Замын хөдөлгөөний аюулгүй байдлыг хангах зорилгоор Улаанбаатар хотын хөдөлгөөний нягтрал ихтэй газруудад явган зорчигчдод зориулсан гүүрэн гарц барьж эхэлсэн. Энэ жил Нийслэлийн Автозамын газар хоёр байршилд гүүрэн гарц барихаар төлөвлөжээ. Үүний нэг нь Сүхбаатар дүүргийн 10 дугаар хорооны нутаг дэвсгэрт 100 айлын орчимд буюу Хүүхдийн хоёрдугаар эмнэлгийн автобусны буудлын дэргэд гүүрэн гарц барихаар болсон байна. Зуун айлын гүүрэн гарцыг барих ажлын гүйцэтгэгчээр “ЗМЗ” ХХК ажиллаж байгаа. Энэ ажлын хүрээнд нөгөөдөр буюу 12-ны шөнийн 00:00 цагаас өглөөний 06:00 цагийн хооронд 100 айлын уулзвараас зүүн тийш автобусны буудал хүртэлх замын хөдөлгөөнийг хааж, гүүрэн гарцын дам нурууг байрлуулахаар болсон байна. Харин гүүрэн гарцыг энэ сарын 30-нд ашиглалтад өгөх аж.
Э.Эрдэнэ
2001 онд Билл Клинтон АНУ-ын Ерөнхийлөгчийн ажлаа өгсөн билээ. Хиллари Клинтон энэ тухайгаа дурсан ярихдаа “Манайх Цагаан ордонд ирэхэд ямар ч мөнгөгүй байсан. Тиймээс барьцааны мөнгөө төлөх, охиныхоо сургалтын төлбөр гээд нэлээд хэцүү байсан. Харин Цагаан ордноос явахад мөнгөгүй төдийгүй өрөнд орсон ” гэжээ. Тиймээс ч төрийн тэргүүний ажлаа өгснөөсөө хойш Б.Клинтон төлбөртэй лекц унших болсон. Түүнээс хойш өнөөдрийг хүртэлх Билл Клинтон 106 сая ам.долларын ашиг олжээ. Хиллари Клинтон ч Төрийн нарийн бичгийн бичгийн даргын ажлаа өгсөнөөсөө хойш санхүүгийн байдал нь илт сайжирсан аж. 
Монголын анхны хөгжлийн бэрхшээлтэй иргэдэд зориулсан “Цаг үргэлж” авто сургууль анхны төгсөгчдөө бэлтгэжээ. Тэд өнөөдөр төгсөгчиддөө сургууль дээр нь үнэмлэхийг нь гардуулж өгсөн юм. Тус сургуулийг нийт 18 хүн төгсчээ. Өмнө нь манай улсад хөгжлийн бэрхшээлтэй иргэд машин барихыг хүлээн зөвшөөрдөггүй байсан. Түүнчлэн тэдэнд зориулан тоноглосон машин байгаагүй аж. Харин “Цаг үргэлж” авто сургуулийн захирал А.Цэрэнпунцаг хоёр машиныг хөгжлийн бэрхшээлтэй иргэдийг сургахад зориулж тоноглосноор тэдэнд сурч, жолоо барих боломжийг нь бүрдүүлсэн юм. Тус сургуулийн сургалт өнгөрсөн гуравдугаар сараас эхэлжээ. Цаашид ч тогтмол үйл ажиллагаа явуулах аж. 
Нигерт дэх “Боко-Харам” лалын бүлгийнхэн дахин эмэгтэйчүүд хулгайлсан тухай мэдээллээ. Тус улсын хойд нутагт орших Чибок хотын ойролцоох газраас 20 бүсгүйг хүчээр авч явжээ. Гэрчийн ярьснаар цэргийн хувцастай зэвсэглэсэн хүмүүс буу тулган эмэгтэйчүүдийг хүчээр машинд суулгасан гэнэ.
Нийслэлийн Баянзүрх дүүргийн 20 дугаар хорооны нутаг “Шар хоолой”, “Ёлтын даваа”-ны орчимд нутагладаг айлуудын мал руу энэ сарын 6-ны өдөр халдварт өвчний шинж тэмдэгтэй 1 чоно дайрч мал урсан байна. Улмаар НОБГ-аас чоныг устгаж, сэг зэмээс дээж авч УМЭАЦТЛ-д шинжлүүлэхэд “Галзуу” өвчин болох нь тогтоогдсон байна. Иймд тус дүүргийн Засаг даргын 2014.06.09-ний өдрийн А/260 дугаар захирамжаар 14 хоногийн хугацаатай хязгаарлалтын дэглэм тогтоож, 22 нохой, 6 муур устгаж ариутгал халдвэргүйжүүлэлт хийгээд байна.
Гадаад харилцааны дэд сайд Д.Ганхуягийн Холбооны Бүгд Найрамдах Бразил Улсад хийж буй айлчлал 2014 оны 6 дугаар сарын 9-нд Бразилийн Гадаад харилцааны сайд Луиз А. Фигуэйрэдотой уулзсанаар эхэллээ.
Багануур дүүргийн 5 дугаар хорооны нутаг “Улаан-Эрэг” гэдэг газар Хэрлэн
Оросууд гурав дахь эмэгтэй сансрын нисэгчээ ирэх есдүгээр сарын 25-нд
