Монголын шашин соёлын нэрт зүтгэлтэн, соён гэгээрүүлэгч, ууган зурхайч, Ламын гэгээний VIII дүр Лувсанданзанжамбалчойжишинэн гэгээнтэн өнөөдөр 11.00 цагт Ерөнхийлөгч Ц.Элбэгдоржид бараалхах юм байна. Түүнчлэн энэ сарын 12-ны өдөр буюу маргааш төрөлх нутаг болох Баянхонгор аймагтаа морилж нийт сүсэгтэн олондоо зориулан ном айлдах бөгөөд лам хуваргууд “Номгон” хайрханыг тахиж, буян хишгийн даллага авах юм байна. Тус арга хэмжээ зуны эхэн сарын шинийн арван таван Бурхан багшийн их дүйчин өдөр буюу зургадугаар сарын 13-ны 10.00 цагт Түйн голд болох аж. Дашрамд дуулгахад, Ламын гэгээний түмэн өлзий гийсний түүхт 375 жилийн ой, Ламын гэгээний VIII дүр Данзанжамбалчойжишинэн гэгээнтэнд бат оршил өргөх ёслол, “Говийн бүсийн Их хурд-2014” хурдан морины уралдаан, даншиг наадам Баянхонгор сумд долоодугаар сарын 22-26-ны өдрүүдэд болох юм байна. Сонирхуулахад, Ламын гэгээний мэлмий гийсний 370 жилийн ой тохиосон жил буюу 2009 онд Ламын гэгээн VIII дүрээр Баянхонгор аймгийн Баянбулаг сумын харъяат Болдын ганц хүү Эрдэнэбат тодорсон байна. Тэрбээр тус аймгийн Баянбулаг сумын Сангийн далай хэмээх газар мэндэлсэн бөгөөд Гэгээнтнээр тодрох жилдээ Б.Эрдэнэбат хүү 14 настай, “Номгон” ахлах сургуулийн сурагч байжээ.
Month: June 2014
Толгойтоос Амгалан чиглэлд “Railbus” үйлчилгээнд явж эхэллээ. Энэ унаа 200 хүртэл зорчигчтойгоор талдаа 45 минут зорчоод зорьсон газартаа очих юм. Нийтийн тээврийн ийм үйлчилгээ гарснаар замын түгжрэл 30 хувь багасч, иргэд зорьсон газраа товлосон цагтаа очно гээд сайхан мэдээ дуулдаж байна. Одоо хотын төвөөр давхих “Railbus”-ийг Налайх руу явуулдаг болъё. Налайхаас нийслэлд ажилтай хүн олон. Тэд өглөө, оройд Налайхын нарийн зам дээр түгжирдэг. Боломж гарвал нэгийгээ гүйцэж түрүүлэх гэж байгаад зам тээврийн осол гаргана. Долоо хоног бүр Налайхын энхэл, донхолтой, нарийхан, “алуурчин” зам нэг хүний аминд хүрдэг гэдгийг Замын цагдаагийнхан мэдээлсэн. “Railbus” Налайх чиглэлд явдаг болчихвол бэрх замаар цуврагсад цөөрнө. Тэр хэрээр олон хүний амь аварна. Энэ утгаараа “Railbus” буянтай үйлчилгээ болох юм. Нөгөө талаар хот баруун, зүүн тийшээ тэлж байгаа. Шинэ суурьшлын бүсээ одооноос хурдан унаатай болгочихвол аштай юу. Хэдэн жилийн өмнө Налайхынхан галт тэргээр ажилдаа явдаг байлаа. Харин одоо “Railbus”-аар давхидаг болъё.
Б.ЦЭЦЭГДЭЛГЭР
БНСУ-ын элчин сайдын яам зургадугаар сарын 14-ний өдөр буюу хагассайн өдөр Үндэсний цэцэрлэгт хүрээлэнд “Солонгосын өдөр”-ийг гуравдах удаагаа зохион байгуулах гэж байна. Уг арга хэмжээ энэ жил “Сэтгэл татам Солонгос орон” уриан дор зохион байгуулагдах гэнэ. Энэ өдөр “К поп тэмцээн” буюу Солонгос дууг хэн сайн дуулах вэ тэмцээн болох юм байна. тэмцээнд шалгарсан хүнийг “К поп дэлхийн наадам”-д оруулах гэнэ. Мөн Солонгосын энх тайвны нэгдлийг эрхэмлэн монгол хүүхдүүдийн дунд “Солонгосын энх тайван нэгдэл” уран зургийн уралдаан болох аж. Арга хэмжээнд К поп урсгалаар дуулдаг “Fiestar” хамтлаг ирж дуулах гэнэ. Солонгосын өдөр арга хэмжээг KCBN, UBS телевизээр шууд дамжуулах юм байна.
