Европын аюулгүй байдал, хамтын ажиллагааны байгууллагын Ардчилсан институц, хүний эрхийн газрын захирал, Элчин сайд ноён Янез Ленарчич Монгол Улсын Сонгуулийн Ерөнхий Хорооны дарга Ч.Содномцэрэнтэй өнөөдөр уулзлаа. Тэрбээр “Монгол Улсын сонгуулийн туршлагыг олон улсад ихэд сонирхох боллоо. Танай байгууллага Европын аюулгүй байдал, хамтын ажиллагааны байгууллагын Ардчилсан институц, хүний эрхийн газрын ажиглагчдын багаас “Эерэг” үнэлгээ авсан нь энэхүү олон улсын анхаарлыг зүй ёсоор татаж байна.Тиймээс энэ оны 10 дугаар сард болох “Шударга ёсыг сонгуульд хэвшүүлэх нь” сэдэвт Азийн орнуудын өргөн төлөөлөл бүхий хуралд Монголын сонгуулийн байгууллагыг урьж тайлан илтгэлээ тусгайлан тавих хүсэлтийг тавьж байна” гэлээ.
Тэрээр цааш нь хэлэхдээ, Монгол Улсад төдийгүй бүс нутгийн хэмжээнд үлгэр жишээ болохуйц сонгууль зохион байгуулсанд сэтгэл хангалуун байна. Монгол Улс тус байгууллагын гишүүнээр элсээд төдийлөн удаагүй хэдий ч ажиглалтын нарийн шалгуурыг “эерэг” үнэлгээтэй давсан нь их том амжилт юм. Үүний хамт Монголын сонгуулийн байгууллага үүргээ сайн биелүүлснийг тэмдэглэмээр байна.
Өөр нэг тэмдэглүүштэй зүйл бол сонгуульдаа шинэ техник, технологи хэрэгжүүлэхдээ, хот төв суурин газарт төдийгүй сонгуулийн хэсэг бүрт нэгбүрчлэн автомат систем хэрэглэсэн нь манай багийн сайшаал, бишрэлийг яах аргагүй хүлээсэн байна Бидний хамтын ажиллагаа хоёр талдаа чухал байсныг дурдахын сацуу одоо хамгийн гол нь санал зөвлөмжийг хэрэгжүүлэх явдал юм гэдгийг ноён Элчин сайд цохон хэллээ.
Монгол Улсын Сонгуулийн Ерөнхий Хорооны дарга Ч.Содномцэрэн хариу хэлсэн. үгэндээ, монголын сонгуулийн байгуууллагын ажлыг өндөр үнэлсэн явдалд талархаж байгаагаа илэрхийлээд сонгуулийг улам боловсронгуй болгох талаарх саналаа Улсын Их Хурлын ажлын хэсэгт хүргүүлээд байна. Үүнд танай байгууулагын санал зөвлөмж тус болсон гэв.
Мөн цаашид хамтран ажиллахдаа сургалт судалгаанд илүү түлхүү анхаарах саналыг Сонгуулийн Ерөнхий Хорооны дарга Ч.Содномцэрэн дэвшүүллээ. Энэ нь байнгын тогтмол шинжтэй байх нь чухал байгаа бөгөөд зөвхөн өөрийн сонгуулийн байгууллагын ажилтнуудыг сургахаас гадна бусад орны сонгуулийн арга туршлагаас судлах, сурах явдалд ач холбогдол өгч байна гэлээ.
Уулзалтын төгсгөлд тэрээр, Азийн орнуудын хуралд оролцож илтгэл тавих санал хүсэлтийг нь таалан хүлээж авч буйгаа мэдэгдлээ.
Эдийн засгийн байнгын хороо үдээс хойш хуралдаж, дөнгөж сая өндөрлөлөө. Тус байнгын хороогоор таван асуудал хэлэлцсэн юм. Эдгээрээс олны анхаарал татаад байсан нэг асуудал нь Эдийн засгийн сайд Н.Батбаярыг огцруулах эсэх тухай байв. Хэлэлцүүлгийн шатанд байнгын хорооны гишүүдээс асуулт асууж, үг хэлэх хүн байсангүй. Ингээд “Эдийн сайд Н.Батбаярыг огцруулах нь зүйтэй” гэсэн томьёоллоор санал хураалт явууллаа. Санал хураалтад 14 гишүүн оролцсоноос 13 нь Н.Батбаяр сайдыг огцруулахгүй байх нь зүйтэй гэлээ. Харин МАН-ын бүлгийн дарга С.Бямбацогт ганцаараа огцруулах ёстой гэсэн санал өглөө. Ямартай ч уг асуудлыг УИХ-ын чуулганы пүрэв гаригийн нэгдсэн хуралдаанаар хэлэлцэхээр боллоо. 
