Сонгинохайрхан дүүргийн нутаг дэвсгэрт таксины жолооч үйлчлүүлэгч эмэгтэйгээ хүчирхийлэхийг завдаж, хутгалж хээр хаясан хэрэг гарчээ. 22-ын товчооноос 30 гаруй насны эмэгтэй 61-ийн гармын орчимд айлд очихоор такси барьжээ. Таксины жолооч 50 гаруй насны хүн байж. Тэд үнэ мөнгөнөөс болж маргалдсан бололтой. Жолооч бүсгүйг хээр аваачин цээж, гарыг нь хутгалж хаячихаад явсан байна. Хохирогч эмэгтэйг ямаа хариулж явсан хоёр охин олсон аж. Хохирогч “Амь авраарай, аллаа” хэмээн хашгирахад нь охид явж очжээ. Энэ үед сэжигтэн машинаа асаагаад зугтаасан байна. Охид тэр даруй цагдаад мэдэгдсэн гэнэ. Сэжигтнийг айлд байхад нь баривчилжээ. Хэргийг Сонгинохайрхан дүүргийн Цагдаагийн хэлтэст үргэлжлүүлэн шалгаж байна.
Month: June 2014
Ази
тивийн аварга шалгаруулах эрэгтэйчүүдийн чөлөөт бөхийн XVI, эмэгтэйчүүдийн XI,
сонгомол барилдааны XV дахь удаагийн тэмцээн өнөөдөр Буянт-Ухаа спорт
цогцолборт эхэлнэ. Монгол Улсад анх удаа зохион байгуулж байгаа энэ тэмцээн энэ
сарын 8-ны өдөр дуусах юм. Тэмцээнд Монгол, Иран, Япон, БНСУ, БНАСАУ, БНХАУ,
Узбекистан, Казахстан зэрэг 14 орны 200-гаад тамирчин чөлөөт бөхийн эрэгтэй,
эмэгтэй төрөлд тус бүр найман жинд өрсөлдөнө. Мөн сонгомол бөхийн найман жинд
тивийн аваргыг шалгаруулах юм. Энэ тэмцээнд манай улсаас:
Эрэгтэй:
50
кг Ц.Мандалсүрэн (Залуучуудын УАШТ-ий алт, хүрэл медальт)
55
кг З.Занабазар (Өсвөрийн ДАШТ-ий хүрэл медальт, өсвөрийн азийн аварга)
60
кг Б.Бат-Эрдэнэ (Залуучуудын УАШТ-ий алт, мөнгө, хүрэл медальт)
66
кг Г.Төрболд (Залуучуудын УАШТ-ий алт, хүрэл медальт)
74
кг Э.Мөнх-Эрдэнэ (Залуучуудын УАШТ-ний алт, хүрэл медальт)
84
кг Б.Нямбаяр (Залуучуудын ДАШТ-ий хүрэл, залуучуудын УАШТ-ий хошой алтан
медальт)
96
кг Н.Билгүүн (Залуучуудын улсын аварга)
120
кг Э.Мөнхбаатар (Залуучуудын улсын аварга)
Эмэгтэй:
44
кг Л.Баттогтох (Залуучуудын улсын аварга)
48
кг Г.Отгонжаргал (Өсвөрийн ААШТ мөнгөн медальт)
51
кг Б.Мөнхтуяа (Өсвөрийн ААШТ хүрэл медальт)
55
кг А.Батцэцэг (Өсвөрийн ДАШТ мөнгө, залуучуудын ААШТ-ий хүрэл медальт)
59
кг С.Цэрэнчимэд /Залуучуудын дэлхийн аварга, өсвөрийн ДАШТ хүрэл, өсвөрийн ААШТ
хүрэл медальт)
63
кг Б.Нямгэрэл (Өсвөрийн ДАШТ-ий хошой хүрэл, Азийн залуучууд болон өсвөрийн АШТ
хүрэл медальт)
67
кг О.Оюунгэрэл (Залуучуудын улсын аварга)
72
кг П.Номин-Эрдэнэ (Өсвөрийн ААШТ-ий хүрэл медальт) нар оролцоно.
