Швейцарийн Холбооны Улсын Женев хотноо “Ажилтай хөгжил дэвшил-хөдөлмөр эрхлэлт-2014” нэрийн дорзохион байгуулагдаж байгаа Олон улсын хөдөлмөрийн байгууллагын дээд хэмжээний чуулга уулзалтад Ерөнхий сайд Н.Алтанхуяг оролцож үг хэллээ. Уг чуулганд дэлхийн 180 гаруй орны 5000 орчим төлөөлөгч оролцож, хөдөлмөр эрхлэлт болон тулгамдаж байгаа асуудлуудын талаар санал солилцож байна. Ерөнхий сайд Н.Алтанхуяг дэлхий нийтээр 2015 оноос хойш эдийн засаг, нийгэм, хөгжлийн бодлогыг тодорхойлох “Post 2015: The future we want” хэлэлцүүлэгт Монгол Улс идэвхтэй оролцож зохистой, бүтээмжтэй хөдөлмөр эрхлэлтийг дэмжихэд онцгой ач холбогдол өгч байгааг хэллээ. Бизнес эрхлэгчид, хөрөнгө оруулагчдад тогтвортой, ил тод, хүнд сурталгүй төрийн үйлчилгээг үзүүлэх, татварын таатай орчин бүрдүүлэхэд Засгийн газраас олон арга хэмжээ авч байгаа. Үүний нэг бүрэлдэхүүн хэсэг нь Засгийн газрын “Ажилтай орлоготой Монгол хүн” хөтөлбөр юм.
“Монгол Улсын Засгийн газрын бүтцэд Хөдөлмөрийн яамыг шинээр үүсгэн байгуулж, хөдөлмөр эрхлэлт, хөдөлмөрийн харилцаанаас гадна жижиг, дунд үйлдвэр, хоршоо, мэргэжлийн боловсрол, сургалт зэрэг иргэдээ ажилтай, орлоготой байхад дэмжлэг туслалцаа үзүүлэх асуудлуудыг тус яаманд хариуцуулсан. Энэ нь хөдөлмөрийн зах зээлийн эрэлт-нийлүүлэлт тэр дундаа ЖДҮ-ийн хүний нөөцийн асуудал цогцоор шийдэгдэхэд чухал алхам боллоо. Мөн ажил олгогчийн захиалга, ажил хайж буй иргэдийн мэдээллийн бүртгэлийн нэгдсэн систем бий болгоход ихээхэн дэмжлэг болсон. Зах зээлд өрсөлдөх чадвар сул иргэдийнхээ хөдөлмөрлөх эрхийг хангах зорилгоор “40-өөс дээш насны иргэдийн хөдөлмөр эрхлэлтийг дэмжих”, “Аж ахуй эрхлэлтийг хөгжүүлэх” зэрэг хэд хэдэн дэд хөтөлбөр, төслүүдийг амжилттай хэрэгжүүлж байна. Монгол оронд хөдөлмөр, нийгмийн олон асуудлыг гурван талт гэрээ хэлэлцээрийн хүрээнд шийдвэрлэж, орон нутаг, салбар, аж ахуйн нэгж, байгууллагад нийгмийн түншлэл амжилттай хөгжиж байна” гэж хэллээ. Олон улсын хөдөлмөрийн байгууллагын Ерөнхий захирал Гэй Радар Монгол Улсын шинэчлэлийн Засгийн газрын хөдөлмөр, нийгмийн салбарт авч хэрэгжүүлж байгаа эдгээр туршлагуудын талаар илтгэл тавиулахаар Ерөнхий сайд Н.Алтанхуягийг албан ёсоор урьжээ гэж Засгийн газрын Хэвлэл мэдээлэл, олон нийттэй харилцах албанаас мэдээлллээ.
Монгол Улс 2014 он гарсаар 33.1 тэрбум төгрөгийг тэтгэвэр халамжид зарцуулсан байна. Энэ нь өнгөрсөн жилийнхээс 0.1 хувиар нэмэгдсэн үзүүлэлт юм. Үүний гол шалтгаан нь УИХ-аас тэтгэвэр, тэтгэмжийг нэмэх тушаал гараагүй, валютын нөөц бага байгаатай холбоотой ажээ. 2012 оны энэ үед 19 тэрбумыг зарцуулж байсан бол энэ тоо 2013 онд 24 тэрбумаар огцом нэмэгдэж байсан билээ. Харин нөхцөлт мөнгөн тэтгэмжид 26,2 тэрбумыг зарцуулж өнгөрсөн оныхоос таван тэрбум төгрөгөөр нэмэгджээ. 
Зуны урин дулаан цаг ирэхээр хүн бүхэн л агаарт гарч байгаль дэлхийтэйгээ ойр байхыг хичээдэг. Энэ нь хүмүүст сэтгэлийн ташаалыг өгдөг. Нийслэлийнхэн ихэнхдээ гол мөрний ус бараадан, ой мод захалж найз нөхөд, гэр бүлтэйгээ өдрийг өнгөрүүлдэг. Тэгвэл таны мартагдахааргүй өнгөрүүлэх гэж буй аялалд майхан савнаас эхлээд хэрэгтэй зүйлс мондохгүй. Ингээд та бүхэндээ аялалд авч явах ахуйн хэрэглээний зүйлс хичнээн төгрөгийн үнэтэй болох мэдээллийг дэлгэрэнгүй хүргэе.
