Та арилжааны банкнаас жилийн найман хувийн хүүтэй зээл авч орон сууцанд орохоор зэхэж байгаа бол энэхүү мэдээлэлд анхаарлаа хандуулаарай. Танай өрхийн сарын орлого болон одоо авах гэж байгаа зээлээс хамааруулан банк олгох зээлийнхээ хэмжээг урдчилсан байдлаар тооцдог. Та хэдэн төгрөгөөр байр авахаас шалтгаалж төлөх дүн нь ондоо байх нь мэдээж. Үүнийг хүснэгтээр харуулъя.
Нийслэлийн Иргэдийн Төлөөлөгчдийн Тэргүүлэгчдийн ээлжит хуралдаанаар “Нийслэлийн нутаг дэвсгэрт оршуулгын үйл ажиллагааг зохион байгуулах” журмыг хэлэлцэн, баталлаа. Журам батлагдсанаар оршуулгын газрын хил хязгаарыг хэрхэн тогтоох, ямар тохиолдолд хаах нь тодорхой болж байна. Мөн оршуулгын үйл ажиллагаанд оролцогч төрийн болон төрийн бус байгууллагуудын үүрэг тодорхой болж, ил тавьсан шарилыг тойрсон гомдол, саналыг шийдвэрлэх боломж бүрдэж байгаа юм. Зөвшөөрөлгүй оршуулсан шарилыг нүүлгэн шилжүүлэх, суурьшлийн бүсэд ил задгай шарилыг тавьсан иргэн, аж ахуйн нэгжид тооцох хариуцлагыг тусгасан. Ингэснээр шашны байгууллагаас мөрдөж ажиллах үүрэг тодорхой болж, оршуулгын үйл ажиллагаатай холбоотой нэгдсэн мэдээллийн сан бий болгох юм.
Энэхүү журам нь оршуулгын газрыг байгуулах, хамгаалах, тохижуулах, хаах болон шарилыг оршуулах, чандарлах, нүүлгэн шилжүүлэх ажиллагаатай холбогдсон харилцааг зохицуулна.
Багануур, Багахангай, Налайх дүүрэгт шинээр байгуулах оршуулгын газрын байршил, хэмжээ, хил хязгаар, хамгаалалтын бүс болон одоо байгаа оршуулгын газрын оршуулах талбайн нөөц, хаагдсан оршуулгын газрыг Улаанбаатар хотыг хөгжүүлэх ерөнхий төлөвлөгөөний дагуу сэргээн засварлах, тохижуулах асуудлыг дүүргийн Засаг даргын захирамжаар байгуулагдсан ажлын хэсэг тодорхойлохоор тусгасан.
Журамд нийслэлийн нутаг дэвсгэрт шарил ил тавих, зөвшөөрөгдсөн оршуулгын газраас бусад газар оршуулгын ажил зохион байгуулах, цэвэр ус, булаг шандын эх, газар тариалан, аялал зуучлал, иргэдийн суурьшлын бүс, нийслэлийн ногоон бүс зэрэг стратегийн ач холбогдол бүхий бүсүүдэд оршуулгын газар байгуулах, хамгаалалтын бүс дотор газар олголт хийх, нийгэмд сөрөг нөлөө үзүүлэхүйц зан үйлээр оршуулга хийхийг хориглохоор заажээ.
Мөн энэхүү журмыг зөрчвөл иргэн аж ахуйн нэгж, байгууллага, лам хуврага, бөө удган нарт хөдөлмөрийн хөлсийг 3-10 дахин нэмэгдүүлэх хэмжээний мөнгөн торгууль оногдуулах юм байна.
ШӨХТГ-ын нэхэмжлэлтэй “Номин”-гийн сүлжээ дэлгүүрийн асуудлыг хэлэлцэх давж заалдах шатны шүүх хурал өнөөдөр боллоо. Шүүх бүрэлдэхүүн ШӨХТГ-ын шаардлагыг үндэслэлтэй гэж үзэн, “Номин тав трейд” компанид 10 сая төгрөгийн торгууль ногдуулжээ. “Номин” сүлжээ дэлгүүрээр үйлчлүүлсэн иргэдэд нэг төгрөгийн хариулт өгдөггүй гэсэн гомдлын дагуу ШӨХТГ-аас шалгалт хийж, Хэрэглэгчийн эрхийг хамгаалах болон Өрсөлдөөний тухай хууль зөрчсөн гэж үзэн тус сүлжээ дэлгүүрт 10 сая төгрөгийн торгууль тавьсан юм.
