Уушгины хорт хавдрын анхны вакциныг олон улсын эмнэл зүйн туршилтад гаргасныг “Guardian” сонинд мэдээлжээ.
“BNT116” хэмээн нэрлэсэн вакцины эмнэл зүйн туршилтын эхний үе шат Их Британи, АНУ, Герман, Унгар, Польш, Испани, Турк гэсэн долоон улсад байрлах 34 судалгааны төвд эхэлсэн байна.
Эмнэлзүйн туршилтад жижиг эсийн бус уушгины хорт хавдартай 130 орчим өвчтөн хамрагдах ба тэдэнд нэг жилийн хугацаанд туршилт хийх аж.
“KOREA WEEK 2024” арга хэмжээний хөтөлбөрийг хүргэж байна.
Нийслэлийн удирдах ажилтнуудын шуурхай зөвлөгөөнөөр төр, хувийн хэвшлийн түншлэлийн хүрээнд хийж буй ажлууд, камерын нэгдсэн системийн ажлын явц, баригдаж дуусаагүй байгаа сургууль, цэцэрлэгийн асуудлын талаар хэлэлцлээ.
Төр, хувийн хэвшлийн түншлэлээр 14 салбарт 37 байгууллагын 180 төсөл хэрэгжүүлэх санал ирүүлсэн. Ирүүлсэн төсөлтэй танилцаж, 5 салбарт найман байгууллагын 18 төсөл, арга хэмжээг хэрэгжүүлэхээр төлөвлөөд байна. Тухайлбал, Улаанбаатар хотын ачаа тээврийн нэгдсэн логистик төв байгуулах, Улаанбаатар хотын такси үйлчилгээг сайжруулах төсөл, хог хаягдлын менежментийг сайжруулах зэрэг төслүүдийг хэрэгжүүлнэ. Харин төр, хувийн хэвшлийн түншлэлээр ангилан ялгасан дахивруудыг ашиглах үйлдвэр байгуулах, хүнсний хог дахин боловсруулах үйлдвэр байгуулах, хүнс хангамжийн зориулалтаар томоохон агуулах барих төслийг хэрэгжүүлж байна. Ирэх онд үнс цуглуулах, боловсруулах үйлдвэр байгуулах, “Асгат” ОНӨААТҮГ-ын сургууль, цэцэрлэгийн хүнсний хангамжийн агуулахын барилга угсралтын ажил, “Хүнс хангамж төв” ОНӨААТҮГ”-ын оффисын барилга угсралтын ажил төсөл арга хэмжээг хэрэгжүүлэхээр төлөвлөөд байгааг Зөвлөгөөний эхэнд Улаанбаатар хотын хөгжлийн корпораци ХК-ийн гүйцэтгэх захирал Н.Дашдэмбэрэл хэллээ.
“Хот төлөвлөлт, судалгааны институт” ОНӨААТҮГ-ын дарга Р.Амартүвшин “Энэ жил нийслэлийн зургаан байршилд 85.2 км нийтийн эзэмшлийн явган хүний зам талбайн тохижилтын ажлыг гүйцэтгэж байна. Тодруулбал, Энхтайваны өргөн чөлөө 11.8 км, Их тойруугийн гудамж 5.4 км, Бага тойруугийн гудамж 2.6 км, Олимпын гудамж, Их Монгол улсын гудамж 4 км, Чингисийн өргөн чөлөө 4.6 км, Д.Сүхбаатарын талбай орчим 1.4 км тохижилтын ажлыг гүйцэтгэж байна. Нийтийн эзэмшлийн явган хүний зам талбайн тохижилтын ажлыг гүйцэтгэхдээ ус хангамж, ариутгах татуургын шугам сүлжээ, дулааны худгийн таг, цахилгааны шон зэргийг засварлаж шинэчилсэн. Улаанбаатар хотын ерөнхий менежерийн тушаалаар 24 байршилд үерийн хамгаалалтын барилга байгууламжийн ажлын зураг төслийг боловсруулж ажиллаж байна” гэв.
