Month: June 2014

Categories
мэдээ

Хоёр хар мэнгэтэй цагаан бич өдөр

Аргын тооллын зургадугаар сарын 18. Буд гариг. Билгийн тооллын 21. Хоёр хар мэнгэтэй цагаан бич өдөр. Өдрийн наран 05.05 цагт мандаж 20.55 цагт жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эе, эвээ ололцох, найр хурим хийх, бэр гуйх, инж өгөх, авах, үнэт эрдэнийн зүйл авах, хур оруулах, дарханы үйлд сайн. Хувцас эсгэх, шинэ хувцас өмсөх, зөвлөгөө хийхэд муу. 

Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулахад тохиромжгүй.

Categories
онцлох-нийтлэл туслах-ангилал

Түр зуурын бороотой

2014 оны 06 дугаар сарын 18-ны 08 цагаас 20 цаг хүртэлх цаг агаарын урьдчилсан мэдээ:

Ихэнх нутгаар үүлэрхэг. Төв, зүүн аймгуудын ихэнх нутаг болон баруун аймгуудын зүүн, говийн аймгуудын баруун хэсгээр бороо орно. Дуу цахилгаантай. Салхи зүүн хойноос секундэд 5-10 метр, нутгийн өмнөд хэсгээр секундэд 12-14 метр хүрч ширүүснэ. Хангай, Хөвсгөлийн уулархаг нутаар 11-16 хэм, Их нууруудын хотгор болон говийн нутгийн өмнөд хэсгээр 23-28 хэм, бусад нутгаар 18-23 хэм дулаан байна.

УЛААНБААТАР ХОТ: Үүлшинэ. Түр зуурын бороо орно. Салхи зүүн хойноос секундэд 5-10 метр. 19-21 хэм дулаан байна.

Categories
мэдээ нийгэм сурталчилгаа

хоёрдугаар тойргийн тоглолтууд эхэллээ

ДАШТ-ий найман хэсгийн эхний тоглолтууд дуусч хоёр дахь тойргийн тоглолтууд эхэллээ. Хоёрдугаар тойргийн салхийг Бразил-Мексикийн хослол хагалж тоглосон бөгөөд хүч тэнцүүхэн үзэлцсэн энэ тоглолт хайнцаар өндөрлөв. Бразилийн  довтлогч Халк бүдүүн гуяны булчингийн гэмтлээс шалтгаалан энэ удаагийн тоглолтыг өнжжээ.

Categories
мэдээ нийгэм сурталчилгаа

Бельги – Алжир 2:1

Энэ удаагийн ДАШТ-ий хамгийн
их хүлээлт,шинэ найдварыг өвөртлөн буй Бельгийн шигшээ баг эхний тоглолтоо хийлээ.
Анх удаа “дарийн утаа” үнэрлэж буй залуу тоглогчид олонтой тэдний баг Алжирт бараг
л “хусуулж” дуусах шахлаа. Гэхдээ хоёрдугаар үед сэхэл авч , зөв сэлгээ ч ач
тусаа өгч эхний ялалтаа авав. Энэ тэмцээний шилдгээр Бельгийн багийн залуу
хагас хамгаалагч Де Брюйне шалгарав.

Гоол: 0:1 – 25, торгуулийн
цох. Фегули, 1:1 – 70 Феллайни, 2:1 – 80 Мертенс

Categories
мэдээ нийгэм

Эдгээр газруудын эрчим хүчийг хязгаарлана

Баянзүрх дүүрэг 10.30-17.30 цагт: 9, 17-р хороо Бэсрэг трейд, КН трейд,
Мосол, Нацута, Эрхэст номин ХХК, Орхон түшээ мөрөн эмнэлэг, Мод үржүүлгийн
газар, Эмнэлгийн 1-13, Ногоочны-1, Шар хадны 45-50-р гудамж, тэр орчмын
хэрэглэгчид 10.00-18.00 цагт: 15, 18-р хороо 69, 70, 71, 72, Алтан өргөөгийн
13, 72, 72Б, Рокмоны 23, 9А, Бурмаа ХОС-ын 44, MCS-ийн 3, 4, 5, 16, Энхтайваны
43-р байрууд, 122-р цэцэрлэг, Зөв зам, Баянхан сүлжээ, Компро, Дэтмон, Сод
амур, Санни трейд,

