Хятадын эсрэг эсэргүүцлийн жагсаал Вьетнамд үргэлжилсээр байна. Хятадын эрх баригчид ийм шалтгаанаар 3000 хятад ажилчныг Вьетнам улсаас нүүлгэн шилжүүлжээ. Вьетнамыг орхих хүсэлтэй Хятадын иргэдэд зориулан нислэгийн хуваарь гаргаж, усан онгоц бэлдэж байгаа аж. Вьетнамын өмнөд хэсэгт болж буй эсэргүүцлийн жагсаалд 20 мянга гаруй хүн оролцож байгаа гэнэ. Энэ эсэргүүцлээс болж 15 аж үйлдвэрийн ажилд саатал гарчээ. Сонирхуулж хэлэхэд Хятадын хоёр иргэн амиа алдсан байна. Өмнөд Хятадын тэнгис дэх маргаантай газар нутагт цооногоо нээх нь өдөөн хатгалга гэж Ханой үзэж байгаа билээ.
Month: May 2014
Нийслэлийн Засаг даргын 2013 оны А/81 дүгээр захирамжаар батлагдсан нийслэл хотын гол болон туслах гудамж, замуудын техник ашиглалтын түвшин тогтоох, паспортжуулах ажлын хүрээнд дөрвөн гүүрийн техник ашиглалтын ажлын судалгаа, туршилт хийж байгаа ажээ. Гүүрийн хөдөлгөөнийг бүтэн хааж, динамик ба статик туршилт явуулахын тулд тавдугаар сарын 18-ны 04:00-05:00 цагийн хооронд Толгойтын замд Нарангийн голын гүүрийг хаасан байна. Ингэхдээ нэг цагийн турш гүүрийг хааж туршилт хийжээ.
Харин цаашид Шаргаморьтын гүүр буюу Шаргаморьт-Жигжидийн уулзварын зүүн талын гүүрийг энэ сарын 25-ны 06:00-07:00 цаг хүртэл,Дамбадаржаагийн гүүр буюу 58 дугаар дунд сургуулийн баруун талын гүүрийг энэ сарын 25-ны 04:00-05:00 цаг хүртэл хаах бол Баянзүрхийн авто замын гүүр буюу Баянзүрхийн товчооны баруун хойд талын гүүрийг 2014 оны ирэх сарын 01-ний 04:00-05:00 цаг хүртэл тус тус хаах юм байна.
Энэтхэгийн Дели хотын оршин суугч 50 настай Маннан Мондалыг “заан царайт”, заримдаа “хайлсан нүүрт” гэдгээр нь хүмүүс андахгүй. М.Мондал анагаах ухаанд нэн ховор тохиолддог нейрофиброматоз хэмээх хавдрын өвчтэй бөгөөд хүн харахын эцэсгүй энэ нүүрнээсээ болоод олон жил гуйлга гуйжээ. Хэдийгээр тэр үүнтэйгээ эвлэрэн амьдарч байсан ч аргагүйн эрхэнд нүүрэндээ мэс хүргэж сайхан царайтай болох хэрэгтэй боллоо. Тиймээс М.Мондал тусламж эрэн цахим ертөнцөд өөрийнхөө тухай мэдээллээ. М.Мондал ядуу хоосны дээр хүн харахын эцэсгүй нүүртэй ч эхнэр, хоёр хүү, хоёр охинтой. Түүний амьдралынх нь гэрэл гэгээ болсон том охин нь одоо 20 хүрч, нөхөрт гарах хэрэгтэй болжээ. М.Мондал охиныхоо хуриманд заавал оролцох хэрэгтэйн дээр ариун газарт болох хуриман дээр ийм муухай нүүртэй очиж болохгүй юм байна. Харин гуйлга гуйж өдрийн таван фунт стерлингийн орлого олдог М.Мондалын хувьд охиныхоо амьдралын хамгийн том өдөр дээр бусдыг айлгахгүй нүүртэй очих аргагүй юм.