Энэ үеэр нийслэлийн Засаг дарга бөгөөд Улаанбаатар хотын Захирагч Х.Нямбаатар “Бид өнгөрсөн хугацаанд борооны ус зайлуулах хоолойг засварлаж, шинэчлэх ажлыг эрчимтэй зохион байгуулсан. Цаашид хөрсний усыг соруулах, шавхах ажилд судалгаа хийж тодорхой үе шаттай арга хэмжээг зохион байгуулах шаардлага байна. Хөрсний усны асуудлаас болж зарим аж ахуйн нэгж байгууллагууд барилга байгууламжаа эхлүүлж чадахгүй асуудлууд байна. Үүнээс гадна зарим барилгын компаниуд хөрсний усаа борооны ус зайлуулах хоолой руу шавхаж, хоолойг эвдэж буй зөрчлийг ч гаргаж байна. Тиймээс Геодези, Усны барилга байгууламжийн газар ОНӨААТҮГ, УСУГ, УБЗАА, нийслэлийн Замын хөгжлийн газар, нийслэлийн Зураг төслийн хүрээлэн ОНӨҮГ, нийслэлийн Бодлогын судалгаа, шинжилгээний төв зэрэг байгууллагын төлөөллийг оролцуулсан хамтарсан ажлын хэсэг байгуулж хөрсний ус зайлуулах ажлыг зохион байгуулна” гэв.
Ажлын хэсгийг Улаанбаатар хотын Ерөнхий менежер Ц.Төрхүү ахалж, Нарийн бичгийн даргаар нийслэлийн Засаг дарга бөгөөд Улаанбаатар хотын захирагчийн хот байгуулалт, газрын харилцааны асуудал хариуцсан зөвлөх Г.Батзориг ажиллахаар болсон юм.
Шуурхай зөвлөгөөний үеэр нийслэлийн Засаг дарга бөгөөд Улаанбаатар хотын Захирагч Х.Нямбаатар хичээлийн шинэ жил эхэлж байгаатай холбогдуулан хоол, хүнсний, бараа бүтээгдэхүүний чанар, эрүүл ахуйн шаардлага, стандартыг мөрдүүлж, аюулгүй байдлыг хангуулах, ерөнхий боловсролын сургуулийн орчинд сурагчид гэмт хэрэг, хэв журмын зөрчил болон зам, тээврийн ослоос урьдчилан сэргийлэх, хөдөлгөөний аюулгүй байдлыг хангуулж ажиллах, борооны улмаас эвдэрч гэмтсэн авто зам, гудамж, талбай, ногоон байгууламжийг сэргээн засварлахыг холбогдох албаныханд үүрэг болголоо.
Хэнтий аймгийн Биндэр сумын Онон багийн “Онон голын баруун салаа” гэдэг газар сумын төвөөс зүүн зүгт 20 км-т бага насны хүүхэд “Онон” голын усанд тоглож байгаад живсэн тухай дуудлагыг онцгой байдлын байгууллага энэ сарын 26-ны өдрийн 16:00 цагт хүлээн авсан байна.
Тус аймгийн Онцгой байдлын газрын Баян-Адарга сум дахь Эрэн хайх, аврах бүлгийн алба хаагчид 5 настай, эрэгтэй Д-г эрэн хайх ажиллагааг зохион байгуулж байна.
“Эрдэнэс Тавантолгой” ХК дотоодын зах зээлд гаргасан ЭТТ бондын “ТРАНЧ-2”-ийн төлбөрийг хүүгийн хамт өөрийн эх үүсвэрээр бүрэн төлж барагдууллаа
“Эрдэнэс Тавантолгой” ХК-ийн дотоодын зах зээлд 3 жилийн хугацаатай гаргасан ЭТТ бондын “ТРАНЧ-2”-ийн үндсэн төлбөр 164.5 тэрбум төгрөг, хүүгийн төлбөр болох 8.2 тэрбум төгрөгийн хамт өөрийн эх үүсвэрээр бүрэн төлж барагдууллаа.
ЭТТ бондын “ТРАНЧ-2”-ийн арилжааг 2021 оны 08 сарын 25-ны өдөр амжилттай зохион байгуулж 258 иргэн, 5 аж ахуйн нэгж оролцож нийт 263 хөрөнгө оруулагчдаас төгрөгийн бондоор 164.47 тэрбум төгрөг татан төвлөрүүлсэн.
Дотоодын зах зээлд нээлттэй арилжсан 1,644,711 ширхэг төгрөгийн бондыг дахин санхүүжилт хийхгүйгээр компанийн өөрийн эх үүсвэрээр хугацаанд төлж барагдууллаа.
Наймдугаар сарын 27-ны өдрийн байдлаар Алтай нуруунаас эхтэй Ховд, Буянт, Чигэртэй, Турган, Хэнтий нурууны баруун хажуугийн Хараа, Их Хянганы нуруунаас усжих Халх зэрэг голуудын усны түвшин өмнөх өдрөөс 5-10 см нэмэгдсэн байна.
