Моринд дуртай “Макс” группын захирлууд буюу Д.Цэрэнжигмэд, Д.Ганбаатар нар анхны тод манлай уяач ах дүүс гэдгээрээ ялгардаг. Тэд олон жил морь уяж байгаа бөгөөд Асгат саарал, Жигүүр хул, Том сарт хүрэн зэрэг олон алдартай хүлгүүдийн эзэд юм.
Тод манлай уяач цолыг Д.Ганбаатар 2009 онд, Д.Цэрэнжигмэд 2012 онд тус тус хүртэж байв. Тэгвэл уяач ах дүүс тод манлай уяач цолны хүндэтгэлийн наадам зохион байгуулахаар болжээ.
Тэдний хүндэтгэлийн наадам энэ сарын 9-нд Говь-Алтай аймгийн наадмын талбайд болох ба хурдан морь, хүчит бөхийн барилдаан, халх сурын харваа гэсэн гурван төрлөөр явагдана хэмээн зар тараажээ. Ийнхүү нэгэнтээ Азийн баячуудаар нэрлэгдсэн ах дүүс өөрсдөө наадам зохион байгуулахаар болж, бай шагнал нь ч өндөр байгаа сурагтай.
Валютын ханш өсөх тусам өргөн хэрэглээний бараа бүтээгдэхүүний үнэ
Сүхбаатар дүүрэг, I хороо Чойдогийн гудамж, Улсын нийтийн номын сангийн уулзвараас I эмнэлэг хүртэлх авто замын өргөтгөл шинэчлэлтийн ажил долдугаар сард эхэлсэн.
Шанхайн хамтын ажиллагааны байгууллагын (ШХАБ) гишүүн орнуудын зэвсэгт хүчнүүдийн цэргийн сургуулилалт энэ сарын 24-29-нд Өвөрмонголд зохион байгуулагдана.
Хурд хэтрүүлснээс үүдэлтэй ослууд гарсаар байна. Яг одоо гэхэд долоон буудал руу явдаг замд УНИ 49-89 улсын дугаартай Приус маркийн автомашин осолдоод байна. Уг машин төмөр хашаа мөргөн онхолдож дээшээ харжээ. Холбогдох албаныхан хурд хэтрүүлэхгүй, дүрмээ барьж явахыг зөвлөж байна. 
Өвөлжилтийн
АТГ-аас өнгөрсөн долдугаар сарын 29-ний орой Ерөнхий сайдын ахлах зөвлөх Л.Гансүхийг гурван залуугийн хамт баривчлан Төв аймгийн урьдчилан хориход хоёр сарын хугацаатайгаар саатуулаад байгаа. Л.Гансүхийн өмгөөлөгч Л.Цэндсүрэн, Ц.Баасандорж, А.Зүмбэрэл (Төмөрбаатарын өмгөөлөгч), Ц.Шаравнямбуу (Мөнгөнтуяа, Даваахүү нарын өмгөөлөгч) нар өнөөдөр хэвлэлийнхэнд хандлаа. Өмгөөлөгчид Л.Гансүх нарыг үндэслэлгүйгээр цагдан хорьсон гэж үзэж байгаа юм. Тэд “Үйлчлүүлэгчтэй уулзах эрхийг хязгаарласан нь Монгол Улсын Үндсэн хуульд заасан хүн өмгөөлүүлэх, өмгөөлөх эрхтэй гэсэн заалтыг зөрчсөн” хэмээн мэдэгдэв. Л.Гансүхийг хоригдсоны дараахан өмгөөлөгч Л.Цэндсүрэн үйлчлүүлэгчтэйгээ уулзахаар очсон ч Төв аймгийн хорих ангийн удирдлагууд АТГ-аас уулзах зөвшөөрлийн бичиг заавал авчир гээд уулзуулаагүй аж. Л.Цэндсүрэн “Засгийн газраас хэрэгжүүлсэн “Нүүрс” хөтөлбөрийг хэрэгжүүлэх ажлыг хариуцан хийхдээ албан тушаалаа урвуулан ашиглаж 3.6 тэрбум төгрөгийн хохирол учруулсан байж болзошгүй хэмээн сэжиглэж байгаа хэмээн хэвлэлээр худлаа мэдээлэл өгөөд байна. Засгийн газар “Нүүрс” хөтөлбөрийг хэрэгжүүүлэхдээ нэг ч төгрөг төсвөөс гаргаагүй. Мөн “Нүүрс” хөтөлбөрийг хэрэгжүүлэх хөтөлбөрт Засгийн газар гарын үсэг зурснаас Л.Гансүх гэдэг хүн ямарч шийдвэр гаргах эрхгүй. Энэ хөтөлбөрийн хэрэгжилтийг хариуцсан болохоос ямар нэгэн хөрөнгө мөнгө гаргах эрх мэдэл энэ хүнд байгаагүй. Мөн нэг тонн 200 мянган төгрөгийн үнэтэй байсан нүүрсийг “Нүүрс” хөтөлбөрийн хүрээнд гэр хорооллынхон 80 мянган төгрөгөөр авсан. Гэр хорооллынхонд дор хаяж 120 мянган төгрөгийн хямдралтай нүүрс олгох ажлыг хариуцаж ажилласных нь ингэж хэлмэгдүүлж болохгүй” гэж ярив. АТГ-аас явуулж байгаа үйл ажиллагаа Засгийн газрын бодлогыг харлуулах гэсэн улс төрийн хэсэг бүлэг хүмүүсийн явуулга гэж үзэж байгаагаа ч өмгөөлөгчид нуусангүй. 
“Ноёд” группийн ерөнхийлөгч Г.Буяндорж нарын зургаан хүнд холбогдох хэргийг Дүүргийн эрүүгийн хэргийн анхан шатны нэгдүгээр шүүх дээр хоёр өдрийн турш хэлэлцсэний эцэст хэргийг нэмэлт мөрдөн байцаалтад буцаажээ.
Тахарын алба хуульд заасны дагуу албаны тугийг Хууль зүйн сайд Х.Тэмүүжингээс Тахарын албаны дарга Ц.Азбаяр хүндэтгэлтэйгээр хүлээн авлаа. Монгол Улсын хэмжээнд үйл ажиллагаа эхэлсэн 8 тойргийн нийт 160 орчим төрийн тусгай чиг үүрэг гүйцэтгэх хууль сахиулагчид нэгэн зэрэг Төр, ард түмнийхээ өмнө тангараг өргөн цол, үнэмлэх, албаны тэмдэгээ хүлээн авсан юм. Ийнхүү Тахарын офицерүүд хуулийн дагуу үүргээ хэрэгжүүлэх эрх нь нээгдэж байна. 
УИХ-ын гишүүн Хууль зүйн сайд Х.Тэмүүжинд Монголбанк талархал ирүүлжээ. Олон улсын санхүүгийн гэмт хэрэгтэй тэмцэх байгууллага /ФАТФ/ чуулганаараа Монгол Улсыг мөнгө угаах болон терроризмыг санхүүжүүлэхтэй тэмцэх стратегийн дутагдлуудаа зассан хэмээн үзэж өөрийн хяналтаас гаргах болсноо албан ёсоор Монголбанканд мэдэгдсэн байна. Олон улсад ийнхүү үнэлэгдэхэд Хууль зүйн яам, түүний удирдлага ихээхэн үүрэг гүйцэтгэсэн хэмээн төв банкны удирдлагууд үзсэн байна.