Хятадаас хар тамхи оруулж ирсэн гурван залууг хилчид илрүүлжээ. Эрээнээс Замын-Үүд рүү энэ сарын 3-4-нд шилжих шөнө Хилийн 0108 дугаар ангийн хариуцсан автозамын шалган нэвтрүүлэх боомтоор орж ирсэн манай улсын иргэн Т, М, Э нар их хэмжээний мансууруулах бодис автомашиндаа нуун оруулахыг завдсан байна. Тэд Ice буюу мөс, гашиш хэмээх мансууруулах бодисыг их хэмжээгээр авч явсан байна. Сэжигтнүүдийг Улаанбаатарт авчирч Зохион байгуулалттай гэмт хэрэгтэй тэмцэх газарт шалгаж эхэлсэн гэнэ.
Эдийн засгийн хөгжлийн сайд Н.Батбаярыг огцруулах асуудлыг өнөөдөр Эдийн засгийн байнгын хороогоор хэлэлцэх ёстой байсан юм. Гэвч Н.Батбаяр сайд УИХ-ын нэгдсэн чуулган болон байнгын хорооны хуралдаанаас чөлөө авчээ. Эдийн засгийн байнгын хоро өчигдөр хуралдах байсан ч гишүүдийн ирц бүрдээгүй. Тиймээс Н.Батбаяр сайдыг огцруулах асуудлыг хэлэлцэхийг хойшлуулжээ. Сайд эрүүл мэндийн шалтгаанаар чөлөө авчээ.
УИХ-д албан бус бүлэг байгуулагдах гэнэ. Бие даагч С.Ганбаатар, Ц.Даваасүрэн, Х.Болорчулуун гурав дээр нэмэгдэж хэвлэлийн дайснаар тодорсон Ц.Оюунбаатар, МАХН-ын Л.Цог, О.Баасанхүү, мөн Д.Батцогт, АН-ын гишүүн Г.Баярсайхан, Ж.Батзандан… нарын хүмүүсийн нэр дуулдаж эхэллээ. Г.Баярсайхан нь тийм юм байхгүй гэсэн тайлбарыг өгч эхэлж байх шиг байна. Дээр дурдсан хүмүүсээс гадна ч албан бус бүлэгт нэгдэх сонирхолтой гишүүд байгаа бололтой. Хэдэн жилийн өмнө “Элсний 13” гэж хэдэн хүн МАН-д бий болсон шиг “Хаврын 13” гэсэн нэг ийм бэлгэдэлт тоо бүхий хэдэн нөхөр гарч ирж байна. 13 гэдэг нь ч юув дээ. Өөр монголчуудын бэлгэшээдэг тоо бий шүү дээ. Энэхүү хаврын хүмүүс одоо тэгээд юу хийнэ гэж албан бус бүлгэм байгуулна вэ. Нэгдүгээрт ийм бүлэг байгуулах хууль эрх зүй байхгүй. Хуулиараа хориотой гэсэн. Хууль бус болохоор албан ёсны бүлгийн мэдэгдэл энэ тэр гэж зүйл гарахгүй. Тэгэхээр тоглоом л юм даа. Энэ бүлэгт бие даагчдаас гадна бусад намуудаас гишүүд орсон хэмээн сүйд болж байна. Сүйд болохоор үйл явц мөн үү. Сонсоод л Засгийн газрыг шантаажлах бас нэг бүлэг нөхөд гарч ирлээ хэмээн хүмүүс ярьж байна. Н.Алтанхуяг эдний ямар тахилыг нь буруу өрчихсөн юм бол доо. Энэхүү хаврын хүмүүсийн тоглоомын бүлгийг хараад эртнээс бодогдож явдаг нэг зүйлээ хэлье. Улс төрийн орчинд орж, улс төрөөр цаашид амьдрах гэж байгаа хүн бол эхлээд гишүүнээр нь элссэн намаа л бодохоос өөр арга байдаггүй юм билээ. Улс төрд та намаар дамжиж, намаараа фон хийж, намын дүрэмдээ захирагдаж байж л амжилт олохоос бус дан биеэрээ даналзаад юу ч олж долоохгүй. Хүний нийгэмд улс төрийн нам албан ёсоор үүсээд 300 орчим жил болж байна. Улс төрийн тухай ойлголт бол мэдээж 3500 жилийн өмнөх Аристотель, Платоны үеэс эхэлнэ байх. Улс төрийн анхны нам 1861 онд Англид байгуулагдсан Либериал нам гэдэг. Сонгуульд ялсан нам парламент ба Засгийн газрыг бүрдүүлж нийгмийн амьдралыг өөрийн мөрийн хөтөлбөрийн дагуу удирдана. Энэ онолыг энгийн иргэн хэн ч ойлгоно. Тэгэхээр улс төрийн нам үүсээд 300-гаад жил болж буй энэ түүхэнд ганцаараа бие даан улс төр хийгээд тодорсон, улс орны төлөө ихийг хийсэн улстөрч, лидер гэж та дуулсан уу. Нам үүссэн түүхэнд лав байхгүй. Харин сүгсэлзүүрүүд бол ямар ч цаг үед байсан. Тэдний нөлөө гэж байдаггүй. Байх ч боломжгүй юм.
