Олон залуус орон сууцны зээл авахыг хүсдэг. Хэн нэгний туршлага судлахыг хүсдэг. Банкнаас зээл авч, байртай болсон нэгний туршлага хувцаалцсан “ноу хауг” хүргэж байна. Банкны зээл бүтсэн ч тооцоолоогүй бусад зардлуудад зориулсан мөнгө бэлтгэх хэрэгтэй гэнэ шүү. www.mongo.mn дээр гарсан нэгэн түүхийг хүргэж байна.
Эхнэр бид 2 байртай болохоор төлөвлөж, байрны зээл авахын тулд нилээд эртнээс урьдчилгаа мөнгөө цуглуулж эхэлсэн юм. Оны дараахан урьдчилгаа бараг бүрдсэн тул байраа олоод, банкнаас зээл авахаар хөөцөлдөж, банкинд материал бүрдүүлж өглөө.
Таны, танай гэр бүлийн насны мөрөөдөл болсон байрны зээл бүтсэн тухай банкнаас утасдах тэр мөч ямар байх талаар та төсөөлж байсан уу? Байрны зээл бүтлээ гэж утасдахад төрсөн үнэхээр сайхан мэдрэмжийг биеэрээ мэдэрсний хувьд танд ч бас тохиолдоосой гэж би чин сэтгэлээсээ хүсэж байна. Миний хувьд анх удаа өөрийн гэсэн байрандаа орох болсондоо туйлын баяртай байлаа. Харин зээл бүтсэний дараа ч багагүй мөнгө хэрэгтэй болдог гэдгийг мэддэггүй байснаасаа болж, байраа алдах шахсан юм.
Зээл бүтсэний дараа хаана дахин мөнгө хэрэгтэй болох вэ?
1. Зээлийн гэрээг нотариатоор батлуулах
2. Харьяа аймаг, дүүргийнхээ ЭХЭУБА /Эд хөрөнгө эрхийн улсын бүртгэлийн албан/-д байраа банкинд барьцаалснаа бүртгүүлэх
3. Зээлийн үйлчилгээний хураамж
4. Орон сууцны даатгал
5. Бусад жижиг зардал
Хэдэн төгрөг хэрэгтэй болсон вэ?
Би урьдчилгаа 30%-д 27 сая төгрөг өөрөө төлөөд, банкнаас 63 сая төгрөг зээлж, нийт 90 сая төгрөгөөр жижгэвтэр 2 өрөө байр авсан юм. Яг зээлээ авах хүртэл хүртэл миний тооцоогоор 960,000 төгрөг гарсан байдаг. Дор сийрүүлэв.
– Зээлийн гэрээг нотариатоор батлуулах
Хууль зүй, дотоод хэргийн сайдын 2011 оны 7-р сарын 5-ны өдрийн 123 тоот тушаалын дагуу 25,0 саяаас 100,0 сая төгрөгийн зээлийн гэрээг батлах үйлчилгээний хураамжид 50,000 төгрөг байдаг гэсэн тул төлсөн.
– ЭХЭУБА-д байраа банкинд барьцаалснаа бүртгүүлэх
Би 63 сая төгрөг зээлсэн тул зээлийн дүнгийн 0,1% буюу 63,000 төгрөг барьцаалбарын үнэ 6,000 төгрөг төлсөн. Барьцаалбарын үнэ нь зээлийн дүнгээс хамаардаггүй, тогтмол юм байна.
– Зээлийн үйлчилгээний шимтгэл
7 хоногийн дараа гэрээгээ аваад, банкнаас зээл авах болоход зээлийн дүнгийн 0,5% буюу 315,000 төгрөг суутгасан.
– Орон сууцны даатгал
Орон сууцыг заавал даатгах ёстой байдаг гэсэн тул 2 төрлийн даатгал төлсөн. Эд хөрөнгийн даатгалд орон сууцны үнэ 90 сая төгрөгийн 0,3% буюу 270,000 төгрөг, гэнэтийн ослын зээлийн даатгалд дүн буюу 63 сая төгрөгийн 0,3% буюу 126,000 төгрөг нийт 396,000 төгрөг хураалгасан. Энэ мөнгийг зээлээ төлж дуустлаа жил бүр төлж байх ёстой гэж гэрээнд бичсэн байна лээ.