Монгол хурандаа нийгэмлэг өчигдөр мэдэгдэл хийлээ. Уг нийгэмлэг нь одоогоос есөн жилийн өмнө байгуулагдсан ч төдийлөн үйл ажиллагаагаа явуулаагүй байсаар өдийг хүрчээ. Монгол хурандаа нийгэмлэг гэдэг нь ямар нэгэн нам бус, улс төрийн үйл ажиллагаа биш бие даасан ахмад, хурандаа нарын эрх ашгийг хамгаалах ажиллагаа явуулдаг байгууллага гэнэ. Энэ онд тус нийгэмлэг шинэчилсэн зохион байгуулалтад орох бөгөөд зэвсэгт хүчний, хил аюулгүй байдлын, хууль хүчний байгууллага гэсэн гурван зөвлөл хамтарч ажиллах юм байна. Тэдний зүгээс цэргийн албаа хаагаад тэтгэвэртээ гарсан ахмад, хурандаа нарын тэтгэвэр тэтгэмж дээр цолны нэмэгдэл авдаг болох хүсэлтэй байгааг илэрхийллээ. Мөн зэвсэгт хүчний цэрэг, цагдаа нар 25, 30 жил зүтгэсэн ч орох оронгүй, амьдралын нөхцөл нь баталгаагүй байгаа зэрэг асуудлуудыг шийдэж өгөхийг хүссэн юм.
Газрын тухай шинэчилсэн багц хууль нь Монгол улсын тусгаар тогтнол, ард түмний амьдралын арга барил, иргэний эрх ашгийг зөрчиж байгаагийн улмаас энэ хуулийн төслийг дэмжихгүй гэдгээ Монголын газрын мэргэжилтнүүд, иргэд нэгдэж мэдэгдлээ. Мөн уг хуулийг Их Хурлын хэлэлцүүлгээс буцаан татахыг шаардсан цуглааныг өнөөдөр 17:00 цагт Чингэсийн талбайд зохион байгуулах юм байна. Зохион байгуулагчаар нь “Дэлхийн Монгол” эх оронч залуусын нэгдэл ажиллах гэнэ. 2013 оны мэдээгээр 2008 оноос хойш Монгол Улсын иргэнд 0,07 га газрыг үнэгүй олгох явцад гэр бүлийн хэрэгцээний шаардлагад нийцэх, тохирсон газар хүрэлцээгүйн улмаас ердөө 255 мянган иргэд газар өмчилж авсан байна. Газрын тухай хууль Монголын газар шороог зарж, арилжаалж, барьцаалж болж байгаа ч эцсийн үр дүндээ Монгол улсын нэгдмэл газар нутгийн байдал алдагдах, баялаг ихтэй хэсэг нь хуваагдах аюултай байгаа аж. Хуулийн шинэчилсэн найрууллагад иргэдэд ашигтай талаас нь бичсэн ч газар хүрэлцэхгүй байсаар байгаа гэнэ. Мөн уг асуудлаар “Дэлхийн Монгол” эх оронч залуусын нэгдэл долоон хоног болгон мэдээлэл гаргаж эх орноо хамгаалахын тулд ард түмнээ уриалах болсноо мэдэгдлээ.
Үйлдвэр хөдөө аж ахуйн яам Ази Номхон далайн бүсийн орнуудад өрнөж буй хүнсний хорогдол хаягдлыг бууруулах, олон нийтийн ойлголтыг нэмэгдүүлэх зорилготой “Хүнсээ хэмнье” үндэсний хэмжээний аяныг өнгөрсөн гуравдугаар сараас зохион байгуулж буй. Аяны хүрээнд өчигдөр ҮХААЯ дээр “Хүнсний хаягдал хорогдлыг бууруулах нь” сэдэвт хэлэлцүүлэг боллоо. Хэлэлцүүлгийн зорилго нь иргэдэд хүнсний хорогдлыг бууруулах талаар мэдээлэл олгох, Монгол Улсад хүнсний хорогдол, хаягдлыг бууруулах стратеги төлөвлөгөө боловсруулахад дэм өгөх, “Хүнсээ хэмнэе” үндэсний сүлжээг бий болгоход төрийн болон хувийн хэвшлийн байгууллагуудыг татан оролцуулах байв.