Орчин үед энэ нь улам батлагдаж намгүй бол улс төрд хэн ч биш гэдгийг одоо монголчууд ойлгох цаг болсон. “Фэнг Шү” Ганбаа бие даагч босч зогсоод хичнээн сайхныг яриад, гар хуруугаа гозогнууллаа гээд зарим хү¬мүүст таалагдахаас бус ажил хэрэг болж, ард түмний амьдрал дээр хэрэгжих бо¬ломжгүй. Боломжгүйг нь та бид харж байна. Юм ойл¬годог хүмүүс бол бие даагч Ганбаатарын ярихыг хараад …хэ цс гэнэ. Түүний яриад байгааг хэн хийх юм бэ, хэзээ хэрэгжүүлэх юм бэ, ямар нам эвсэл хүчин түүнийг нь дэмжээд байгаа юм бэ гэж боддог. Одоо түүний яриа үлгэр ярьж байгаа мэт үнэмшилгүй сонсогддог болчихсон нь үүнтэй холбоотой. Гоё, чамин ярих туршлага түүнд энэ хугацаанд бий бололгүй яахав. Харин ярьсныг нь хийх хүн хүч, хөрөнгө чинээ, боловсруулсан бодлого гээд асар их зүйл шаардлагатайг тэр огт тооцохгүй. Тооцохыг ч хүсэхгүй. Сонгогч түүнээс “Таны ярьсан чинь яагаад ажил болохгүй байгаа юм бэ” гэж асуувал хариулт нь бэлэн. “Би эрх баригч биш цөөнх учраас АН-ынхан ажил хийлгэхгүй байна” гэнэ. Юу ч хийж чадахгүй юм бол наанаа суух хэрэг байна уу гэж асуух сонгогч харин цөөхөн юм билээ. Иймэрхүү бие даагчид “Бид сайн ярьж, хэвлэл мэдээллээр сайн гарч байх ёстой” гэдгээ сайн мэднэ. Мөн бид улс орон ард түмний төлөө амаа ангайхаас өөрийг хийх хүчгүй гэдгээ бас сайн мэддэг. Монголын улс төрд бие даагчдын хийсэн сайн үйлс гэж байдаг бил үү. Байхгүйгээ мэдсэн ганц нэг нь өмнөх парламентын үед аль нэг нам бараадсан. Зарим нь ч бүр улс төрөөс холдож алга болсон. Энэ гурав аль нэг нам руу орчихож чадахгүй иймэрхүү “албан бус бүлэг” мэтийг санаачилж, хөнгөн хуумгай нөхдийг уруу татан үймүүлж, угтаа тоглоом наадгай хийж суугааг нь хараад өөр ч юу хийж чадахав дээ гэж бодогдоход хүргэж байгаа юм. Тэдэнд хөтлөгдөж байгаа гишүүдэд хэлэхэд хэн ч биш хүмүүсийг дагаж хэн ч биш болох гэж байгаа юм уу л гэж асууя. Албан бус бүлэг нь наад хүмүүст чинь л хэрэгтэйгээс бус намд бол хортой.