Харин тус шийдвэрийг эсэргүүцэж, “Номин тав трейд” компани захиргааны хэргийн шүүхэд хандсан. Гэтэл давж заалдах шатны шүүхээс “Номин”-гийн сүлжээ дэлгүүр нь нэр бүхий дөрвөн хэрэглэгчид задгай мөнгөний хариулт өгөөгүй, лангуу болон кассын үнэ зөрсөн байсныг ШӨХТГ-аас Хэрэглэгчийн эрхийг хамгаалах тухай хуулийг зөрчсөн гэж үзсэн нь үндэслэлтэй. Гэхдээ Өрсөлдөөний тухай хуулийн 12.1.10-т заасан “Хууль ёсны ашиг сонирхолд харшлах болон хэрэглэгчийг хууль бусаар хохироох худалдааны арга хэрэглэсэн” гэж үзэн захиргааны хариуцлага хүлээлгэсэн нь үндэслэлгүй байна гэсэн шийдвэрийг гаргаж байсан юм. Харин ШӨХТГ энэ шийдвэрийг хүлээн зөвшөөрөөгүй учраас давж заалдах шатны шүүхэд хандсанаар ийн заргаа авч чаджээ.
Боомтын захиргааны дарга Л.Гүндалай, Гаалийн ерөнхий газрын дарга О.Ганбат нар өнөөдөр “11-11” төвд ажиллаж, иргэдийн асуултад хариуллаа. Энэ үеэр шууд утас болон цахимаар 2500 иргэн холбогджээ.
Хилийн боомтын хяналтын болон аюулгүй байдлыг хангах, байгууллагын үйл ажиллагааг уялдуулах, ерөнхий зохицуулалтаар хангах үүрэг бүхий Боомтын нэгдсэн захиргааг Засгийн газрын Хэрэг эрхлэх газрын дэргэд байгуулснаас хойш хоёр сар болж байна. Монгол Улс 42 хилийн боомттой бөгөөд гааль, мэргэжлийн хяналт, хилийн цэргийн үйл ажиллагааны уялдаа холбоог сайжруулах, боомтоор нэвтэрч буй иргэдэд дэлхийн түвшинд хүрэхүйц үйлчилгээг үзүүлж, цаашдаа эдийн засгийн чөлөөт бүс болгоход үйл ажиллагаагаа чиглүүлж ажиллана гэж тус захиргааны дарга Л.Гүндалай хэллээ.
Гадаадад амьдарч буй иргэд гэрийнхэндээ шуудангаар илгээмж илгээхэд гаалийн татвараас хөнгөлөх асуудлыг хуулийн төсөл боловсруулж ирэх намрын чуулганаар УИХ-д оруулахаар бэлдэж байгаа гэнэ.
Гааль нь улсын хилээр орж гарч байгаа ачаа бараанд гаалийн хууль тогтоомжийн дагуу хяналт шалгалт тавьдаг байгууллага.
Гаалийн хуулиуд шинэчлэгдэж байгаа. Энэхүү шинэчлэлийн үзэл баримтлал нь дэлхийн гаалийн байгууллагын бусад конвенц, үзэл санаа, “21 дүгээр зууны гааль” гэх олон улсын хуультай нийцэж гарах нь ээ. Уг хуулиар хууль ёсны худалдааг дэмжихээс илүү хөнгөвчлөх, аль болох биет үзлэгээс ангид цахимжуулсан, эрсдлийн удирдлагын гол хэрэгсэл болсон рентген аппарат, эрэлч нохойн үзлэгийг хөгжүүлэх замаар шуурхай, аюулгүй үйл ажиллагаа явуулахад анхаарах ажээ. Бид “Төрийн итгэлийг иргэддээ өгнө. Итгэл эвдсэн бол өндөр хариуцлага хүлээх ёстой” гэдэг зарчмаар ажиллаж байна гэж ГЕГ-ын дарга хэллээ.
“Харанга” хамтлагийн бөмбөрчин Н.Пүрэвдашийн анхны тайлан тоглолт нөгөөдөр 19.00 цагт “UB palace”-ийн их танхимд болох юм байна. Тус хамтлагийнхан анх удаа бүрэн бүрэлдэхүүнээрээ цуглан түүний тайлан тоглолтыг ийн хамтран зохион байгуулж буй аж. Тоглолт дөрвөн цаг үргэлжлэх бөгөөд үзэгчдийн хүсэлтээр дуулна гэсэн. Тодруулбал, фэнүүдийнхээ хамгийн ихээр сонсохыг хүссэн 20-30 дууг сонордуулах юм байна.
