Пакистаны Кветта хотын Цагдаагийн коллежид халдлага гарч, амь үрэгдэгсдийн тоо 63-д хүрсэн талаар “Синьхуа” агентлаг мэдээллэв. Орон нутгийн “Dawn” сонинд мэдээллэснээр, өнгөрсөн мягмар гаригийн шөнө болсон халдлагын улмаас 100 гаруй сонсогч бэртэж гэмтжээ. Өмнө нь 48 хүн амь үрэгдсэн талаар мэдээллэсэн байна.
Пакистаны армийн төлөөлөгч “Гурван алан хядагч гурвуулаа амиа золиослогч. Тэдний хоёр нь амиа золиослосон. Гурав дахийг нь Пакистаны армийн албан хаагч буудан хороосон. Амиа алдагсдын ихэнх нь тус коллежийн сонсогчид” гэж мэдэгджээ. Халдлагын дараа тусгайгийнхан коллежийг хяналтдаа авч, хөл хорио тогтоосон байна.