Цагдаагийн
байгууллагын 95 жил, Улаанбаатар хотын Цагдаагийн газрын 90 жил, замын
цагдаагийн байгууллагын 80 жилийн ойг угтан олон арга хэмжээ зохион
байгуулагдаж байгаа билээ. Ойг угтан цагдаагийн албан хаагчдын ур чадвар, бие
бялдрыг шалгасан тэмцээн уралдаанаас гадна нийгэм рүү чиглэсэн арга хэмжээг ч
хэрэгжүүлж байна. Тухайлбал, замын цагдаагийнхан үндэсний цэцэрлэгт хүрээлэнд
80 мод тарьсан бол Улаанбаатар хотын цагдаагийн газрын харьяа хэлтэс, төвийн
албан хаагчид “Туул” голын ай савыг цэвэрлэхээр болжээ. Албан хаагчид энэ сарын
27-нд “Цэвэр агаар-Цэнгэг ус” уриан дор нэгдэж энэхүү ажлаа явуулах
юм байна.