Хэрлэн /Мөнгөнморьт/, Улз / Дашбалбар/, Хурх, Халх /Ялалт баг/, Буянт, Хархираа зэрэг голууд үерийн түвшинг 5-25 см, Туул /Лүн/, Орхон /Орхонтуул/, Балж, Онон, Хэрлэн /Өндөрхаан, Чойбалсан/ зэрэг голууд үерийн аюултай түвшинг 10-70 см даван хүчтэй үерлэсэн хэвээр байна.
Иймд дээрх голуудын сав дагуу суурьшиж, нутаглаж буй малчид, аялж амарч, зугаалж буй ард иргэдийг үер усны аюулаас болгоомжтой байхыг онцгойлон анхааруулж байна.
Цаг уурын байгууллагын ирүүлсэн мэдээгээр ирэх есдүгээр сард агаарын дундаж температур нутгийн баруун хагаст олон жилийн дунджаас дулаан, бусад нутгаар дунджийн орчим байх бол хур тунадас төвийн аймгуудын нутгаар дунджаас ахиу, бусад нутгаар дунджийн орчим байх төлөвтэй байна.
Сарын эхээр нутгийн баруун хэсгээр, 2-3 нд баруун аймгуудын нутаг, төвийн аймгуудын нутгийн баруун хэсгээр, 3-4 нд төв болон зүүн аймгуудын нутгаар бороо, уулархаг нутгаар хур тунадас орж, агаарын температур сэрүүсч, тариалан бүхий нутгуудаар хөрсөн дээр цочир хүйтэрч болзошгүй байна.
Баруун аймгуудын нутгаар. Энэ сард агаарын дундаж температур нийт нутгаар олон жилийн дунджаас дулаан хур тунадас Завханы ихэнх, Баянхонгорын хойд хэсгээр олон жилийн дунджаас ахиу, бусад нутгаар дунджийн орчим байх төлөвтэй байна.
Сарын эхээр нутгийн баруун хэсгээр, 2-3 нд ихэнх нутгаар бороо, уулархаг нутгаар хур тунадас орж, салхи ширүүсч, хүйтрэх төлөвтэй байна. Цаашдаа хоёрдугаар арав хоногийн дунд болон сүүлч үеүдэд зарим газраар бороо, уулархаг нутгаар хур тунадас орно. Салхи ихэнх хугацаанд 5-10 м/с, зарим үед түр зуур 12-18 м/с хүрч ширүүснэ. Агаарын дундаж температур нэгдүгээр арав хоногийн эхэн болон дунд үе, гуравдугаар арав хоногийн сүүлчээр ихэнх нутгаар олон жилийн дунджаас 1-3°С-аар хүйтэн байх бол хоёрдугаар арав хоногийн ихэнх хугацаанд болон гуравдугаар арав хоногийн эхээр ихэнх нутгаар олон жилийн дунджаас 1-3°С-аар дулаан байх төлөвтэй байна.
Төвийн аймгуудын нутгаар. Энэ сард агаарын дундаж температур ихэнх нутгаар олон жилийн дунджийн орчим, харин Хөвсгөл, Архангайн баруун, Өвөрхангайн баруун өмнөд хэсгээр олон жилийн дунджаас дулаан, хур тунадас нийт нутгаар олон жилийн дунджаас ахиу орох төлөвтэй байна.
Нэгдүгээр арав хоногийн дунд үеэр ихэнх нутгаар бороо, Хөвсгөлийн уулсаар хур тунадас орж, агаарын температур сэрүүсч, газар тариалан бүхий нутгуудаар хөрсөн дээр цочир хүйтэрч болзошгүй байна. Цаашдаа нэгдүгээр арав хоногийн сүүлч, хоёрдугаар арав хоногийн дунд үеэр зарим газраар бороо, уулархаг нутгаар хур тунадас орно. Агаарын дундаж температур нэгдүгээр арав хоногийн эхэн болон дунд үе, хоёр болон гуравдугаар арав хоногийн сүүлчээр ихэнх нутгаар олон жилийн дунджаас 1-3°С-аар хүйтэн байх бол бусад хугацаанд дунджийн орчим болон дунджаас 1-3°С-аар дулаан байх төлөвтэй байна.