  Мон март,
Эрдэнийн гоёл, Вайт лейк, SGBA, MDV, Натур саунд төв, Нахиа импекс, Монгол алт,
Их соёмбо-2, Багануур илч, Хаан шонхор ХХК-иуд, УБЦТС ХК БЗХҮТ, Хос Өргөө,
Содон саарал СӨХ, Ватиканы төлөөлөгчийн газар, ДЭТТЗМ холбоо, орчмын
хэрэглэгчид;

   Сүхбаатар дүүрэг 10.30-17.30 цагт: 18-р хороо Дамбадаржаагийн 10-15-р
гудамж 12.00-13.00 цагт: 13-р хороо Санккол БНН, Инкозон ХХК, Рашааны 8-9-р
гудамж, Хүрдийн байр орчмын хэрэглэгчид13.30-14.30 цагт: 12-р хороо Хангайн
10-12, Рашааны 8, 9, 10, 12, 13-р гудамж 15.00-16.00 цагт: 13-р хороо Ногоон
талбайн 3-7, 9, Рашааны 3, 4, 5, 8, 9-р гудамж 10.30-11.30 цагт: 1-р хороо
Жамьян Гүн 3, 5-р байр, Марко поло ХХК, тэр орчимд;

   Баянгол дүүрэг 10.30-18.00 цагт: 9, 10-р хороо 3-р хороолол ТЭЦ-33,
НЭХ-23, ЭХ-22А байр, 31, 113-р сургууль, 133, 141-р цэцэрлэг, Горькийн 4-7, 9,
10, 23-4, 33-р гудамж, 25, 27А, СОТ-ын 3-2, 3-1, 2-2, 2-1 байр, тэр орчмын
хэрэглэгчид;

   Хан-Уул дүүрэг 10.00-18.00 цагт: 9, 10-р хороо Нисэхийн 8-10, 5-7-р
гудамж 09.00-16.00 цагт: 10-р хороо Жаргалан Эко хотхон, Бугын САА, Морин нуур,
Сандэй, Эрхэт сүлд, Монголиа вояаж, Цагааншонхор, Жаргалан сувилал, Буянт-Ухаа
I, III, Газрын тос, ТТХГ-ын зуслан, Биогийн төв, үйлдвэр, Гоц халдвар судлал,
Уурын зуух, Худаг, Монголико, Сонгино амралт, тэр чиглэлийн хэрэглэгчид;

   Сонгинохайрхан дүүрэг 10.30-18.00 цагт: 15, 16-р хороо 27-31-р
байр /Өнөр хотхон/, Төрийн банк-15, тэр орчимд10.00-18.00 цагт: 1, 5, 6, 9,
25-р хороо Малчины 1, 2, 5, 11, ЗБУ 23, Хайрханы 2, 3, 4, 6, 11, 15-17, Одонтын
24, 25, 30, Зүүнсалааны 35, 37, Баянголын 43-48, 27-36-р гудамж, тэр орчмын
хэрэглэгчид;

   Налайх дүүрэг 10.00-17.00 цагт: 2-р хороо Бадралын 12-19-р гудамж Өвөр
шандын 7-19-р гудамж;

   Төв аймаг 10.00-18.00 цагт: Зуунмод сумын Дунд сургуулийн хичээлийн
болон дотуур байр, Бага сургууль, Эрүүл мэндийн газар, тэр орчмын хэрэглэгчид.