Ер нь тийм нэг увайгүй зан чанар өнөөдрийн тодорхой улстөрчдөөс шууд харагддаг. Намын нэрээр төрийн эрх мэдлийн өндөрлөгт оччихоод намаа тоохгүй болчихдог. Тоохгүй байгаад зогсохгүй намдаа дайсагнадаг. Намаа золиосолдог. Намаа доош нь хийж өөрөө ухаантай болж харагдах гэж оролддог нь тэнэг харагдуулах юм даа. Өнөөдөр төрийн өндөрлөгт байгаа хэн ч бай намгүй бол хумхын тоос шүү дээ. Энэ өөдгүй зан чанар ялангуяа АН болон шинэ залуу намуудаас түгээмэл харагдаад байна. Эртэй сайндаа улс төрд амжилт олчихсон юм шиг. Энэхүү “Хаврын 13” бүлгийн мөн чанар бол шулуухан хэлэхэд шантааж шүү дээ. Өөр юу гийгүүлэх юм бэ. Улс төрд шантаажийг шантаажаар хариулдаг нь бичигдээгүй хууль. Ухаандаа АН-аас “Хаврын 13”-т нэгдэж байгаа хүмүүсийг дахиж нэр дэвшүүлэхгүй гэсэн сөрөг шантааж аягүй бол хийнэ. Ингээд л бөөн хэрүүл. Би ухаантай сайн учраас нам маань гологдоод энэхүү “Хаврын 13”-ын бүлэгт нэгдлээ гэхээр чинь намын дүрэм үйлчилж, тэр нөхөртэй хариуцлага тооцно биз дээ. Бүтэн 12 жил зүтгэж байж арайхийж засаглалыг авсан АН-д сүүлд орж ирсэн нөхөд сүрхий сүгсэлзэх нь бүр ч мэдрэгдэх болж. Тэрнээс анхнаасаа явсан нөхдийн зүгээс арай ч ийм увайгүй зан гарахгүй байгаа юм. Яагаад гэвэл намын эрх ашиг гэж юм байдгийг тэд унаж босож, алдаж оносон 20 жилдээ ойлгосон болохоор тэр. Гэхдээ үүнийг огоордог хуучцуул ч мэр сэр бий. Элдэв фракцид хуваагдах, энэ тэр хутган үймүүлэгчдийн нөлөөнд автдаг, өөрийнхөө намын хүнийг огцруулах санал өгч жүжиглэх зэрэг чинь намын өсөлт бойжилтод хортой байна даа. АН-ын гишүүд энэ тал дээрээ илүү алдартай байж ирсэн. Яагаад ийм байдаг нь сонин. Баруун аймгийн бага ястан голдуу хүмүүс пиг чихчихсэн болохоор ийм байдаг юм болов уу ч гэж бодох юм. Тэд уугуулаасаа зан аашийн хувьд догшин ширүүн тэмцэгч хүмүүс байдаг. Тэгвэл халхууд голдуу байдаг МАН ингэдэггүй. Яаж ч үзэлцсэн намаа хорлодоггүй. Ө.Энхтүвшин даргын өчигдөр өгсөн дэлгэрэнгүй ярилцлагаас харагдаж байгаа юм. Улстөрч хүний буурь суурь, алсыг харах чанар түүний ярианаас аргагүй үнэртэж байна. Тэр ингэж хэлсэн байх юм “Дэмжиж чаддаггүй юм бол дуугүй байх хэрэгтэй” гэж. Энэ үг бол философи. Халхаас гарах философи. Энэ философийн үзэл санаа бол барьсан гэрийнхээ унийг сугалдаггүй гэсэн үг. “Бясаа устгах гээд байшингаа шатаадаг” гэсэн хэлц үг бий. Та нарыг өдий зэрэгт хүргэсэн намаа хайрлацгаа, улс төрчид минь. Намгүй бол та нар хэн ч биш шүү дээ.
