцааны газраас “Одоогоор Сүхбаатар, Чингэлтэй дүүргүүдэд өмчлүүлэх зуслангийн газар дууссан. Шинээр бүртгэл хийхгүй. Ер нь шинээр зуслангийн газар авах хүсэлтэй иргэдийг ч бүртгэхгүй байгаа. Өөрөөр хэлбэл зуслангийн газар өмчлөх иргэд заавал эзэмших эрхтэй байхаас гадна хуулийн дагуу ганц удаа газар өмчлөх эрхтэй гэдгээ анхаарах хэрэгтэй. Ахин тодруулбал нийслэлд гэр бүлийн зориулалтаар олгохоор болсон газар өмчлөлд хамрагдсан бол зуслангийн газар өмчлөхгүй гэсэн үг” хэмээн мэдэгдлээ.
Ромын хамба ламтан Францис Албани улсад айлчилж, иргэдтэй уулзсан тухай “www.dailymail.co.uk” мэдээллээ. Хамба ламтанг нийслэл Тирана хотод ирэх үед 50 мянга гаруй хүн цуглаж, бурханы дуулал дуулцгаажээ. Мөн 2500 гаруй цагдаа хамгаалтад гарчээ. Тус улсын иргэдийн 80 гаруй хувь нь лалын шашинтай бөгөөд энэхүү айлчлалыг эсэргүүцэж, түүдэг гал асаасан байна. Тирана хотод 40 гаруй католик сүм үйл ажиллагаагаа явуулдаг гэнэ. Тэдний 11 сүмийн хамба нь Ромоос хүрэлцэн ирсэн байдаг аж. Албани улсад 1967 оноос хойш Ромын ямар ч хамбатан шашины айлчлал хийгээгүй билээ.
Сэлэнгэ аймгийн Зэлтэрийн боомтыг хөгжүүлэх зөвшөөрлийг Монголын Хил Боомтын үндэсний зөвлөлөөс авчээ. Уг зөвшөөрөлд “Ерөнхий Хөгжлийн төлөвлөгөө”-г батлаад, Хилийн Боомтын ерөнхий газрыг Prophecy Coal-ийн хөгжлийн төвлөгөөг хэрэгжүүлэхэд нэн даруй арга хэмжээ авч ажиллахыг даалгажээ.
НҮБ-ын дүрвэгсдийн агентлагаас сүүлийн хэдэн өдөрт Турк руу дүрвэсэн Сири иргэдийн тоо 130 мянгад давсан ба эдгээр хүмүүст яаралтай хүмүүнлэгийн тусламж үзүүлэх шаардлагатай байгаа тухай мэдэгджээ. Энэ нь 2011 онд Сирийн мөргөлдөөн эхэлснээс хойш гарсан хамгийн том шилжилт хөдөлгөөн гэдгийг албаны хүмүүс онцолж байна. Эдгээр иргэдийн дийлэнх нь Исламын улсын түрэмгийллээс болгоомжилсон курдууд байгаа аж.
“Цэцэрлэгийн хашаанд хэсэг залуучууд ахуйн газ үнэрлэн мансуурч орилоод байна” гэсэн мэдээлэл Чингэлтэй дүүргийн цагдаагийн хэлтэст бүртгэгджээ. Тус хэлтсийн алба хаагчид ахуйн хэрэглээний газ үнэрлэн мансуурч байсныг таслан зогсоож шалгаж байна.
Энэ сарын 26 ны өдөр буюу Баасан гарагийн 12.00 цагт Жавзандамба Хутагт Төвд Жононгийн урсгалын болоод зурхайн ухааны эрдэмтэн лам Бэри Агваандорж Зурхайн ухаан болон Цагийн хүрдэн гэж юу болох, таны өдөр тутмын амьдралын мөрт хэрхэн нөлөөлдөг тухай сонирхолтой лекц айлдвар айлдах гэж байна.
“Apple” компани энэ сарын 9-ний өдрөөс эхлэн шинэ бүтээгдэхүүний худалдаанд гаргасан билээ. Гурван хоногийн дотор 10 сая ширхэг “iPhone 6” болон iPhone 6 Plus” борлуулсан байна. Гэсэн хэдий ч энэ нь үйлчлүүлэгчдийн эрэлт хэрэгцээг хангаж чадахгүй байгаа гэнэ. 
Азийн спортын XVII наадам БНСУ-ын Инчон хотноо дөрөв дэх өдрөө үргэлжилж байна. Өнөөдөр явагдсан 10 метрийн хийн урт бууны эрэгтэйчүүдийн дасгалд манай улсын баг 1850.8 оноогоор VI байр шалгарчээ.
Энэ сарын 21-нээс 22-нд шилжих шөнө Зохион байгуулалттай гэмт хэрэгтэй тэмцэх газраас хар тамхины томоохон хоёр бүлэглэл илрүүлжээ. Тодруулбал, Баянгол дүүргийн тавдугаар хороонд орших нэгэн зочид буудлаас долоон хүн, Чингэлтэй дүүргийн дөрөвдүгээр хороонд байрлах бас нэгэн зочид буудлаас таван хүнийг хар тамхи татан мансуурч байхад нь баривчилсан байна. Тэд 25-31 насны залуус байсан бөгөөд тэднийг хорих 461-р ангид цагдан хориод буй юм байна.