2015 он гарснаас хойш Ботсван, Хятад, БНСУ, Кыргыз, ОХУ, Вьетнам, Монгол, ӨАБНУ зэрэг 13 оронд шүлхий гарчээ. Ховд аймгийн Булган, Үенч суманд өнгөрсөн хоногт хоёр мал нэмж өвчлөн, шүлхийтсэн малын тоог 850 болгосон байна. Мал эмнэлэг, үржлийн газрын нөөцөд байсан 198.7 мянган тун вакциныг Ховд, Баян-Өлгий аймагт хүргэн, адуунаас бусад малд тарьж эхэлсэн байна. Энэ сарын 10-ны байдлаар Ховдын Үенч, Булган, Алтай суманд 154.978, Баян-Өлгийн Булган суманд 26.582 мал вакцинжуулаад байна. Ховдын Үенч, Булган, Алтай сумын вакцинжуулах малын 49, Баян-Өлгийн Булган сумын тарих малын 74.7 хувь вакцинд хамрагдаад байгаа аж. Баян-Өлгий аймгийн Булган сумын Хужирт гэдэг газарт шүлхийн вирус илэрсэн байж магадгүй гэсэн сүүлийн үеийн мэдээ байна.