– Бусад жижиг зардал
Такси, иргэний үнэмлэх, нийгмийн даатгалын дэвтэр хуулбарлах, байрны зээлтэй эсэх тухай лавлагаа авах гээд бусад жижиг, сажиг зардал ойролцоогоор 130,000 орчим төгрөг зарцуулсан.
Ингээд тооцож үзэхэд урьдчилгаа 27,0 сая төгрөгөөс гадна нийт 50,000+63,000+6000+315,000+396,000+130,000=960,000 төгрөг зарж байж, 2 өрөө байр авсандаа одоо ч баяртай байдаг. Одоо надад 20 жилийн турш сар бүр зээлэндээ 527,000 төгрөг, жил 1 удаа даатгалд 396,000 төгрөг төлөх ажил л үлдсэн. Та өөрийнхөө зээлийг энд тооцож болно
Үүнтэй харьцуулахад гэр бүлийн аз жаргал минь надад илүү үнэтэй билээ. Иймээс зээлээр байр авахаар зорьж байгаа бол урьдчилгаанаас гадна багагүй мөнгө хэрэгтэй болдог тул үүнийг эртнээс тооцож байх хэрэгтэй гэдгийг би биеэрээ мэдэрсэн. Миний алдааг бүү давтаасай, бусдад сургамж болоосой гэж бодсондоо үүнийг бичлээ.
Архангай. Энэ нэрийг сонсохоор цагцаахай бага насны минь гэгээн дүр тодорч, цаг хугацааны үнэнд гүйцэгдэж яваа үеийн хэдэн анд минь төсөөлөгдөнө. Бид “хархан” залуу насандаа энэ нутагт ирж дээ. Алс баруун хязгаараас Авданы охин, Самбуудорж гэж урианхай хүүтэй ирсэн. Байтаг богдын их уулсаас Идэшийн Батсуурь, Зэргийн жижиг жижиг элсэн манхны өврөөс Дамдины хөвгүүн, Идэшийн охин хоёр хөтлөлцөөд л ирж байлаа. Тэртээх Увс нутаг хоёр охиноо илгээсэн. Түргэнээс алаг нүдэн Оюуныг, Тэсээс идэр жавхлан Минсэлийг би¬дэнтэй нөхөрлө дөө гээд явуулсан байлаа. Их Монголын элсний баруун хаяанаас энэхүү дурсамжийг тэрлэж суугаа миний бие. Завханы Алдархаанаас Батсүхийн том охин хөх цэмбэн дээлтэйгээ, жавар хүйтэн хургасан Их-Уулаас Базар захирлын хүү, Улиастайгаас чимээгүй инээсэн охин ирсэн нь Нямсүрэнгийн Эрдэнэсувд гэх… Хөвсгөлөөс Завханы уугуул Жигжидсүрэнгийн нүд хөмсөг болсон охин ир¬лээ… Загийн голоос манай Алимаа хэзээний намба зааж залбирсаар, Шинэжинстээс цବ¬хилсан зээр шиг цагаан охин ирсэн нь Доржийн Сарангэрэл байсан. Өвөрхангайн Хайрхан¬дулаанаас нэг мазаалайн зулзага шиг нөхөр ирсэн. 