НАСА-ийн эрдэмтэд өнгөрч
оны сүүлээр улаан нүдэн гариг дээрх эртний
нуурны ул мѳрийн тухай мэдээлсэн нь
ихээхэн шуугиан дэгдээгээд байсан билээ. Гаригийн
экваторын орчимд 3.7 тэрбум жилийн тэртээ нилээн удаан хугацааны турш оршиж
байсан энэ нуур нь цэнгэг устай байсан учир, судлаачид магадгүй тэнд ядаж
микробын тѳвшиний амьдрал байсан байх гэж
таамаглаж байна.Харин өнгөрөгч сард эрт
цагт усны ёроол байсан байж болохуйц уртаашаа 50 км, ѳргѳѳшѳѳ
5 км орчим хэмжээтэй тогоо хэлбэрийн тогтоцыг
илрүүлжээ. Зѳвхѳн
тогтонги, урсгал зѳѳлѳн усны ёроолд л бий болдог маш
нарийн ширхэгтэй шавар чулуун давхрагаас үүдэлтэй. Дэлхий дээр нуур ууршаад
алга болсоны дараа ёроолын шавар нь хатаад яг ийм нарийн ширхэгтэй шавар чулуу
болдог учир, судлаачид дэлхийнхтай төстэй ийм
зүйл олсондоо ихээхэн гайхжээ. Шавар
чулуун хэсгээс ухаж аваад найрлагыг нь судалж үзэхэд их хэмжээний нүүрстѳрѳгч,
хүчилтѳрѳгч,
устѳрѳгч,
фосфор, хүхэр, азот зэрэг амьдралд нэн чухал элементүүдээр баялаг минералуудыг
олноор илрүүлсэн байна. Эдгээр минералуудын шинж чанараас нь үзхэд, нуур маань
хэт суурилаг эсвэл хэт хүчиллэг, бас хэт их давстай ч биш бүр бараг хүн ууж
болмоор цэвэр устай нуурын ёроолд хуримтлагддаг эрдэсүүдтэй тун адил байжээ. Мѳн
нуурын ирмэг орчмын газруудыг судалж байгаад энэ нуур дор хаяж хэдэн 10 мянган жил, магадгүй хэдэн сая жил оршин
тогтносон байж ч магадгүй гэж таамаглаж байгаа юм байна.
ОХУ-д ДОХ-ын халдвараас урьдчилан сэргийлэх вакцин, эм гарган авчээ. Энэ талаар энэ сарын 15-ны өдөр ОХУ-ын Эдийн засгийн шинэчлэх зөвлөлийн хуралдаан дээр Эрүүл мэндийн сайд Вероника Скворцова мэдэгдсэнийг РБК мэдээлжээ. Тэрээр ДОХ-ын эсрэг вакцин илүү үр дүн үзүүлнэ гэдэгт итгэлтэй байгаагаа хэлжээ. Вакциныг амьтан дээр туршиж байгаа гэнэ. Тун удахгүй ДОХ-ын эсрэг вакцин бэлэн болно гэж сайд ярьжээ.
ДОХ-ын эсрэг вакциныг зохион бүтээгч Майк Райдер “Бидний вакцины үр дүнд өвчтэй эсүүд өөрсдийгөө устгах болно” гэсэн байна. Вакциныг 11 төрлийн амьтанд туршжээ. Амьтад бүгд амьд үлдээд зогсохгүй эрүүлжсэн байна. Бас гахайн ханиад тусч, үхлийн ирмэгт тулаад байсан халдвартай хулганы амийг аварчээ. Харин ч 15 төрлийн вирусыг устгаж чаджээ.
Яармагийн гүүр-Нисэх, Нисэхийн товчоо, Сонсголонгийн уулзвараас Яармагийн товчоо чиглэлийн 13.7 км авто замын өргөтгөл, шинэчлэлтийн ажил 2012 оноос хэрэгжиж байгаа юм. Тус зам барилгын ажлын хүрээнд Нүхт цогцолбор руу салдаг уулзвараас Сонсголонгийн ууулзвар хүртэлх 3 км авто замын хойд урсгалыг өнөөдрөөс буюу тавдугаар сарын 18-наас зургаадугаар сарын 07-ны өдөр хүртэл хааж, замын хөдөлгөөнийг урд урсгалаар сөрөг хөдөлгөөнтэй зохион байгуулахаар боллоо. Энэ хугацаанд тус замд борооны ус зайлуулах шугам, хашлага суулгах, өнгө хучилт, тэмдэглэгээ хийх зэрэг ажлуудыг хийж 20 хоногийн дараа нээхээр төлөвлөжээ.