Зүүн аймгуудын нутгаар. Энэ сард агаарын дундаж температур болон хур тунадас нийт нутгаар олон жилийн дунджийн орчим байх төлөвтэй байна. Нэгдүгээр арав хоногийн дунд болон сүүлч, хоёрдугаар арав хоногийн дунд үеэр ихэнх нутгаар бороо, зарим газраар хур тунадас орж, салхи ихэнх хугацаанд 5-10 м/с, зарим үед түр зуур 12-18 м/с хүрч ширүүсэх төлөвтэй байна. Агаарын дундаж температур нэгдүгээр арав хоногийн сүүлч, гуравдугаар арав хоногийн эхээр ихэнх нутгаар олон жилийн дунджаас 1-3°С-аар хүйтэн байх бол бусад хугацаанд дунджийн орчим болон дунджаас 1-3°С-аар дулаан байх төлөвтэй байна.
Говийн аймгуудын нутгаар. Энэ сард агаарын дундаж температур Өмнөговийн баруун хэсгээр олон жилийн дунджаас дулаан, бусад нутгаар дунджийн орчим, хур тунадас нийт нутгаар олон жилийн дунджийн орчим байх төлөвтэй байна.
Нэгдүгээр арав хоногийн дунд болон сүүлч, хоёрдугаар арав хоногийн эхээр зарим газраар бороо орно. Салхи ихэнх хугацаанд 5-10 м/с, зарим үед түр зуур 12-18 м/с хүрч ширүүсэх төлөвтэй байна. Агаарын дундаж температур нэгдүгээр арав хоногийн дунд, гуравдугаар арав хоногийн эхэн болон сүүлч үеүдэд ихэнх нутгаар олон жилийн дунджаас 1-3°С-аар хүйтэн, бусад хугацаанд олон жилийн дунжийн орчим болон дунджаас бага зэрэг дулаан байна.
Эх сурвалж: ЦУОШГ
Украины зэвсэгт хүчний агаарын цэргийн хүчин өөрийн Telegram сувагтаа Курск муж дахь Оросын бэхлэлт рүү Америкийн “GBU-39” бөмбөгөөр цохилт өгч байгааг харуулсан видео нийтэлж “Оросын цэргийн удирдлагын төв, дроны удирдлага, цахим байлдааны техник хэрэгсэл, зэр зэвсэг болон 40 орчим орос цэргийн албан хаагчийг устгав” гэж мэдээлжээ. Уг цохилтод ашигласан америкийн “GBU-39” залуурт бөмбөг нь 100 кг-аас дээш жинтэй, 110 км-ийн зайнаас цохилт өгдөг бөмбөг юм. Хамгийн гол нь Америкийн “GBU-39” залуурт бөмбөгөөр цохилт өгч эхэлсэн нь Украины армийн нисэх хүчин Оросын пуужин, дроноос хамгаалахаас гадна фронтод цохилт өгөх боломжтой, олон тооны “F-16” онгоцтой болсон гэсэн үг юм.
Мөн Цагаан ордон татвар төлөгчид болох өөрийн сонгогчдын өмнө тэдний мөнгийг Украинд дэмий өгөөгүй гэдгээ харуулахын тулд ирэх сарын дунд гэхэд Путиныг суудлаас нь буулгаж Украины дайныг дуусгах шаадлага үүсээд байгаа билээ. Үүнийг шийдэх гол түлхүүр нь “F-16” онгоцны тоо, ялангуяа зэвсэглэл гэдгийг цэргийн шинжээчид онцолж байна. Иймээс НАТО-гийн тэтгэвэрт гарсан нисэгчдийг Украинд хөлсөөр байлдуулах тухай яригдаж эхлэв.
НАТО-гийн нисэх хүчин Оросоос ялгаатай нь орчин үеийн техник, технологи ашиглан “Түрүүлж илрүүлж, урьтаж сөнөөх” гэсэн зарчмаар ажилладаг. Иймээс НАТО-гийн нисэх хүчинд Афганистан, Сирийн дайнд Оросын байлдааны онгоцуудыг устгасан туршлага байгаа. Энэ нь НАТО-гийн тэтгэвэрт гараагүй нисэгчид ч бодит байлдааны туршлагатай болох гэж Украины дайнд оролцох өндөр магадлалтай гэсэн үг юм. Бас НАТО-гийн нисгэгчид дайнд оролцоно гэдэг нь Украины талд байлдах “F-16” онгоцууд хамгийн орчин үеийн бөмбөг, пуужингуудаар Оросын талд цохилт өгч, цоо шинийг нь байлдааны нөхцөлд туршина гэсэн үг.