Categories
мэдээ нийгэм

Зүүн хойд азийн орнуудын аюулгүй байдлын асуудлаа ярилцдаг газар нь Улаанбаатар байж болно гэв

Зүүн хойд азийн аюулгүй байд­лын асуудлаарх “Улаан­баатарын
яриа хэлэлцээ” санаачилгын талаарх олон улсын эрдэм шинжилгээний бага Гадаад
харилцааны яамд болж байгаа бол. Өнөөдөр хоёр дахь өдрөө үргэлжилж байгаа тус
хуралд олон улсын нэртэй экспертүүд оролцож байна. Хурлын талаар “Үндэсний
аюулгүй байдлын зөвлөлийн харьяа Стратегийн судлалын хүрээ­лэнгийн орлогч
захирал Ч.Чулуунбаатараас тодрууллаа.

 -Хурлын талаар мэдээ­лэл өгөхгүй юу. Ямар ач холбогдолтой
хурал болж байна вэ?

-Монгол
Улсын Ерөнхий­лөгч “Улаанбаатарын яриа хэлэлцээр” гэдэг санаачилыг дэвшүүлсэн
юм. Энэ санаачилагын гол утга учир нь Монгол Улс гадаад бодлогын хувьд идэвхтэй
байр суурь баримталж, бүс нутгийнхаа 
аюулгүй байд­лынхаа асуудлаар ярьдаг хэлэлцдэг газар нь Улаанбаатар байя
гэдэг санаа юм. Монголд яагаад заавал аюулгүй байдлын асуудлаар уулзаж ярилцах
ёстой  вэ гэхээр, бүс нутагт байгаа гол
улсуудтай манай улс сайн харилцаатай. Газар нутгийн маргаан байхгүй. Хамтын
ажиллагааны өндөр түвшний гэрээ хэлэлцээртэй. Харин манай орны бүс нутгийн
эдгээр орон дотроо хоёр улс хоорондоо газар нутгийн маргаантай улсууд бий.  Япон, хятад хоёрыг хэлж болж байна. Хоёр
солонгосын асуудал  ямар байгаа билээ.
Бүс нутгийн улс орнуудын хоёр талын харилцаа төвөг­тэй байгаа энэ үед харин
манай улс бүгдээрэнтэй нь сайн харилцаатай, ямар нэг зөрчилтэй асуудал байхгүй.
Тиймээс Улаанбаатарт цугла­раад тодорхой зөрчилтэй асуудлуудыг шийдвэрлэх
талаар аюулгүй байдлынхаа асуудлуудыг ярьж байя гэсэн  санаа юм. Ерөнхийлөгчөөс дэвшүүлсэн энэ
санааг бид олон улсын бүс нутгийнханд ойлгуулах таниулах үүднээс  одоо хуралдаж байна.

-Хуралд хичнээн улс орны төлөөлөгч оролцож байгаа вэ?

-Хуралд  засгийн газрын төлөөлөл оролцоогүй. Зөвхөн
улс орны аюулгүй байдлыг судалдаг өндөр хэмжээний экспертүүд оролцож байна.
Долоон орноос төлөөлөгч ирсэн. Хурал хараахан дусаа­гүй учраас одоогоор үр дүнг
хэлэхэд төвөгтэй байна. Ямарч байсан бид өөрсдийнхөө байр суурийг хэлж байна.
Улаанбаатар бусад улс орнуудтай ийм сайн харилцаатай. Манай улсад ирж, яриа
хэлэлцээрээ хийдэг ийм талбар болж болно гэсэн санаагаа ойлгуулж байна. Энэ
хурал анхных нь биш. Өнгөрсөн жил Азийн эмэгтэй параламентын хурал гэж зохион
байгуулсан. Өөрөөр хэлбэл, ямар нэг хэмжээгээр Улаанбаатарт бүс нутгийн
иймэрхүү асуудлаар  цугла­раад ярилцаад
байж болох юм  гэдгийг харуулахыг зорьж
байна. Энэ байр сууриа ойл­гуу­лах гэж 
бүс нутгийн экспертүүдийг уриад уулзаж байна.

