Цагдаагийн байгууллагад энэ оны долоодугаар сарын 21-ний өдрийн 09 цаг орчимд Дорнод аймгийн Хэрлэн суманд хоёр хүүхэд голын усанд ороод гарч ирэхгүй байна” гэх дуудлага, мэдээлэл бүртгэгджээ. Дуудлагын дагуу тус аймаг дахь цагдаагийн газраас аймгийн Онцгой байдлын газрын алба хаагчидтай хамтран ажиллахад тус суманд оршин суудаг 16 настай, эрэгтэй “З” болон 14 настай, эрэгтэй “А” нар нь Хэрлэн голын усанд живж амь насаа алдсан байна. Иймд эцэг эх, асран хамгаалагчид бага насны хүүхдүүддээ гол усны үер, осол гэмтлийн талаар мэдээлэл өгөх, хараа хяналт тавих, орчны эрсдэлээс урьдчилан сэргийлэхийг анхааруулж байна