Тухайлбал, Politico цахим хуудсандаа нэрээ нууцлахыг хүссэн эх сурвалжаас иш татан АНУ-ын ерөнхийлөгчийн засаг захиргаа Украинд алсын тусгалтай “Агаар-газар” ангиллын “JASSM” далавчит пуужин нийлүүлэх асуудлыг “нээлттэй” хэлэлцэж байна” гэж мэдээлжээ. Уг эх сурвалж “Politico”-д “Украин руу ямар пуужингууд илгээх тухай эцсийн шийдвэр гараагүй байгаа ч Цагаан ордон энэ асуудлаар одоо цэвэр нарийн ширийн зүйлийг хэлэлцэж байна. Тодруулбал, цэргийн нууц технологи алдагдах эсэх, Украины “F-16” нисэх онгоцнуудыг 454 кг байлдааны цэнэгт хошуутай 1088 кг жинтэй пуужингаар хэрхэн хангах вэ гэх мэт нарийн ширийн зүйлсийг ярилцаж байна” гэжээ.
Украинд АНУ, Их Британи, Франц улсууд агаар болон газар дээрээс хөөрдөг 300 км-ийн зайд цохилт өгөх боломжтой далавчит пуужингуудыг нийлүүлээд байгаа билээ. Мөн АНУ болон түүний холбоотнууд Украинд өгсөн “F-16” онгоцонд зориулан агаар-агаар, агаар-газар ангиллын янз бүрийн пуужин нийлүүлж байгаа ч Киевийн ялалтанд “хамгийн их ач холбогдол”-той нь яах аргагүй өнөөгийн цэргийн зэвсэглэлд байгаа хамгийн хүчирхэг, алсын тусгалын зэвсэг болох “JASSM” далавчит пуужин юм.
Politico “Пентагон “JASSM” пуужингуудыг Украинд шилжүүлэхийг одоогоор албан ёсоор баталгаажуулаагүй байна” гэж мэдээлсэн бол АНУ-ын Батлан хамгаалах яамны хэвлэлийн төлөөлөгч Жефф Жаргенсен “Бид Украины аюулгүй байдлын тусламжийн шаардлагыг хангах хэд хэдэн хувилбарыг авч үзэж байгаа ч одоогоор өгөх тодорхой мэдээлэл бидэнд алга байна” гэжээ. Мөн уг пуужинг үйлдвэрлэгч “Lockheed Martin” компани “JASSM” пуужинийн тусгал нь 926 км-ээс даван өндөр нарийвчлалтайгаар байндаа тусаж, 450 кг жинтэй байлдааны хошуугаар цохилт өгдөг. Түүний тусгал нь Украины өмнө нь авч байсан “Storm Shadow” болон “SCALP” гэх мэт далавчит пуужингуудаас хэд дахин их” гэж мэдээлсэн байна, Пентагон 7200 “JASSM” пуужингийн нөөцтэй бөгөөд “Lockheed Martin” уг пуужингийнхаа үйлдвэрлэлийг ихээхэн нэмэгдүүлж эхэлсэн байна. Мөн Politico “JASSM”-ийг Украинд шилжүүлэхийг Конгрессын нэлээд олон хууль тогтоогчид дэмжиж байна” гэж онцолжээ.
Энэ бүхэн Украины дайны агаарт “F-16” онгоцнууд удахгүй бүрэн ноёрхож магадгүй болсныг баталж байна.
Нийслэлийн хэмжээнд нийтийн тээврийн үйлчилгээнд ажлын өдрүүдэд 1100 автобус, амралтын өдрүүдэд 887 автобус үйлчилгээнд гарч байна.
Харин хичээлийн шинэ жил эхлэх гэж буйтай холбогдуулан нийслэлийн хэмжээнд төрийн өмчийн 72 сургуульд 75 автобус, төрийн бус өмчийн сургуулиудын 140 автобус нийт 215 автобус сурагчдад үйлчлэхээр бэлтгэл ажлыг хангаж байна.
Дээрх төрийн өмчийн сургуулиудын автобуснууд өнгөрсөн онд давхардсан тоогоор 520 гаруй мянган хүүхдийг тээвэрлэсэн гэсэн мэдээлэл бий. Түүнчлэн нийтийн тээврийн салбарын цогц шинэчлэлийн хүрээнд автобусаар зорчихдоо зөвхөн автобусны зориулалтын картаар төлбөр төлөх бус NFC дэмжигч карт болон банкны бүх төрлийн энгийн картаар төлбөр төлөх нөхцөлийг бүрдүүлээд байна.
Монгол Улс 2024 оны эхний 8 сард 2.8 сая ам долларын үнийн дүнтэй 10.6 сая ширхэг сурагчийн дэвтэр импортолжээ.
Үүний 50.3 хувийг БНХАУ, 34.3 хувийг Малайз улсаас импортолсон байна.