Олон улсын эдийн засаг, нийгэм, соёл, шинжлэх ухаан, худалдааны харилцаанд хэмжил зүй, хэмжлийн гүйцэтгэх үүрэг байнга өсөн нэмэгдэж байгаатай уялдан, Жин ба Хэмжүүрийн Олон улсын Хорооны 1999 оны 21 дүгээр Ерөнхий Бага Хурлаар жил бүрийн тавдугаар сарын 20-ны өдрийг “Дэлхийн хэмжил зүйн өдөр” болгож, дэлхийн бүх улс оронд тэмдэглэдэг юм байна. Манай улс энэ өдрийг 2006 оноос эхлэн албан ёсоор тэмдэглэж эхэлжээ.
Энэ жил “Дэлхийн хэмжил зүйн өдөр”-ийг тохиолдуулан Стандартчилал хэмжил зүйн газар “Хэмжил, эрчим хүчний тулгамдаж буй асуудал” семинарыг маргааш буюу тавдугаар сарын 19-ний өдөр 09.00 цагаас Гадаад харилцааны яамны хурлын танхимд зохион байгуулахаар болжээ. Тус семинарт Монгол Улсын Шадар сайд Д.Тэрбишдагва болон ДЦС-4 ТӨХК-ийн удирдах ажилтнууд, ХААИС, ШУТИС-ийн доктор, профессор багш нар, ХБНГУ-ын Техник хамтын ажиллагааны байгууллагаас төлөөлөгчид оролцох гэнэ.
Аравдугаар сарын 29-ны өдөр Швейцар улс дахь Олон улсын бөхийн төрлүүдийн нэгдсэн холбоо-ФИЛА-гийн төв байранд тус холбооны Техникийн комиссийн хуралдаан болж бөхийн шинэ жингүүд, бөхийн тэмцээний дүрэмд хийх өөрчлөлтийн талаар тус холбооны Товчооны хуралд өргөн барих зөвлөмжийг хэлэлцэн шийдвэрлэжээ.
Техникийн комиссийн хурлаар энэ есдүгээр сард Унгар улсын нийслэл Будапешт хотод болсон ДАШТ-ний үеэр авсан болон дараа нь үндэсний холбоодоос ирүүлсэн санал, тэрчлэн сонгомол барилдаан болон эрэгтэй чөлөөт бөхийн жингүүдийг ялгаатай байлгах нь зүйтэй тухай ОУОХ-ны зөвлөмжийг иш үндэс болгон бөхийн жингүүдийг шинэчлэн өөрчлөх асуудлыг хэлэлцжээ. Хурлаар хамгийн түрүүнд хамгийн хөнгөн, хамгийн хүнд жингийн асуудлыг хэлэлцэж эрэгтэй чөлөөт бөхийн хувьд 57 кг-аас 125 кг, сонгомол барилдааны хувьд 60 кг-аас 130 кг, эмэгтэй чөлөөт бөхийн хувьд 48 кг-аас 75 кг байх нь зохимжтой гэж үзжээ. Тэгээд олимпийн жингүүдийн өөрчлөлтийн талаар дараахь зөвлөмжийг гаргажээ. Үүнд
Эрэгтэй чөлөөт бөх
57, 65, 75, 86, 97, 125 кг
Сонгомол барилдаан
60, 68, 77, 88, 100, 130 кг
Эмэгтэй чөлөөт бөх
48, 53, 58, 63, 69 и 75 кг
Техникийн комиссиос ДАШТ-ний хувьд жингүүдийн хоёр хувилбар боловсруулжээ. Нэг дэх хувилбараар төрөл бүрт 8 жин байхаар тухайлбал эрэгтэй чөлөөт бөх 57, 61, 65, 70, 75, 86, 97, 125 кг, сонгомол барилдаан, 60, 68,72, 77, 82, 88, 100, 130 кг, эмэгтэй чөлөөт бөх 48, 53, 55, 58, 60, 63, 69, 75 кг, хоёр дахь хувилбараар төрөл бүрт 9 жин байхаар тухайлбал эрэгтэй чөлөөт бөх 57, 61, 65, 70, 75, 80, 86, 97, 125 кг, сонгомол барилдаан 60, 64, 68, 72, 77, 82, 88, 100, 130 кг, эмэгтэй чөлөөт бөх 48, 53, 55, 58, 60, 63, 66, 69, 75 кг байх зөвлөмж гаргажээ.