-Бүс нутгийн аюулгүй байдал гэдэг ойлголтод юу багтаж байгаа
вэ.  Энэ талаар мэдээлэл өгөхгүй юу?

-Бүс
нутгийн хэмжээнд хуримтлагдсан аюулгүй байд­лын асуудал зөндөө байна. Манай
цөмийн дэлбэрэлт, цөмийн туршилт хийнэ 
гэж ярьж байгаа улс орон байна. Газар нутгийн маргаанаас болоод
хоорондоо хурц зөр­чилд орсон асуудлууд байна. Энэ бүх асуудлыг манай улсад
ирээд ярилцах юм. 

Х.ЦЭНД-АЮУШ

Categories
гадаад мэдээ

М.Тэтчерийн байшинг дуудлагаар худалдана

Их Британийн Ерөнхий сайд агсан Маргарет Тэтчерийн амьдарч байсан
байшинг дуудлагаар худалдах болжээ. Лондон хотын Белгаври дүүрэгт Букингемийн ордны
хажууханд байрлах дөрвөн давхар харшийг 35 сая фунт стерлинг буюу 59.5 сая ам.доллараас
эхэлж дуудах гэнэ. Байшинд  бүрэн засвар хийж
газар доошоо орсон хоёр давхарыг нэмж барихаар төлөвлөжээ. Засвар ажил нэг жилийн
дараа дуусах бөгөөд дуудлагаар худалдсанаар хэдэн сая фунт стерлингийн ашиг олох
аж. М.Тэтчер 1990 онд Их Британийн Ерөнхий сайдын ажлыг өгсөнөөсөө хойш энэ байшинд
амьдарсан юм. 2013 онд таалал төгссөн экс Ерөнхий сайдын байшинг хүүхдүүд нь өвлөж
аваагүй аж.

НҮБ-ын ерөнхий нарийн бичгийн даргад эмэгтэй хүнийг дэвшүүлнэ

НҮБ-ын ерөнхий нарийн бичгийн даргад Шинэ Зеландын Ерөнхий сайдаар
ажиллаж байсан Хелен Кларк хэмээх эмэгтэйг дэвшүүлэх гэж байгаа тухай “Times” сонинд
бичжээ. Бан Ги Мун уг албыг 2016 он хүртэл уг албын хаших тул одооноос түүний халааг
авах хүний талаар яригдаж эхлээд байна. Өдгөө тус олон улсын байгууллагад нөлөө
бүхий алба хашиж буй энэ бүсгүй ч өөрөө уг албыг хаших сонирхолтой байгаа гэнэ.
Тиймээс ч “НҮБ-ыг эмэгтэй хүн тэргүүлэх хэрэгтэй” хэмээн мэдэгджээ.

Хелен Кларк нь НҮБ-ын хөгжлийн хөтөлбөрийг удирдан ажиллаж байгаа.
Өөрөөр хэлбэл тус байгууллагын дээрээсээ гурав дахь хүн гэсэн үг. Сэтүүлчид түүнээс
“НҮБ-ыг эмэгтэй хүн тэргүүлэх цаг ирсэн гэж бодож байна уу” гэж асуухад “Манай дэлхийн
бүх эмэгтэйчүүд тийм гэж хэлэх байх” хэмээн хариулжээ. 2016 онд бас нэгэн тэмдэглэлт
үйл явдал болно. Юу гэвэл АНУ-ын Ерөнхийлөгчид анх удаагаа эмэгтэй хүнийг дэвшүүлж
магадгүй байгаа. ОУВС-гийн тэргүүний албыг эмэгтэй хүн хашиж байгаа. Ер нь сүүлийн
үед хамгийн хариуцлагатай бөгөөд нөлөө бүхий албан тушаалыг эмэгтэй хүн хаших болсон.
Тийм болохоор энэ нь НҮБ-ыг тойрохгүй.