Нэрий нь асуувал Бурам гэж арааны шүлс гоожууллаа. Тэгснээ би чинь бас ганцаараа ч Өврийн сайхан хангайгаас ирээгүй шүү… Бат-Өлзийн ширэнгэнээс хоёр согоотой ирсэн гэсэн нь Энхтуяа Жигмэдмаа хоёр байлаа. Говийн би согоо үзсэн биш. Согоо гэдэг нь ийм л юм байдаг байх даа гэж бодлоо. Булганыхан Могодоосоо хоёр охин илгээсэн нь тэмээ ямаа шиг юм. Уранцэцэг гэж ургаж байгаа ногоо шиг булцайсан улаан хацарт, Долгор гэж иссэн айраг шиг тэвхгэр цагаан охин. Бид Архангайд ирж Архангайгаас бидний сүрэгт нийлсэн нь нүдний шил зүүж жимбийсэн цагаан охин. Нуруу намхан сэтгэл өндөр. Алдар асуувал Оюунцэцэг л гэнэ. Хөвсгөлөөс гаралтай гэх…Алиман улаан хацартай Амарбаатарыг Жаргалантаас, автын жолооч Дашнамжил гуай ганц охиноо, алдарт Цагаан давааны араас гүйж ирсэн нь Нямжав байлаа… За тэгээд та нарт нэг “эгчмэдхэн” хэрэгтэй гэх шиг нуруу туруу, бие хаа дүүрэн Шагдаржавын охиныг бас энэ нутгаас бидэнтэй танилцуулсан. Дошин дээрээ атаман гэдэг шиг Арын сайхан хангайхан манай ангид хамгийн олон нь…Бас ч эргээд дурсахад манай ангийнхны уулзах бүртээ дурсан ярьдаг Дарьхүү маань Ховдоос ирсэн юм. Дарьхүү бол манай ангид ирсэн нэг том “үзэгдэл” байлаа. Балчирхан бидэндээ олон зүйлийг ухааруулсан. Сайхан дуулна. Үйтэн хуаран дээлийг анх л бидэнд өмсөж үзүүлсэн. Цагаан гутлыг хараар будаж болдгийг хүртэл зааж өгсөн …”Болно болно, болохгүй юм байхгүй” гэж агуу их дуун хөрвүүлэгч зохиолч Мишигийн Цэдэндоржийн шүлэглэсэнчлэн Дарьхүү маань бидэнд болохгүй юм байхгүй гэдгийг олон талаас нь зааж өгсөн ч олхиогүй бид хэд тэгтлээ суралгүй Архангайдаа, багшийн сургуульдаа шигдсээр дөрвөн жил болсон. Дарьхүү маань сайхан сэтгэлтэй сайхан эжий болсон сураг дуулдсан. Тэр хичээл тасалж болдог, гадуур явж болдог, сургуулиа орхиж, амьдрал хөөгөөд одож болдог гэдгийг ийнхүү заасан билээ… Дарьхүүгээ дурсахын учир нь эргээд уулзахын түмэн хүслэнтэй явдаг шүү гэж ангийнхан чинь урьж байгаа урилга юм шүү… Өөр нэг үзэгдэл бол манай ангийн цөөнхийг нэмж ирсэн Батдоржийн Баттогоо байлаа. Цэргээс ирсэн ах орос хром жийнэ. Яриа хэлээ нь цэгцтэй, өвөртөө намын батлахтай өнгөлөг “хар” нөхөр. Түүнийг манай хэдэн хөвгүүд нэг их удалгүй “унаашруулж”, өөрсдийнхөө зэргэмжид аваачсан. Төгсөхдөө адилхан л хөвгүүн болсон байлаа. Ингэж бид түүнийг гурван насаар залуужуулж гудиггүй марзан нөхөр болгосон ачтай. 
Манай анги бусад ангиа бодвол тогтвор суурьшил сайтай байсан. Нэг охин замаасаа хадуурч өөр зам сонгосныг эс тооцвол, нэг хөвгүүн хот шилжиж зүг буруулсныг авч хэлэлцэхгүй бол, нэг залуу ирж бүл нэмснийг суурьшилгүй гэхгүй бол өөр ийш тийш болсон зүйлгүй. Бүгдээрээ л ангидаа бужигнасаар өвөл хавартаа шалгалтын “хөөрхөн” дарамттай, намартаа баян цуглаж, зундаа нутаг гүйж амарсан дөрвөн жилийг үдэж угтсан. 