Нийслэл хотын ногоон байгууламжийн арчлалт хамгаалалтын ажлын хүрээнд нийт 5.8 тэрбум төгрөг төсөвлөгдсөн. Нийслэлийн төвийн зургаан дүүргийг хамарсан нийтийн эзэмшлийн гудамж талбайн ногоон байгууламжийн арчилгаа, нөхөн сэргээлт, хамгаалалтын ажил нь жилийн дөрвөн улиралд явагддагаараа онцлогтой.
Сүүлийн үед Хятад улсаас оруулж ирж байгаа мотоцикль чанарын шаардлага хангахгүй байна, хүмүүс осолдож амиа алдаж буй талаар мэдээлэл их цацагдах болсон. Үүнтэй холбогдуулан МХЕГ Зам тээврийн яам, Замын цагдаагийн газар, Гаалийн ерөнхий газар зэрэг байгууллагуудтай хамтран импортоор оруулж ирж байгаа мотоцикль болон иргэдийн гомдол энэ төрлийн тээврийн хэрэгслийн дугаар олголт, ашиглалтын талаар судалгаа хийжээ. 
Л.Гүндсамбуу
Монгол Улс, ХБНГУ дипломат харилцаа тогтоосны 40 жилийн ойг тэмдэглэн өнгөрүүлэх хүрээнд 2014 оны өнгөрсөн ням гарагт Берлин хотын “Хоппегартен” морин тойруулгын цэнгэлдэхэд Монгол Улсын нэрэмжит морин уралдааны өдөрлөг болжээ. Монгол Улсын Засгийн газрыг төлөөлж УИХ-ын гишүүн, Батлан хамгаалахын сайд, Монголын морин спортын холбооны Ерөнхийлөгч Д.Бат-Эрдэнэ тус арга хэмжээг албан ёсоор нээсэн байна. Тэрээр нээлтийн үгэндээ Монгол Улс, ХБНГУ хоорондын иж бүрэн түншлэлийн харилцаа өргөжин хөгжиж байгаад сэтгэл хангалуун байгаагаа илэрхийлж, монголчуудын түүх, соёл, ахуй амьдралд морины онцгой байр суурийг дурдаж, уралдаанд оролцож буй морьдын хурд, уяа сойлго нь сайхан байх, ирсэн үзэгчдэд сайхан наадахыг хүсэн ерөөжээ.
Тус арга хэмжээнд Гадаад харилцааны сайд Л.Болд, Хууль зүйн сайд Х.Тэмүүжин, Германы Бундестагийн гишүүд, Холбооны Ерөнхийлөгчийн Тамгын газар, Холбооны Канцлерын ХЭГ, Холбооны Гадаад хэргийн яам, болон бусад яамдын төлөөлөл, Дойчэ Баан, Дойче Банк, Луфтханза зэрэг хоёр орны төр, засаг, хувийн хэвшлийн өндөр түвшний төлөөлөгчид хүрэлцэн ирж өргөнөөр оролцлоо.
Берлин хотын зүүн урд байрлах “Хоппегартен” морин тойруулгын цэнгэлдэхийн ногоон талбайд хүрэлцэн ирсэн 10.000 гаруй үзэгчдийн дунд ХБНГУ-д болон Европын бусад улс орнуудад оршин сууж байгаа Монгол Улсын иргэд монгол үндэсний дээл хувцастайгаа морилон ирж, наадмын уур амьсгалд гэр бүл анд нөхөдтэйгээ хамтдаа өнгөрөөв. Тэдгээр үндэсний урлагийн уран бүтээл, уран зургийн үзэсгэлэнгээ гаргаж, үндэсний үйлдвэрлэлийн бүтээгдэхүүн, хоол хүнсний өргөн худалдаа явуулж, эх орныхоо үндэсний уламжлал, урлаг соёл, зан заншил, хөгжил дэвшлээс таниулан сурталчиллаа.
Зургаан насны морь уралдсан наадамд 1000 метрийн гол уралдаанд Л.Ж. Ройтерскигийн уясан, Шведийн Вант Улсын иргэн Омар Зававийн халзан хээр “Алкохуац” морь түрүүлж наадамчин олныг баясгасан байна. Түүнчлэн монгол жокей Г.Баярсайхан удаа дарааллан айрагдаж хүрэлцэн ирсэн монголчуудаа баярлуулжээ.