Шинэ Зеландийн Ерөнхий сайд асан Хелен Кларк энэ талаар ярихдаа одоогоор
уг асуудлыг хөндөх нь арай л эрт байна гэсэн. Учир нь Бан Ги Муны сонгууль хугацаа
хоёр жилийн дараа дуусах юм. 

Categories
мэдээ спорт

Коби Брайант: Клинсманн юу гэсэн гэнэ ээ

АНУ-ын шигшээ багийн ахлах дасгалжуулагч Клинсманн өөрийн багийн домог болсон тоглогч Донованыг энэ удаагийн ДАШТ-д авч яваагүй талаар нэгэн ярилцлага өгсөн. Түүндээ “Америкт нэг сонин зүйл анзаарагддаг. Жишээ нь Коби Брайант дээр ярья л даа. Лейкерс түүнтэй хоёр жилийн хугацаатай 50 саяын гэрээ байгуулсан байна лээ. Энэ чинь түүний урьд өмнө байгуулсан гавьяад нь зориулж өгч байгаа мөнгө гэсэн үг биз дээ. Гэтэл одоо цагийнх нь баг яах вэ” гэж хэлсэн юм. Хөлбөмбөг үзэх дуртай Коби энэ үгийг сонсоод яаж дуугай байх вэ. “Инээдтэй юм. Түүний бодлоор энэ зөв  байж магадгүй. Гэхдээ тэр багийн эзэн биш. Сагсан бөмбөгт багийн эзэд тоглогчдынхоо төлөө санаа зовдог юм. Тэр тоглогч 35-тай байна уу, 25-тай байна уу хамаагүй багт үзүүлэх нөлөөг нь үнэлдэг юм. Юрген бол зүгээр л дасгалжуулагч. Тэгээд энэ ажлаа л хийл дээ” гэжээ. 

Б.ХУЛАН

Categories
мэдээ нийгэм

Бичил уурхайчдын олборлосон борлуулах зөвлөмж гаргалаа

Уул уурхайн яам, Ашигт малтмалын газар болон Швейцарийн
хөгжлийн агентлагийн тогтвортой бичил уурхай төсөл хамтран “Бичил уурхай ба
алтны худалдаа” сэдэвт хурал өнөөдөр
боллоо.Тус хурлын зорилго нь бичил уурхайчдын олборлосон алтны
борлуулалтын орон нутаг дахь нөхцөл байдал, тулгарч байгаа хүндрэл бэрхшээлийг хэрхэн
шийдвэрлэхэд оршиж байв..

Уул уурхайн яамны Төрийн нарийн бичгийн дарга Р.Жигжид
хэлсэн үгэндээ “Өнөөдөр бидний хөндөж ярилцах гэж байгаа бичил уурхайчдын
олборлосон алтны худалдааг албажуулах, ил тод болгох тухай сэдэв нь цаг үеэ
олсон чухал асуудал” гэсэн юм. Төрөөс эрдэс баялагийн салбарт баримтлах
бодлогын хэрэгжилтийн хүрээнд бичил уурхайн эрх зүйн орчныг сайжруулах талаар
тодорхой арга хэмжээг авч хэрэгжүүлж байна.  Тэдгээрийн нэг нь өнгөрөгч нэгдүгээр сард алтны
салбарт ил тод байдлыг бүрдүүлэх зорилгоор Ашигт малтмалын тухай хуульд нэмэлт
өөрчлөлт оруулсан явдал юм. Энэхүү нэмэлт өөрчлөлтөөр аж ахуйн нэгж, бичил
уурхайчид олборлосон алтаа Монгол банк болон түүнээс эрх авсан банкинд тушаавал
ашигт малтмалын нөөц ашигласны төлбөрийг 2.5 хувь болгож үнийн
өсөлтөөс хамаарах ашигт малтмалын нөөц ашигласны төлбөрөөс бүрэн чөлөөлөх юм.  Хурлын төгсгөлд бичил уурхайгаар алтны худалдааг хэрхэн
ил тод болгох, бичил уурхайчдын олборлосон алтыг  орон нутагт худалдах, худалдан авах эрх зүйн
орчныг бүрдүүлэх бодлогын зөвлөмж гаргалаа.