Техникийн комиссиос хурлаас залуучуудын тэмцээний хувьд жингүүдийг төрөл бүрт 10 байхаар үүнд эрэгтэй чөлөөт бөх 50, 57, 61, 65, 70, 75, 80, 86, 97, 125 кг, сонгомол барилдаан 52, 60, 64, 68, 72, 77, 82, 88, 100, 130 кг, эмэгтэй чөлөөт бөх 44, 48, 53, 55, 58, 63, 66, 69, 72, 75 кг байх нь боломжтой гэж үзжээ.
Тус хурлаас шинэ жингүүдийн асуудлыг аль болох түргэн шийдвэрлэх нь шаардлагатай гэж үзжээ. 2015 онд АНУ-ын Лас-Вегас хотод болох ДАШТ-нийг шинэ жингээр явуулахаар төлөвлөж байсан ч бөхчүүдийг шинэ жингүүдэд хурдан дасгах, дасгалжуулагчдын бэлтгэл сургуулилт хийлгэх арга зүйг түргэн өөрчлөхийн тулд ирэх онд Узбек улсын нийслэл Ташкент болох ДАШТ-нийг шинэ жингээр зохиох нь зүйтэй гэсэн зөвлөмжийг өргөн дэвжүүлжээ.
Техникийн комиссийн хурлаар техникийн үнэлгээг хэрхэн өгөх асуудлыг мөн хэлэлцжээ. Үүнд дэвжээнд шахаж эргүүлэх мэхийг хоёр удаа хийхэд олгох оноо шидэх мэх хийхэд өгөх онооноос илүү байж болохгүй гэж үзэж дэвжээнд шахаж эргүүлэх мэх хийхэд хоёр оноо өгдөгийг хэвээр үлдээж гэхдээ чөлөөт бөхийн төрөлд бүх төрлийн шидэлтэнд олгох оноог 4 хүртэл нэмэгдүүлэх санал гаргажээ. Чөлөөт бөхийн төрөлд 5 хүртэлх оноо авах шидэлт ойрын үед маш цөөхөн гарч байгаа учир түүнийг больж чөлөөт бөхийн төрөлд шидэлтэнд 1, 2, 4 гэсэн оноо олгож байх нь зүйтэй, харин сонгомол барилдаанд шидэлтэнд 5 хүртэлх оноо өгдөгийг хэвээр үлдээх, бусад үнэлгээ нь чөлөөт бөхийнтэй адилхан байх зөвлөмж гаргажээ. Тэрчлэн оноогоор илт давуу ялалт олгох заалтанд өөрчлөлт оруулж урьд нь өрсөлдөгчөөсөө 7 онооны илүү авсан тохиолдолд барилдааныг зогсоож ялагчийг тодруулдаг байсныг өөрчилж өрсөлдөгчөөсөө чөлөөт бөхийн төрөлд 10 оноо, сонгомол барилдаанд 8 оноо илүү авсан тохиолдолд ялагчийг тодруулдаг байх нь тохиромжтой гэж үзжээ.
