Month: June 2014

Үйлдвэр, хөдөө аж ахуйн дэд сайд
Б.Цогтгэрэл Бүгд найрамдах Польш улсын Хөдөө аж ахуй, хөдөөгийн хөгжлийн
дэд сайд ноён Тадеуш Налевайк-ийг хүлээн авч уулзан хоёр орны хөдөө аж
ахуйн салбар дахь хамтын ажиллагааны талаар санал бодол солилцлоо.

ҮХАА-н дэд сайд Б.Цогтгэрэл Монгол Улсын
Засгийн газар олон мянган жилийн уламжлалтай бэлчээрийн мал аж ахуйн
уламжлалаа хадгалж хамгаалахын зэрэгцээ хүнсний органик “Монгол
бренд”-ийг бийболгон Европ, органик хүнсний эрэлт хэрэгцээ улам нэмэгдэж
байгаа Хятадын болон Зүүн хойд Азий н зах зээлд гаргах зорилт тавин
ажиллаж байгааг онцоллоо. Монгол Улс Европын холбооны тарифын
хөнгөлөлтийн системийн хүрээнд 7200 бүтээгдэхүүн экспортлох боломжыг
ашиглахад мах, чацаргана зэрэг онцлог бүтээгдэхүүний боловсруулалтын
түвшин, стандартад хараахан хүрч чадахгүй байгаа тул Европын стандартад
хүрэхэд хөдөө аж ахуйн салбар нь өндөр хөгжсөн Польш улсаастехник,
технологи, мэдлэг дамжуулахад дэмжлэг авах хүсэлт тавьлаа. Мөн тэрээр
цаашлаад Монголын хөдөө аж ахуйн гаралтай хүнсний бүтээгдэхүүний
экспортын зах зээлийг нэмэгдүүлэхэд худалдааны яриа хэлэлцээний чадавхи
бий болгох ялангуяа Дэлхийн худалдааны байгууллагын Эрүүл ахуй, хорио
цээрийн хэлэлцээрийг хэрэгжүүлэх, арга хэмжээг авч хэрэгжүүлэхэд
Үндэсний хүний нөөцийн чадавхыг бэхжүүлэх, туршлага судлах, сургалт
зохион байгуулах зэргээр хамтран ажиллах санал тавилаа.

й

Польшийн
тал дээрх саналуудыг нааштайгаар хүлээж аван бодит ажил хэрэг болгох
чиглэлээр анхаарч ажиллахаа амлалаа. Ялангуяа сүүний аж ахуй, хүнсний
ногооны үр үржүүлгийн чиглэлээр нэн тэргүүнд дэмжлэг үзүүлэн хамтарч
ажиллахаар тохиролцлоо.

Бүгд Найрамдах Польш Улсын Хөдөө аж
ахуй, хөдөөгийн хөгжлийн дэд сайд ноён Тадеуш Налевайк хоёр орны хөдөө
аж ахуйн салбар дахь хамтын ажиллагаанд онцгойлон анхаарч байгаагаа
илэрхийлээд Польш улсын Засгийн газраас Монгол Улсад олгохоор яригдаж
буй 50 сая еврогийн нөхцөлт зээлд хүнс, хөдөө аж ахуйн салбарыг түлхий
хамруулах бодолтой байгаагаа хэллээ.

й

Их Монгол улс байгуулагдсаны 808 жил, Ардын хувсгалын 93 жилийн ой, Үндэсний их баяр наадмыг угтан нийтийн эзэмшлийн гудамж, зам талбайд хогийн сав, сандлыг хийж байршуулж байгаа.

Энэ ажлын хүрээнд нийт 385 ширхэг хогийн сав, 987 ширхэг амралтын сандлыг дүүрэг бүрт хүлээлгэн өгчээ. Дүүргүүд өөрийн нутаг дэвсгэрт хуваарилан хогийн сав, амралтын сандлыг хослуулан байршлуулах ажлыг зохион байгуулж буй аж.

Мөн төв цэнгэлдэх хүрээлэнгийн хаалганы орц гарцын хэсэг, сүүдрэвчийг сэргээн засварлаж, зүлэгний нөхөн тарилтыг 46000 м.кв талбайд хийжээ. Сурын талбайн гадна ногоон байгууламжид цэцгийн мандал шинээр бий болгож, зүлгийг тэгшлэн, зэрлэг ургамлын түүх түүвэр цэвэрлэгээний ажлыг нийслэлийн төвийн зургаан дүүрэг, “Нийтийн үйлчилгээний Улаанбаатар нэгтгэл”-ийн ажилтнууд хариуцан ажиллаж буй юм байна. Төв цэнгэлдэх хүрээлэнгийн үүдний гол баганыг сэргээн засварлах ажил эхэлж, ногоон байгууламжийн усалгаа тогтмол хийж байгаа гэнэ.

Удаан задардаг органик бохирдуулагчийн тухай Үндэсний хөтөлбөрийн төслийн хэлэлцүүлэг  өчигдөр боллоо. БОНХЯ, Химийн хорт болон аюултай бодисын бодлого зохицуулалтын асуудал эрхэлсэн үндэсний зөвлөлөөс  зохион байгуулсан энэ уулзалтад яамдын болон нийслэл,орон нутгийн холбогдох мэргэжилтнүүд, ШУА-ийн эрдэмтэн судлаачид оролцов.