М.Ундрал

Categories
онцлох-нийтлэл туслах-ангилал

Д.Дорлигжав: Энэ хүн нас барсан учраас наад хэргээ хаачих гэвэл шүүх хурал хийлгүй хааж болдог

Улсын
ерөнхий прокурорын газрын дарга Д.Дорлигжав өнөөдөр сэтгүүлчидтэй уулзлаа. Тэрбээр
сэтгүүлчдийн асуултад хэрхэн хариулсныг сонирхуулъя.

-Мөнгө
угаах, авлигын хэргээр нэр бүхий олон хүн шалгагдаж байгаа талаар сонсогддог.
Гэвч эдгээр нь удааширч, замхардаг. Энэ ямар учиртай юм бэ?

-Мөнгө
угаах хэрэгт УИХ-ын гишүүд холбогдсон хэргүүд, Үндсэн хуулийн цэцийн гишүүдтэй
холбогдсон хэргүүд удаашралтай байгаа нь үнэн. УИХ-ын гишүүдийн тухайд
Халдашгүй байдлын хуулиа өмнөөс ярьдаг. Энэ хүний буруу нь тогтоогүй учир энэ
хүнийг түдгэлзүүлэхгүй гээд зогсоочихдог. Тиймээс хуулиар хамгаалагдсан эрх
бүхий албан тушаалтнуудын хувьд бүх хэргүүд зогсож байна. Энэ бол нуугаад байх
зүйл биш. Удаа дараа энэ асуудлыг Ерөнхий прокурорын хувьд хэлсэн. Өндөр албан
тушаалтай байна гэдэг жирийн ард иргэдээс илүү эрхтэй байхыг хэлэхгүй. Хэрэг
хийсэн бол шалгагддаг байх ёстой.

-Газрын
тосны газрын дарга асан Д.Амарсайханыг бүтээгдэхүүн хуваах гэрээний үр дүнгээр
хоригдож байсан гэх мэдээлэл байсан. Гэвч сүүлийн үед гараад байгаа мэдээллээр
МАХН-ын дарга Н.Энхбаяртай холбоотой хэрэг байсан гэх юм. Энэ талаар юу хэлэх вэ?

-Улсын
яллагч уншсан учир прокурор энэ хэргийн талаар бүгдийг мэдэж байгаа. Надад ийм
учраас ингэж шийдэгдсэн гэх мэдээллийг өгсөн. Миний авсан мэдээллээр
талийгаачийг зөвхөн холбогдолтой, нотлож тогтоосон хэсгээр нь шүүхэд шилжүүлсэн
байдаг. Энэ бол хил дамнасан, гадаад, дотоодын янз янзын хүмүүстэй холбогдсон
зүйл. Үүнийг удаан шалгалаа гэх гомдол ч гарсан. Мэдээж гадаадын улс тэр бүр
бидэнд байгаа зүйлээ гаргаад өгчихгүй. Нэн ялангуяа хөрөнгө мөнгө төвлөрч
байгаа газрынхан тийм зүйлдээ хатуу байдаг. Зарим хүмүүс Н.Энхбаяр даргын дүү
Н.Энхтуяа гэдэг хүн 2-3 жил олдохгүй байна гэх мэтээр асуудал их байна. Хуулийн
байгууллага бол эзэн холбогдогчийг хөөгөөд гүйцэхгүй байгаа. Энэ хэрэг дээр
асуудал байсан уу гэвэл байсан. Үүнийг талийгаач нас барсан гээд орхичихдоггүй.
Тусгаарлаж авч үлдээд бусад холбогдогчийг нь хэзээ шалгаж болох, хэзээ олдсон
үед нь сэргээн шалгаж болдог. Эрүүгийн байцаан шийтгэх хуулиндаа эрүүгийн
хэргийг шалгаж байгаа хэргийн дотроос хэр хэмжээний мэдээллийг олон нийтэд
мэдээлж болох вэ гэдгийг хяналт тавьж байгаа прокурортой зөвшилцөж шийдвэрлэх
ёстой. Тиймээс энэ хэргийг ийм хэмжээнд мэдээлэх боломжтой.