Хэвлэл мэдээллийн байгууллага уншигч, сонсогч, үзэгчдээсээ санал
Монгол Улсын Төрийн соёрхолт яруу найрагч Ринчиний Чойномын нэрэмжит “Оюухай-2014” энэ сарын 13-15-ны хооронд Хэнтий аймгийн Дархан суманд зохион байгуулагдана. Эрх чөлөө, чөлөөт сэтгэлгээний яруу найргийг хөгжүүлэх, ном соёлын үйл ажиллагааг хөгжүүлэн дэлгэрүүлэх зорилгоор зохиогддог тус наадам анх 1993 онд зохиогдож байсан бөгөөд энэ жил ес дэхь удаагаа зохиогдох гэж байгаа нь энэ юм.
БЗД-ийн XIV хороо “Халдвартын автобусны буудал дээр хутгалуулсан хүн байна” гэсэн мэдээллээр цагдаагийн байгууллагаас очиж шалгахад Орхон аймагт оршин суух 47 настай, эрэгтэй Б, 31 настай эрэгтэй Ж нарыг СХД-ийн IX хороонд оршин суух 38 настай, эрэгтэй Б согтуурсан үедээ хэвлий, цээжинд нь хутгалж танхайрч байсан хэргийг таслан зогсоож шалгаж байгаа аж.
Нийслэлийн Засаг даргын захирамжаар автоотээврийн болон өөрөө явагч хэрэгслийн албан татвар, Агаарын бохирдлын төлбөр, автозам ашигласны төлбөр хураах ажлыг энэ оны гуравдугаар сарын 20-ноос тавдугаар сарын 31-ний хооронд, эрчимжүүлсэн хяналтын үзлэг шалгалтыг 2014 оны энэ сарын 10-24-нийг хүртэл зохион байгуулж байна. 
Баянхонгор аймагт зохион байгуулагдах Ламын гэгээний 375 жилийг ойг тохиолдуулан гурван зулын нэг ламын гэгээний VIII дүр Данзанжамбалчойжишэнин гэгээн номын багш Ёндоны хамт өнөөдөр Монголд залрах гэж байна. Ламын гэгээний 375 жилийн ойг угтан энэ сарын 24-26-нд Баянхонгор аймагт Бат-Оршилд өргөх ёслол зохион байгуулагдах аж. Үүнтэй холбогдуулан “Ламын гэгээний өв соёл, төв ази болон Монголд” сэдэвт эрдэм шинжилгээний хурал болох юм байна.
Засгийн газраас шийдвэр гаргаж, ДЦС-3-ыг үе шаттайгаар шинэчлэхээр болсон билээ. Тус станцын суурилагдсан хүчин чадлыг 50 МВт-аар өргөтгөхөөр болж, БНХАУ-ын “Hunan Industrial Equipment Installation” компани гүйцэтгэгчээр ажиллаж байгаа Хүчин чадлыг 50 МВт-аар өргөтгөснөөр Төвийн бүсийн эрчим хүчний системийн хүчин чадал 50 МВт-аар, нийслэлийн дулаан хангамжийн системийн хүчин чадал 100Гкал/ц-аар нэмэгдэн, цаашлаад Багануур дүүргийн орон сууцны хорооллыг дулааны эрчим хүчээр хангах боломж бүрдэх байна.Чингис бондын хөрөнгө оруулалтаар Хөгжлийн банкны З5 сая ам.долларын санхүүжилтээр хэрэгжиж байгаа энэ төслийн хүрээнд үндсэн барилгыг өргөтгөх, хөргөлтийн цамхаг, эргэлийн усны төхөөрөмж шинээр барих 50 МВт-ын турбин-генератор шинээр суурилуулах ажил хийгдэж байна. Мөн цахилгааны хуваарилах байгууламж , трансформатор суурилуулах, дулааны сүлжээний ус халаах байгууламж барих болон бусад тоноглолын барилга угсралтын ажлууд дуусах шатандаа оржээ. Өргөтгөлийг албан ёсоор энэ сарын 16-нд хүлээлгэж өгөх аж.
УИХ-ын Эдийн засгийн байнгын хорооны хуралдаанаар Монгол Улсын эдийн засаг, нийгмийг 2015 онд хөгжүүлэх Үндсэн чиглэлийг батлах тухай УИХ-ын тогтоол, Тогтоолын хавсралтуудад нэмэлт, өөрчлөлт оруулах тухай тогтоолын төсөл, “Цагаан суваргын ордын төрийн эзэмшлийн хувь тогтоох тухай тогтоолын төсөл, Н.Батбаяр сайдыг огцруулах асуудлыг тус тус хэлэлцлээ. Үүнээс Тогтоолын хавсралтуудад нэмэлт, өөрчлөлт оруулах тухай УИХ-ын тогтоолын төслийг Ашигт малтмалын тухай хууль батлагдсаны дараа хэлэлцэх горимын саналын дагуу хойшлуулав.