Техникийн комиссийн хурлаас тэмцээний хуваарьт зарчмын өөрчлөлт оруулж тэмцээнийг хоёр өдөрт багтаан явуулж байх, үүнд эхний өдөр хагас шигшээ барилдааныг оруулаад тойргийн болон дагах барилдааныг явуулж хоёр дахь өдөр шувтаргын болон хүрэл медалийн төлөө барилдааныг явуулж байх нь зүйтэй гэсэн зөвлөмж гаргажээ. Тэмцээнийг үдээс өмнө 11.00 цагаас эхлүүлж байх, бөхчүүдийн хоёр барилдааны хооронд дэвжээнд гарах хугацаа 15 минут байсныг 30 минут болгон сунгах болжээ.
Жин үзэлтийг урьдын адил яг тэмцээн эхлэхийн явуулж сугалааг компьютерийн программ ашиглахгүй, гараар гүйцэтгэдэг байх нь зохимжтой гэж үзсэн байна. Тэмцээний шинэ дүрэм, шинэ жингүүдийг нэвтрүүлсний дараа ДАШТ-ний шувтаргын барилдаанд шалгаран барилдсан хоёр бөхийг дараагийн ДАШТ болон Зуны олимпийн наадамд тухайн ДАШТ, Зуны олимпийн наадамд тухайн улсаас өөр бөх барилдах болсон ч хоёр өөр хэсэгт оруулж байх шаардлагатай гэжээ.
Тэмцээний үед гарсан эсэргүүцлийг хэлэлцэх журмыг өөрчилж тухайн барилдаанд үйлчилсэн шүүгчдийг тухайн эсэргүүцлийг хэлэлцэн шийдвэрлэхэд оролцуулахгүй, харин тусгай бие даасан комисс байгуулж барилдааны бичлэгийг үзүүлж эцсийн шийдвэрийг гаргуулна гэжээ.
Монголчууд эртнээс “жор мэдэхгүй эмчээс зовлон үзсэн чавганц дээр” гэдэгчлэн дур мэдэн эм хэрэглэх зуршилтай болчихсон улс. Зарим тохиолдолд үнэхээр ам дамжиж сонссон эмээ ууснаар бие тань тэнхэрч байгаа мэт байдаг боловч үнэндээ өөр эрхтэн тогтолцоог тань өвчлүүлж байдаг аж. Тиймээс дур мэдэн эмчийн зааваргүйгээр эм хэрэглэхгүй байхыг зөвлөж байна.
Мөн хамгийн чухал зүйл бол энхрий бяцхан үрсдээ хамаагүй эм өгөхөөс шууд татгалз. Учир нь Эрүүл мэндийн яамнаас сүүлийн гурван жил 147 цуврал эмэнд шинжилгээ хийхэд 28 нэрийн эм хуурамч, стандартын шаардлага хангаагүй байсан ажээ. Ингээд хүүхдэд хориотой зарим эмийн жагсаалтыг насны ангилалтай нь хүргэж байна.
Үүнд:
Адиурекрин – 3 нас хүртэл
Ацикловир – 3 нас хүртэл
Адпрозалам- 18 нас хүртэл
Бекламетазон – 6 нас хүртэл
Бромокриптин -15 нас хүртэл
Бутерфанол – 18 нас хүртэл
Гастал- 1 cap хүртэл
Гексенал -2 cap хүртэл
Гишүүнэ үндэс- 1 нас хүртэл”
Дактиноминцин- 3 нас хүртэл
Дикайн -10 нас хүртэл
Морфин- 2 нас хүртэл
Мышьякийн бэлдмэл- 2 нас хүртэл
Неграм- 1 нас хүртэл
Напроксен- 16 нас хүvртэл
Парацетамол-3 cap хүvртэл
Реграм- 1 нас хүртэл
Ңитропруссид натри- 18 нас хүртэл
Стрихинин-2 нас хүртэл
Тетрациклин- 8 нас хүртэл
Омнолон- 2 нас хүртэл
Пефлоксацин-15 нас хүртэл
Празозин- 12 нас хүртэл
Цефотаксим-2-5 нас хүртэл
Читамон-2 нас хүртэл
Эналаприл-16 нас хүртэл