-Нас
барсан хүний хэргийг шалгаад, шүүхээр шийдэж байгаа нь иргэдэд их эвгүй
сэтгэгдэл төрүүлж байна?

-Монголын
хуулийн практикт цөөхөн тохиолдож байгаа зүйл учраас хүмүүст сонин санагдаад
байгаа байх. Өнөөдөр манайд хүчин төгөлдөр мөрдөгдөж байгаа хуулиар нэгдүгээрт
энэ хүнийг амьд байхад тухайн хэрэгтэй холбоотой яллах дүгнэлт биччихсэн
байсан. Өөрөөр хэлбэл шүүх хэргийг шийдсэн байсан. Ганцхан энэ хүний хийсэн
хэрэг биш өөр холбогдогчтой байсан учир хэрэг нь хэрэг шүүхэд очиж, шүүхээр
шийдвэрлэгдэх нь  зүйн хэрэг. Гэхдээ манай хуулинд нэг зүйл байгаа. Хэрвээ
шүүгдэгч шүүх хурлаас өмнө нас барвал өмгөөлөгчийн хүсэлтээр буюу өмгөөлөгч
шүүх хурлаа явуулаад энэ хавтаст хэрэгт байгаа материалын хэмжээнд энэ хүнийг
гэм буруутай байсан эсэхийг тогтоолгоно гэвэл шүүх хурлаар шийддэг. Тиймгүй энэ
хүн нас барсан учраас наад хэргээ хаачих гэвэл шүүх хурал хийлгүй хааж болдог.
Хавтаст хэрэгт нотлогдсон материалаар шийднэ.

-Д.Амарсайхан агсаны үхэлд хууль хяналтынхан, тэр дундаа прокурорынхныг
буруутай гэж үзээд байгаа шүү дээ?

-Прокурорын
байгууллага буруугүй л гэж үзэж байна. Учир нь тэр хүнийг шалгах зүйл байсан уу
гэвэл байсан. Бусад хэргийг адилхан л шалгаж байгаа. Урьд нь энэ хүн хоригдож
шалгагдаж байгаад 12 сар хүсэлт гаргаж эмчилгээ хийлгэж гадуур шалгагдаж
байсан. Нэг хэсэг гадагшаа яваад нэлээд удсан. Ирсэнийх нь дараа дахиж хэргийг
нь сэргээгээд шалгаж эхэлсэн. Ингээд хэрэг сэргээгээд шүүх рүү шилжүүлэхдээ энэ
хүнийг таслан сэргийлэх арга хэмжээг нь энэ чигээр нь шилжүүлье. Эмчилгээний
хувьд хорихын эмнэлэг, дээд шатны эмнэлэгт шийдвэр гаргаж эмчлүүлж болно
гэдгийг тухайн үед өмгөөлөгч нарт тавьсан байдаг. Гэвч талийгаач өөрөө тухайн
үед “Би гармаар л байна. Эмнэлэгт хэвтэхгүй” гэж өөрөө хэлсэн. Гэхдээ хорихын
эмч нар үзээд шинжилгээ хийгээд явж л байсан. Бид ажлаа хийж явсан хуулийн
байгууллагын ажилтнуудыг буруутган эрх зүйн үндэслэл алга.