УИХ-ын гишүүн Б.Бат-Эрдэнэ Ашигт малтмалын хуульд тусгасан ашигт малтмалын лиценз олгох эсэх асуудлыг ҮАБЗ-өөр хэлэлцэхийг хүсч Ерөнхийлөгчид захидал бичсэн байна. Тэрээр Ашигт малтмалын тухай хуульд оруулж буй нэмэлт, өөрчлөлтийг “Иргэний танхим”-аар хэлэлцүүлж, иргэд, эрдэмтэн судлаачдын дуу хоолой, үзэл бодлыг сонсохыг хүсчээ.Засгийн газраас өнөөдөр эргүүлэн татсан Ашигт малтмалын тухай хуульд нэмэлт, өөрчлөлт оруулах тухай хуулийн төсөлд Монгол Улсын Ерөнхийлөгчийн шийдвэрээр зогсоосон ашигт малтмалын лицензийг дахин олгохоор тусгасан байсан юм. Тэрээр захидалдаа “Лиценз олгоход иргэд, олон нийт, орон нутгийн өөрөө удирдах болон төр захиргааны байгууллагын оролцоо хяналтыг бий болгох талаар огт дурьдаагүй нь Ерөнхийлөгчийн санаачилж байсан хуулийн төслийн утга санаатай эрс зөрчилдөж байна. Эрх баригчид “урт нэр”-тэй хуулиар хязгаарлагдсан ордуудыг стратегийн ордод авч ашиглах, дархан цаазат газар нутаг, хилийн зурвас газарт ашигт малтмал олборлохыг зөвшөөрөхөөр зэхэж байгаа тул энэ асуудалд анхаарлаа хандуулна уу” гэж дурджээ.
Энэ жилийн шуугианы эздийн нэг болох дуучин Рианна шахуу шагнал гардуулах ёслол дээр бараг л нүцгэн иржээ. Түүний өмссөн 216 мянган Swarovski талстаар хийсэн дааншинз, үзэсгэлэнт бүсгүйг улам гайхалтай харагдуулж байжээ. Тэрээр энэ үдшийн гол дүр гэдгээ батлан, алдарт “Vogue” сэтгүүлийн ерөнхий эрхлэгч Анна Винтурагаас шилдэг “Style Icon Award”-ийн шагналыг гардан авсан юм. 
Куба улсын төрийн эрхийг 47 жил барьсан экс Ерөнхийлөгч Фидель Кастро гомдол гаргажээ. 87 настай удирдагч Кубад болж байгаа үйл явдлын талаарх мэдээллийг цаг тутам мэдээлэхгүй байна гэсэн гомдлоо Коммунист намын өдөр тутмын “Granma” сонинд нийтлүүлсэн байна. Энэ сарын 15-ны өдөр гэхэд гомдлыг нь авч хэлэлцэж, хариу өгөхийг мөн хүсчээ. Түүний зүрх тун муу байгаа гэнэ. Боливийн Ерөнхийлөгч Эво Моралес өнгөрсөн амралтын өдөр “AFP” агентлагт “Фидель Кастро эргэн тойрондоо юу болж байгааг ухаарч чадахгүй болсон. Харах, сонсох, ярих чадвар нь өдрөөс өдөрт муудаж байгаа” гэж онцолжээ.
“Изинис Эйрвэйз” ХХК үйл ажиллагаагаа тодорхойгүй хугацаагаар зогсоосонтой холбогдуулаад ЗТЯ, ИНЕГ-аас ажлын хэсэг гарч, шуурхай арга хэмжээ авсны үрээр тус агаарын тээвэрлэгчийн нислэг үйлдэж байсан чиглэлүүдэд нислэг хэвийн үргэлжилж байна.
“Изинис Эйрвэйз ”
агаарын тээвэрлэгчийн нислэг үйлдэж байсан чиглэлүүдэд өнөөдрийг хүртэл түр зуурын зохицуулалт хийж, “Аэрмонголиа”, “Хүннү эйр” агаарын тээвэрлэгчдэд хуваан нислэг үйлдүүлж байсан бол ИНЕГ-ын Агаарын навигацийн үйлчилгээний газар/АНҮГ/-аас зургаадугаар сарын 02-ноос аравдугаар сарын 25-ныг
хүртэлх нислэгийн тогтмол хуваарийг батлан гаргалаа.
“Ингэснээр үйл ажиллагаагаа зогсоосон авиакомпаниар үйлчлүүлж байсан иргэдэд ямар нэгэн
хүндрэл учрахгүй, бүх нислэгүүд хэвийн горимдоо орж, нислэг хэвийн үргэлжлэх болно” гэдгийг ЗТЯ-ны ажлын хэсэгт орж ажилласан,
ИНЕГ-ын АНҮГ-ын дарга П.Ганболд онцоллоо. Тус ажлын хэсгийнхэн идэвхитэй ажиллаж, “Изинис” авиакомпанид захиалга
өгсөн байсан 1800-аад зорчигчийн 8-аас бусдынх нь нислэгийг
зохицуулсан байна.