Э. Эрдэнэ
“Ноёд” группийн ерөнхийлөгч Г.Буяндоржтой холбогдолтой сөрөг мэдээ,
мэдээлэл сүүлийн өдрүүдэд хэвлэл, мэдээллийн хэрэгслээр нэлээд цацагдах
болсон. Тиймээс дээрх мэдээллүүдтэй холбоотойгоор тус группээс дараах
албан ёсны мэдэгдлийг хүргэж байна.
“Ноёд” группийн захирал Г.Буяндоржтой холбоотой энэхүү асуудал нь
Монгол Улс, төр түмэнд нэг ч төгрөгний хохирол учруулаагүй, улсын төсөв
болон хөрөнгийг шамшигдуулаагүй, Монгол Улсын эдийн засагт ямар нэг
хохирол учруулаагүй билээ. Энэ нь Хятадын “Тайшинь” ХХК-тай аж ахуй
нэгжийн гэрээний маргаантай асуудал юм. Түүнчлэн “Дарханы төмөрлөгийн
үйлдвэр”-ийн удирдлагуудтай ямар ч холбогдолгүй нь нотлогдон, хууль
хяналтын байгууллагын харъяаллаас нэгэнт гарсан нь батлагдсан.
Дээрх асуудлыг С.Билэгт гэгч эмэгтэй “Ноёд” констракшины хөрөнгийг
булааж авах бусармаг, шунахай, санаатайгаар уг үйл ажиллагааг зохион
байгуулалттайгаар явуулж байна.
Ийнхүү гүтгэлгийн шинж чанартай мэдээллийг олон нийтэд удаа дараа
хүргэж байгааг эсэргүүцэн зохих ёсны дагуу холбогдох хууль, хяналтын
байгууллагад бид хандаад байна.
“Ноёд” констракшины гүйцэтгэх захирлаар ажиллаж байх хугацаандаа их
хэмжээний мөнгө шамшигдуулсан иргэн С.Билэгт нь өмнө нь залилангийн
хэргээр шүүхээр нэг удаа шийтгүүлж байсан. Одоо иргэдээс болон “Ноёд”
констракшины мөнгө, хөрөнгийг залилан авсаныг хууль хяналтын байгууллага
хоёр эрүүгийн хэрэг үүсгэн шалгаж байна. Мөн Нийслэлийн ШШГЕГ-ын 404
тоот өрөөнөөс тус констракшины аж ахуйн нэгжийн гэрчилгээ, тамга
тэмдгийг хулгайлсан хэргийг Сүхбаатар дүүргийн цагдаагийн хэлтэст эрүү
үүсгэн шалгаж байгаа юм.
Хэвлэл мэдээллийн хэрэгслээр хоёр талаас тайлбар авалгүйгээр нэг талыг
барьж мэдээлэл хүргэж байгаа нь олон нийтийг төөрөгдүүлж байна. Үүний
улмаас Г.Буяндоржийн гэргий, МУГЖ Т.Ариунаа болон түүний үр хүүхдүүдэд
сэтгэл зүйн хувьд сөргөөр нөлөөлж ажил хөдөлмөр эрхлэх, тайван амьдрахад
саад учруулсаар байна.
Иймд иргэн С.Билэгт болон түүний хамсаатнуудаас энэхүү увайгүй, явуургүй, бусармаг үйл ажиллагаагаа зогсоохыг шаардаж байна.
ҮНЭН ҮРГЭЛЖ ЯЛДАГ.
“НОЁД” групп
МАХН-ын Удирдах ажилтны зөвлөлгөөн Төрийн ордон болон МАХН-ын төв байранд хоёр өдөр үргэлжиллээ. Уг зөвлөлгөөнд МАХН-ын дэд дарга, Шадар сайд Д.Тэрбишдагва, Ерөнхий нарийн бичгийн дарга Г.Шийлэгдамба, УИХ-ын дэд дарга Л.Цог, Аюулгүй байдал, гадаад бодлогын байнгын хорооны дарга Ц.Цолмон болон сайд, УИХ-ын гишүүд оролцлоо. Мөн 21 аймаг, 9 дүүргийн МАХН-ын удирдлагууд ирсэн юм.