-“Оюун ундраа групп”, Тээвэр хөгжлийн банкны хооронд үүссэн маргаан, тус
банкаар дамжуулан   их хэмээний  мөнгө угаасан  байж
болзошгүй  үйлдлүүд юу болсон бэ. Огт шалгагдахгүй байгаа юм биш үү?

-Тээвэр
хөгжлийн банкны гүйцэтгэх захирлаар ажиллаж байсан А.Е.Новожиловийн нэр
дурдагдаад байгаа энэ хэрэг бол хөрөнгөтэй хүмүүс хөрөнгөө булаацалдсан хүмүүс
учраа олохгүй болохоор хуулийн байгууллагынхныг буруутгаад явж байгаа зүйл. Энэ
бол иргэний шүүхээр шийдэгдсэн хэрэг. Иргэний шүүхээр шийдэгдсэн хэрэг Эрүүгийн
шүүхээр шийдэгддэггүй юм. Тиймээс Прокурорын байгууллага энэ өмч хөрөнгийнхөө
маргааныг иргэний шүүхээр шийдвэрлэ гэсэн. Иргэний шүүхээс шийдвэрлэчихсэн.
А.Е.Новожиловийг оргож зугтсан гэж ярьдаг. Тэр хүн оргосны төлөө прокурорыг
цагдаа буруутгаад яахав дээ. Оргоод л явчихсан.  Хэд хэдэн гадаадын иргэн
өөрийнхөө паспортийг элчин сайдын яамаараа хэлүүлээд манай паспорт бол манай
өмч. Манай иргэний паспортыг эргүүлж өг. Эрүүгийн хэргээ та нар шалгадгаараа
шалга гээд иргэнийхээ паспортыг өгүүлэнгүүтээ гадагшаа гаргачихдаг. Иймэрхүү
бэрхшээл бидэнд байна. Хөрөнгө мөнгөө булаалцсан хэргийг бол иргэний шүүхэд
шилжүүлсэн. Энэ бол прокурорыг ажил биш, шүүхийн ажил. Тэнд өөрийнхөө санаснаар
болохгүй болохоор нэгэн дээрээ эрүүгийн хэрэг үүсгүүлж, дарамтлуулах гэж
оролддог. Тэрнийг нь хүлээж авахгүй болохоор хуулийн байгууллагыг буруутгаад
байдаг.

-Эрүүгийн
болоод шүүхийн хууль шинэчлэгдсэнээр прокурорын байгууллагын хүч буурч, эрх
мэдэл нь багасаад байгаа гэх яриа байна?

-Ер
нь шинэчлэл гэдэг хэдэн байгууллагын эрх мэдлийг хуваарилах асуудал биш.
Эрүүгийн хуулийг өөрчлөх ёстой. Энэ бол ялын бодлогоо эргэж харна гэсэн үг.
Хоёрдугаарт, эрүүгийн байцаан шийтгэх хуулийг өөрчлөх ёстой. Энэ нь хууль барьж
ажилладаг байгууллагуудын үйл ажиллагааг нарийвчилж, журмалж хариуцлагатай
болгож өгнө гэсэн үг. Цаашлаад бүтэц, тогтолцоо хэн нь хаанаа захирагдах юм
гэдгийг заана. Улмаар материаллаг базз, боловсон хүчин, гадаад харилцааг нь
бэхжүүлэх гэх мэтээр энэ нь иж бүрэн байж гэмээнэ үр дүнгээ өгөх аж. Бидний
хувьд эрх мэдэл хуваах бүтэц, тогтолцоо талаас нь эрх мэдэл хувиарлачихсан.
Тэнд наана цаана гэсэн маргаан байдаг. Тэнд гамшгийн хэмжээнд хүрсэн маргаан
биш. Мөрдөх албаны хууль гарахаар тогтолцооны чанартай маргаан нэг тийш
шийдэгдэх байх.