ИНЕГ-аас бусад агаарын
тээвэрлэгчдэд ч орон нутагт нислэг үйлдэх талаар санал тавьсан бөгөөд “МИАТ” компани Ховд болон
Оюутолгой нисэх буудал руу
Боинг 737 онгоцоор нислэг үйлдэх боломжтой гэсэн хариу ирүүлжээ.
Дотоодын 2 агаарын тээвэрлэгчийн орон нутгийн 12 чиглэлийн нислэгийн хуваарийг
танилцуулбал:
|
№ |
Чиглэл |
Агаарын тээвэрлэгч |
Өдөр |
Давтамж /Долоо хоногоор/ |
Агаарын хөлгийн |
|
1. |
Баян-Өлгий |
Аэромонголиа |
2,3,4,6,7 |
5 |
Fokker-50 |
|
2. |
Баянхонгор |
Хүннү |
2,4,6 |
3 |
|
|
3. |
Говь-Алтай |
2,4,6 |
3 |
||
|
4. |
Дорнод |
1,3,5,6 |
4 |
||
|
5. |
Завхан /Доной/ |
Аэромонголиа |
1,5 |
2 |
|
|
Хүннү |
2,4,6,7 |
4 |
|||
|
6. |
Ховд |
Аэромонголиа |
2,4,6 |
3 |
|
|
Хүннү |
1,3,5 |
3 |
Fokker-50, |
||
|
7. |
Хөвсгөл /Мөрөн/ |
Аэромонголиа |
1,2,3,4,5,6,7 |
7 |
Fokker-50 |
|
Хүннү |
1,2,3,4,5,6,7 |
7 |
|||
|
8. |
Өмнөговь /Даланзадгад/ |
Аэромонголиа |
1,2,3,4,5,6,7 |
8 |
|
|
Хүннү |
1,2,3,4,5,6,7 |
14 |
|||
|
9. |
Увс |
Аэромонголиа |
2,4,6 |
3 |
|
|
Хүннү |
1,3,5 |
3 |
|||
|
10. |
Оюутолгой |
Аэромонголиа |
2,3,5,6,7 |
5 |
|
|
11. |
Тавантолгой |
2,4,6 |
3 |
||
|
12. |
Овоот |
1,5 |
2 |
Шинээр “Хүннү Эйр”
ХХК УБ-Увс-УБ чиглэлд долоо хоногийн 3, “Аэромонголиа” ХХК УБ-Баян-Өлгий-УБ чиглэлд 2, УБ-Оюутолгой-УБ чиглэлд 3
удаагийн давтамж нэмсэн байна.
Энэ хагас сайнд “Автомашингүй өдөр” болж, “Улаанбаатар –Марафон” Олон улсын марафон гүйлтийн тэмцээн зохион байгуулагдана. Үүнтэй холбогдуулан зарим томоохон худалдааны төвүүдийн ажиллах цагийн хуваарьт зохицуулалт хийсэн байна.
5Тодруулбал, Баянзүрх дүүргийн “Нарантуул”, “Өгөөмөр”, “Нар мон”, “Сандей плаза”, Чингэлтэй дүүргийн “Бөмбөгөр 1”, “Бөмбөгөр -2”, “Алтжин бөмбөгөр” худалдааны төвүүдийн 06 дугаар сарын 07-ны бямба гаригийн ажлыг цагийн хуваарьт заасан амралтын өдөрт шилжүүлж, зохион байгуулалтын арга хэмжээ авч ажиллахыг аж ахуйн нэгж байгууллагын удирдлагуудад үүрэг болгосон байна.
5Энэ захирамжийг хэрэгжүүлэх ажлыг зохион байгуулахыг дүүргийн Засаг дарга нар, биелэлтэд хяналт тавьж ажиллахыг Улаанбаатар хотын Захирагчийн ажлын алба, Нийслэлийн Мэргэжлийн хяналтын газар, нийслэлийн Цагдаагийн газарт даалгажээ.