Амьд хөгжмийн гайхамшгийг жинхэнэ утгаар нь мэдрүүлэх “Haranga and Puje Drum show” тоглолтоос бөмбөрчин Н.Пүрэвдаш орчин үеийн DJ техник технологийн хослолоор эгшиглүүлэх өвөрмөц содон аялгууг тэнд очсон хүмүүс анх удаа үзэж, сонсох боломжтой.
Э.ÀÍÓÆÈÍ
Гэрэл зургуудыг Г.ЛÕÀÃÂÀÄÎÐÆ
Монголын залуучуудын холбооноос “Морьтон Монгол залуу” хөтөлбөрийг санаачлан, сурагчидтай хамт анхны аялалаа хийгээд иржээ. Аялагчид тавдугаар сарын 31-нээс энэ сарын 6-ны хооронд Архангай аймгийн Тэрхийн цагаан нуур байгалийн цогцолборт газраар аяласан байна. Аялалд “International School of Ulaanbaatar” дунд сургуулийн багш сурагчид оролцсон аж. Хүүхдүүдийн дийлэнх нь өмнө морьтой харьцаж үзээгүй тул тэдэнд морийг хэрхэн унах, уналга, ачлага, тоног хэрэгслийн талаар сургалт явуулсан гэнэ. Тэд нийт 115 км замыг мориор туулж, байгалийн үзэсгэлэнт газруудтай танилцжээ.
Нарны илч 58 градус буюу түүнээс их агаарын хэмийг үүсгэхэд галан солонго татдаг байна. Нарны гэрэл үүлний мөсөн талстууд руу зөв өнцгөөр нэвтэрснээр ийм үзэгдэл бий болдог аж. Энэ ховор үзэгдлийн үед тэнгэрийн харагдах хэсэг маш бага байдаг гэнэ. Тэгвэл өнөөдөр Монголд галан солонго татаж, байгалийн ховор содон үзэгдэл тохиолоо. Энэхүү гайхалтай үзэгдэл бий болохын тулд маш нарийн цаг агаарын нөхцөл байдал үүсэх ёстой байдаг аж. Харин өнөөдөр Улаанбаатарт агаарын хэм 28 градус байгаа юм.
Галан солонго ихэвчлэн зуны улиралд үзэгддэг болохыг одон орон судлаачид тодотголоо.
Цахим ертөнцөд хэн нэгэн нөгөөгөө гүтгэн доромжлох нь хэвийн үзэгдэл болоод байна. Өнгөрөгч оны 10 дугаар сарын 23-нд Зам, тээврийн сайд А.Гансүхийг иргэн Л.Даваапил “Самсунг” компанитай Ухаахудаг-Гашуунсухайтын чиглэлийн төмөр замын суурь бүтцийг барих ажил гүйцэтгүүлэх гэрээ байгуулахдаа албан тушаал, эрх мэдлээ хэтрүүлэн хэрэглэж, 3.6 тэрбум төгрөг завшсан гэх утга бүхий мэдээллийг твиттер хуудсаар дамжуулан тараасан билээ. Энэхүү гүтгэлгийн хариуд Зам, тээврийн сайд А.Гансүх ямар нэгэн луйвар хийгээгүй гэдгээ мэдэгдэж, АТГ-т өөрийгөө шалгуулахаар хандаад байсан юм. АТГ-аас хэргийг шалгаж, “БНСУ-ын “Самсунг” компанитай Ухаахудаг-Гашуунсухайт чиглэлийн төмөр замын суурь бүтцийг барих ажил гүйцэтгүүлэх гэрээ байгуулахдаа А.Гансүхийг албан тушаал, эрх мэдлээ ашиглаагүй, хөрөнгө мөнгө завшсан гэх үндэслэл тогтоогдоогүй” болохыг тогтоож, эрүүгийн хэрэг үүсгэхээс татгалзсан.
А.Гансүх өөрийг нь гүтгэсэн Л.Даваапилийг шалгуулахаар цагдаагийн байгууллагад хандсан бөгөөд цагдаагийн байгууллагаас эрүүгийн хэрэг үүсгэн шалгаад прокурорт шилжүүлж, прокуророос 2014 оны 04 дүгээр сард яллах дүгнэлт үйлдэж шүүхэд хэргийг шилжүүлсэн юм.