Сэлэнгийн “Алтанбулаг” худалдааны чөлөөт бүсийн хилийн худалдааг ирэх Даваа гаригаас буюу энэ сарын 24-нөөс нээж, байнгын ажиллагаатай болгох гэж байгаа. Үүний эхлэл болгож “Алтанбулаг экспо” үзэсгэлэн яармагийг болно.
Уулзалтын эхэнд Улсын Их Хурлын гишүүн, Улсын Их Хурал дахь Монгол-Германы бүлгийн дарга Р.Бурмаа, Германы аж үйлдвэр хөгжсөн мужийн төлөөлөгчдийг Монгол Улсад айлчилж буйд баяртай байгаагаа илэрхийлээд, хоёр орны хууль тогтоох байгууллагууд сайн харилцаа, хамтын ажиллагаатай явж ирсний зэрэгцээ Монгол Улсын Их Хурал Бундестагаас үлгэр жишээ авч “Өргөдлийн байнгын хороо”-г шинээр байгуулсныг онцлон тэмдэглэв. Мөн хоёр орны улс төрийн харилцаа, эдийн засгийн хамтын ажиллагаа идэвхтэй хөгжиж байгаад сэтгэл хангалуун байгаагаа илэрхийлж, Германы аж үйлдвэр хөгжсөн муж улстай тодорхой салбаруудад харилцаа, хамтын ажиллагааг түлхүү хөгжүүлэх сонирхолтой байгаагаа дуулгав. Түүнчлэн Монгол Улсад мэргэжлийн ажиллах хүчин шаардлагатай байгаа бөгөөд автомашин, төмөрлөг, машин техник, үйлдвэрлэлээр Германдаа төдийгүй Европд тэргүүлдэг мужтай техник мэргэжлийн сургалт явуулах чиглэлээр хамтран ажиллах хүсэлтэй байгаагаа илэрхийллээ. 
Ноён Нийлс Шмид, Байнгын хорооны даргыг цаг зав гарган, өргөн бүрэлдэхүүнтэй хүлээн авч уулзаж байгаад талархаж буйгаа илэрхийлээд, Ландтагийн “Өргөдлийн байнгын хороо”-ны даргаар шинээр сонгогдсон гишүүдийг ажиллуулдаг уламжлалтайг танилцуулсан юм. Баден-Вюртеммберг мужийн Ландтагын “Өргөдлийн байнгын хороо” бусад байнгын хороодоос хамгийн том байнгын хороонд тооцогддог ажээ. Мөн тэрээр Монгол, Германы эдийн засгийн харилцаа, хамтын ажиллагааны талаар санал солилцох зорилготой ирсэн тухайгаа дуулгаж, Монгол Улсаас Герман Улсад мэргэжилтэн бэлтгэх, Герман Улсаас Монгол Улсад сургагч багш илгээн ажиллуулахад бэлэн байгаа хэлсэн юм.
Тэд уулзалтын төгсгөлд Сонгуулийн хуулийн талаар харилцан санал солилцсон. Энэхүү уулзалтад Улсын Их Хурлын дэд дарга Л.Цог, Улсын Их Хурлын гишүүн Г.Батхүү, Су.Батболд, Д.Лүндээжанцан, З.Баянсэлэнгэ, Ё.Отгонбаяр, Ж.Батзандан нар байлцав хэмээн УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.
Улаанбаатарчуудын уур уцаарыг ихээр бардаг зүйл бол замын бөглөө нийтийн тээвэр хоёр. Уг нь нийтийн тээврийнхэнд тусгай зам гаргаж өгсөн ч тээврийн хэрэгслүүд урдуур нь дайрч, замын бөглөө үүсгэдэг. Үүнээс болж хотоор нэг сүлжилдэн явж байгаа автобус дүүрэн хүн ажил төрлөө алдаж, алтан цагаа үрж байна. Иймд орлогын хойноос, цагт туугдсан автобусны жолооч нар замын чөлөөгөөр галзуу юм шиг давхиж осол аваар гаргах нь олонтаа. Нийслэлийн иргэн бидний амьдрах орчин, амьд явах баталгаа болсон нийтийн тээврийг хотын удирдлагууд бодлогоор түвэггүйхэн шийдчих боломжтой гэсэн. Гадны улсуудын жишгээс харахад манайх шиг ийм нийтийн тээвэртэй газар хаа ч байхгүй. 