Украины Ерөнхийлөгч П.Порошенко болон тус улсын Гадаад хэргийн сайд П.Климкин нар Брюссель хотноо болж буй Европын холбооны дээд хэмжээний уулзалтад оролцсон байна. Энэ үеэр Европын холбоо Украинтай хамтран ажиллах тухай гэрээний нэг хэсэг болох эдийн засгийн хамтын ажиллагааны тухай баримт бичигт гарын үсэг зуржээ. Гэрээг үзэглэсний дараа П.Порошенко хэлэхдээ “Энэ бол тогтвортой болон аюулгүй байдал өнөөдөр юунаас ч илүү чухал байгаа Украины хувьд түүхэн мөч” хэмээн онцлон дурджээ. Украины шинэ эрх баригчид Европын холбоотой нягт хамтран ажиллаж ирээдүйд түүний гишүүн болох бодлогыг баримтлан ажиллаж байгаа билээ.
Дуучин Болд өөрийн фэйсбүүктээ “Япон улсын хувцасны дизайнер Chizuko Yahagi гэдэг хүн надад бэлэг явуулжээ. Энэ хүн Японд өөрийн улсын үндэсний хувцас болох кимоно хийдэг материалаар орчин үеийн хувцас хийж, дэлхийн зах зээл дээр гаргаж улсынхаа үндэсний брэндээ сурталчилахын төлөө явж байгаа хүн юм байна. 
Миний хийж бүтээх гэж зорьж байгаа үндэсний урлагаа орчин үеийн хөгжимтэй хослуулсан Монгол Поп урсгалыг дэмжиж байгаагаа илэрхийлээд миний ажилд амжилт хүсэж кимоно хийдэг материалаар хийсэн энэхүү хувцасыг өгчээ. Алс холын япон улсын нэгэн миний зорьж байгаа ажлыг ойлгон сэтгэлээсээ дэмжиж байгаад миний сэтгэл их хөдөллөө.Түүний ажилд томоос том амжилт хүсье. Монгол Поп хэзээ нэг цагт дэлхийд цуурайтах болтугай!!!!!” хэмээн бичжээ.
Умард Солонгосын удирдагч Ким Жөн Ун пуужингийн туршилтыг өөрийн биеэр удирдан явуулсан талаар ЦТАК агентлаг мэдээлжээ. Тус улсын эрдэмтэд шинэ пуужинг бүтээхдээ Оросын X-35 загварын пуужинг ашигласан бөгөөд туршилт амжилттай болсон гэнэ. Зарим эх сурвалжид Хойд Солонгос Японы тэнгисийн зүүн өмнөд хэсэгт ойрын тусгалтай гурван пуужин хөөргөсөн талаар мэдээлж байна. 
“Эдийн засгийг эрчимжүүлэх 100 хоног” зүгээр л шоу байсан юм биш байгаа. УИХ долдугаар сарын 1-нээс завсарлана гэхээр ийм бодол төрөв. Эдийн засгийг эрчимжүүлэхийн тулд УИХ-д өргөн барьсан хуулийн төслүүдийг хэр түргэн батлахаас эрчимжүүлэлтийн ажил шалтгаална гэдгийг Эдийн засгийг эрчимжүүлэх зөвлөлийн нарийн бичгийн дарга Б.Бямбасайхан хэвлэлийн хурлын үеэр хэлж байсан. Эдийн засгийг эрчимжүүлэх чиглэлээр 20-иод хуулийн төсөл УИХ-д хүргэгдсэн гэсэн тоо бий. Гэтэл УИХ бизнес эрхлэгчдийн тэгтлээ их хүсэн хүлээгээд байгаа Эдийн засгийн өршөөлийн хууль, татварын шинэчлэлийг багцаар нь хийгээгүй, Ашигт малтмалын тусгай зөвшөөрөлийг олгож эхлэх шийдвэрийн алийг нь ч гаргаагүй мөртлөө наадах тухай бодож эхлэв. 