Дүүргийн эрүүгийн хэргийн анхан шатны 1 дүгээр шүүх 2014 оны 05 дугаар сарын 27-ны өдөр дээрх эрүүгийн хэргийг хэлэлцээд 650 дугаартай шийтгэх тогтоолоор Л.Даваапилийг хүний нэр төр, алдар хүндийг гутаах зорилгоор илт худал гүжирдлэг тараасан гэмт хэрэг үйлдсэн буруутай болохыг тогтоосон байна.
Их Монгол Улс байгуулагдсаны 808 жилийн ой, Ардын Хувьсгалын 93 жилийн ойг тохиолдуулан Монгол Улсаас БНПУ-д суугаа ЭСЯ, Польш дахь Монголчуудын Холбоо, Монгол оюутнуудын холбоотой хамтран “Монгол наадам-2014” арга хэмжээг 2014 оны энэ сарын 7-нд Варшав хотын Повшин соёлын цэцэрлэгт хүрээлэнд зохион байгуулжээ.
Наадмын үеэр үндэсний бөх барилдаж, шагай харваагаар наадаж, бага насны хүүхдүүдийн дунд уралдаан тэмцээн болсон байна. Наадмын хүчит бөхийн барилдаанд 32 бөх барилдсанаас залуу бөх Б.Тэмүүлэн түрүүлж, Б.Очирдогсом үзүүрлэсэн гэнэ.
Монгол орноо Польшийн ард түмэнд танилцуулах, соёл, урлагаа сурталчлах үүднээс ардын урлагийн “Дүнжингарав” хамтлаг, мөн Польш Улсад суралцаж байгаа авьяаслаг оюутан залуус үндэснийхээ дуу хуур, бүжгийн дээжээс толилуулсан байна. Мөн ВИС-ийн монгол хэлний ангийн оюутнууд монгол дуу дуулж сонирхуулжээ. Наадмын үйл ажиллагааны үеэр Варшав хотын 300 гаруй оршин суугчид Монголын соёл урлаг, ёс заншилтай танилцсаны зэрэгцээ ардын дуу, морин хуур, хөөмий, монгол бүжиг, ардын хөгжмийн тоглолтуудыг ихэд талархан хүлээж авсан гэнэ. Наадмын үеэр Монгол хээ угалз бүхий асар майхан барьж, монгол цагаан идээ, хоол, цайны дээжээс амтлуулж, монгол ахуй амьдрал, эрийн гурван наадам, дээл хувцас, зан заншлын талаар сурталчлан таниулсан нь Польшуудын сонирхолыг татсан байна.
Бээжин хотод төвтэй Олон нийтийн эрүүл ахуй, орчны өөрчлөлтийн судалгааны төв хүрээлэнгээс агаарын бохирдлыг хэмжиж, иргэдэд анхааруулга өгөх гар утасны апликэйшн бүтээсэн байна. Энэ нь БНХАУ-ын 190 орчим хотод “ажиллах” бөгөөд иргэдийн дунд агаарын чанарын талаар мэдээлэл солилцох гол хэрэгсэл болох гэнэ. Тус улс хамгийн бохир агаартай орны нэг бөгөөд агаарын бохирдолтой тэмцэхээр сүүлийн үед олон арга хэмжээ авч байгаа.
Автомашины тоог хязгаарлаж, сэргээгдэх эрчим хүчний салбарт ихээхэн хөрөнгө оруулж буй ч агаараа цэвэршүүлж чадахгүй байгаа нь Хятадын эрх баригчдыг өөр арга зам эрэлхийлэхэд хүргэж буй. Харин дээрх апликэйшн агаарын гол бохирдуулагч болох нүүрсний үйлдвэрүүдийн байршлыг хэлж өгөхөөс гадна нүүрстөрөгчийн хийг зөвшөөрөгдөх хэмжээнээс давж “үйлдвэрлэсэн” аж ахуй нэгж, үйлдвэрүүдийг “барьж өгөх” гэнэ. Мөн аль хэсэгт агаарын бохирдол их байгааг сануулж, тийш явахгүй байхыг сэрэмжлүүлэх, утаа угаартай газар очсон ч тэр нь эрүүл мэндэд сөрөг нөлөөтэй, үгүйг хэлж өгөх мэдрэгчтэй байх аж.