Хэлэлцүүлгийн үеэр  БОНХ-ийн дэд сайд Б.Тулга Тэрбээр  удаан задардаг органик бохирдуулагчийн тухай асуудал дэлхий нийтийн өмнө хурцаар тавигдаж байгааг тэмдэглээд , энэ чиглэлээр салбарын яамнаас хийж хэрэгжүүлж байгаа ажлуудын талаар танилцуулж, удахгүй химийн хорт болон аюултай хог хаягдлын тоо хэмжээг гаргах тооллого явуулах болсныг  дуулгасан юм. Анхан шатны тооллогыг 2004-2005 онд явуулж байсан бөгөөд өдөр ирэх тусам нэр төрөл, тоо хэмжээ, хэрэглээ нь өсөн нэмэгдэж буй химийн бодисын менежментийг зохистой явуулах, химийн хорт бодисоос хүний эрүүл мэнд, байгаль орчныг хамгаалах, мөн түүнчлэн төрөөс байгаль орчны талаар баримтлах бодлого, хандлага өөрчлөгдсөнтэй холбоотойгоор  тооллогыг дахин хийх, Үндэсний хөтөлбөрөө шинэчлэх үүднээс энэ хэлэлцүүлгийг зохион байгуулсан ажээ.

 Хэлэлцүүлэгт оролцогчид удаан задардаг органик бохирдуулагчийн өнөөгийн байдал, хууль эрх зүйн орчин, үйл ажиллагааны тухай ярилцаж, харилцан санал солилцов. Мөн тооллогыг хэрхэн үр дүнтэй хийх, цаашид аюултай хог хаягдал устгах байгууламж бий болгох талаар онцлон ярилцлаа.  

 Удаан задардаг органик бохирдуулагчид пестицид, үйлдвэрийн химийн бодис, зарим бүтээгдэхүүний үйлдвэрлэлийн явцад болон шатаалтын процессоос зориудын бусаар үүсдэг бодисууд ордог бөгөөд ихэвчлэн хлор, бром, фтор агуулсан байдаг байна. Эдгээр бодис нь маш тогтвортой, амархан задардаггүй бөгөөд онцгой хортой, хол зайд зөөвөрлөгдөж шилжих чадвартай, шилжиж зөөвөрлөгдөх явцдаа хоруу чанар нь алдагддаггүй аж. Түүнчлэн хүний биед орж биохуримтлал, биосоронзлол үүсгэх ба дотоод шүүрэл, дархлаа, дээд мэдрэл, үржлийн системд нөлөөлөн, хорт хавдар, чихрийн шижин, үргүйдэл, дотоод шүүрлийн системийн хямрал, арьсны өвчлөл,мэдрэлийн согог зэрэг өвчнүүдийг үүсгэдэг байна.  

 Энэхүү бохирдуулагчийн хор аюулыг дэлхийн улс орнууд хүлээн зөвшөөрч,  2001 оны тавдугаар сард удаан задардаг органик бодисын хор нөлөөллөөс хүний эрүүл мэнд, байгаль орчныг хамгаалах зорилго бүхий Стокгольмын конвенцийг баталжээ. Уг конвенцид  Монгол Улс 2003 онд нэгдэн орж, Засгийн газрын 2006 оны 99 дүгээр тогтоолоор Удаан задардаг органик бохирдуулагчийн тухай Үндэсний хөтөлбөрийг баталсан ажээ. 

Нийслэлийн 160 орчим мянган иргэнд
долоон дүүргийн 52 байршилд 15 мянган га газрыг
өмчлүүлэхээр төлөвлөлтийн ажлууд хийгдэж байгаа.

Чингэлтэй дүүргийн 19 дүгээр хорооны Яргайт,

Өнгөрсөн даваа гаргаас “Атар” талхны үйлдвэрийн үнэ  1000 төгрөг болжээ. Харин хэрэглэгчид дэлгүүрээс уг талхыг 1100-1180 төгрөгөөр худалдан авч байна. Тиймээс иргэдээс ирсэн гомдлын дагуу ШӨХТГ-аас ямар учраас талхны үнээ нэмсэнийг судалж, шалгаж байгаа аж. “Атар Өргөө”-ний хувьд талхны үнийг нэмэх үндэслэлгүй гэж ШӨХТГ-аас үзсэн байна.

Өмнөд Африкийн Стандарт банкид “Эрдэнэт” үйлдвэрийг барьцаалж, их хэмжээний зээл авсан, авсан зээлээ төлөөгүйгээс болоод “Хадгаламж” банк, “Жаст” группээ алдсан Ш.Батхүү батлан даалтад гарсан гэх мэдээлэл байна. Тэрбээр эрүүл мэндийн шалтгаанаар гадуур байцаагдах өргөдлийг өмгөөлөгчөөрөө дамжуулан хууль хяналтынханд өгсөн бөгөөд хүсэлтийг нь хүлээн авчээ.

Ш.Батхүү нь “Эрдэнэт” үйлдвэрийн барьцаанд тавьж зээл авсан гэдгээ хүлээн зөвшөөрсөн бөгөөд энэ хэрэгт холбогдуулан ТӨХ-ын даргаар ажиллаж байсан Үндсэн хуулийн цэцийн гишүүнД.Сугар, тус үйлдвэрийн ерөнхий захирал асан Ч.Ганзориг нарыг шалгаж байсан ч тэдний гарын үсгийг хуурамчаар ашигласан нь хэргийг шалгах явцад тогтоогджээ.