Зөвлөлгөөний үеэр Засгийн газрын гишүүдийнхээ ажлын тайланг сонсч, мөрийн хөтөлбөрийн хэрэгжилт, намын дотоод амьдрал, санхүүжилт, боловсон хүчний нөөц бололцоо, бусад нам эвслүүдтэй хэрхэн хамтран ажиллах талаар хэлэлцжээ. Мөн аймаг орон нутагт хэрхэн ажиллах, мөрийн хөтөлбөрийн хэрэгжилтийг хэрхэн сайжруулах, ямар арга замаар ажиллах тухай орон нутгаас ирсэн төлөөлөгчидтэй ярилцаж нэгдсэн шийдвэрт хүрсэн байна. Эдийн засгийн хямралтай, ард иргэд ядуу амьдарч байгаа өнөөгийн цаг үед улс төрөөр хөөцөлдөхөөсөө илүүтэй ард иргэдэд, орон нутаг, дүүрэгт чиглэсэн олон ажил зохион байгуулах талаар орон нутгаас ирсэн төлөөлөгчид нь сануулжээ. Зөвлөлгөөнд ирсэн аймаг орон нутгийн төлөөлөлөгчид сайд дарга нарыг нэг дор цугласанд олзуурхаж болж бүтэхгүй байгаа ажлыг нь шүүмжилж, цаашид хэрхэн ажиллах талаар саналаа хэлэлцжээ.
Зөвлөлгөөний гишүүн элсүүлэх, гишүүнчлэл сэргээв. Тус намд өнөөдөр МАН-ын Баянгол дүүргийн зарим нэг ИТХ-ын тэргүүлэгч гишүүнчлэлээ сэргээж шинэ гишүүд элсэн оржээ.
Л.ГҮНДСАМБУУ
Categories
Неймар гэмтжээ
Бразилийн шигшээ багийн од Неймар өнөөдөр бэлтгэлийнхээ үеэр баруун өвдгөндөө гэмтэл авч бэлтлээ дуусгалгүй талбайг орхилоо. Энэ тухай багийн ахлах дасгалжуулагч Луис Сколари хэлэхдээ “тэр гэмтсэн нь үнэн. Гэхдээ энэ бол шалихгүй гэмтэл. Тэр Хорваттай тоглох эхний тоглолтод заавал оролцоно, санаагаа бүү зовоо” гэж хэллээ.
Хаврын урь орсноос эхлээд намар газар хөлдтөл газар шороо, барилгын ажил явагддаг. Ялангуяа зуны цагт иргэд зуслангийн байшин болон хувийн сууцаа төхнүүлж авдаг билээ. Тэгвэл барилга барихад хэрэгтэй бүхий л түүхий эд, бүтээгдэхүүний талаарх мэдээллийг хүргэе.
Цемент(1 шуудай-50кг)- 9000
Шохой(1 кг)-400, (шуудайгаар 50кг)-15000
Элс-(1 шуудай)-2000
Гадна замаск(1 уут)-7500-8500
Дотор замаск-(25кг)-5000, (30 кг)-8000
Хайрга(1 портер машин нь)-60000
Тоосго(1ш)-энгийн-330, даацын-350, өнгөлгөө-900
Төмөр(1метр)-3500-7000
Обой-15000-28000 (солонгос обой)-45000
Хадаас(1 кг)-2500
Шруф (хайрцаг нь)-2500
Шпатль (хуванцар) -500, төмөр-1000-3000
Обойны цавуу(хулдаасан)-17000, цаасан-15000
Хаалганы бариул(модон)-6000-9000, төмөр-36000-с дээш
Бүргэд хаалганы бариул(дан)-12000,18000 (цоожтой)-30000-35000
Ил нугастай хаалга-22000
Үйлдвэрийн хаалга-35000
Fuxi (зузаан төмөртэй)-600000
Модон хаалга-110000
Вакум цонх-66 рам (м^2)85000, 72 рам-130000
Метал цонх-28000
Өнгөт цонх -12000
Э.Анужин