Categories
мэдээ нийгэм

Ч.Уртнасан: Менингитийг үүсгэгч нян хоолойн орчимд 2-8 хоног байдаг DNN.mn

Мнингококкт халдварын талаар ХӨСҮТ-ийн томуугын албаны тархвар судлаач Ч.Уртнасан мэдээлэл өглөө.

ХӨСҮТ-ийн томуугын албаны тархвар судлаач Ч.Уртнасан “Менингитийг үүсгэгч нян хоолойн орчимд 2-8 хоног байдаг. Мөн насанд хүрэгчдийн 15 хувь нь менингитийн эрүүл нян тээгчид байдаг. Өөрсдөд нь шинж тэмдэг илрэхгүй, өвчлөл илрэхгүй атлаа гадагшаа нян тарааж байдаг. Иймд урьдчилан сэргийлэх хамгийн сайн арга бол хоолой зайлах.

Эрүүл нян тээгчийг илрүүлэх хэцүү. Хүйтэн юм уухад хоолой нь сэрвэгнэж, тороод байна гэдэг хүмүүс бий. Тэр хүмүүс нян тээгч байх магадлал өндөр” гэлээ.

Categories
мэдээ нийгэм

Дамжин суултын талаар асуусан зорчигчийг загнасан жолоочийг 25 мянгаар торгожээ DNN.mn

Нийтийн тээврийн бодлогын газарт Баянзүрх дүүргийн иргэн Н.М-ээс нэгэн гомдол иржээ. Тодруулбал “Зорчигч тээвэр-4” ОНӨААТҮГ-ын 15-093 гарааш дугаартай автобусны жолооч Ч:24Б “Нисэх-ТЭЦ-4 3,4-р хороолол-Гандан” чиглэлд ажиллахдаа дамжин суултын талаар асуусан чинь “Би яаж мэддэг юм Х.Нямбаатараасаа асуу” гээд зүй бус үг хэллэгээр маш их доромжилсон. Арга хэмжээ авч өгнө үү” гэжээ.

Гомдлын дагуу “Зорчигч тээвэр дөрөв” ОНӨААТҮГ-ын 15-093 гарааш дугаартай тээврийн хэрэгслийн жолооч Ц.Б-ыг шалгаж, гаргасан зөрчилд нь Зөрчлийн тухай хуулийн 14.6 дугаар зүйлийн 9 дэх хэсэгт заасныг үндэслэн 25 нэгжтэй тэнцэх хэмжээний төгрөгөөр торгох шийтгэл оногдуулсан байна.

Categories
мэдээ цаг-үе эдийн-засаг

Үхрийн мах нэг килограмм нь дунджаар 22223 төгрөгийн үнэтэй байна DNN.mn

Нийслэлийн статистикийн хорооноос 2025 оны 02 дугаар сарын 03-ны өдрийн байдлаарх махны үнийн мэдээллийг хүргэлээ.

Хоёрдугаар сарын 03-ны өдрийн байдлаар хонины ястай мах нэг килограмм нь дунджаар 16153 төгрөг, үхрийн ястай мах нэг килограмм нь дунджаар 19450 төгрөгийн үнэтэй тус тус худалдаалагдаж байна.

Өмнөх долоо хоногтой харьцуулахад үхрийн ястай махны үнэ 1.2 хувиар өсөж 19450 төгрөг, үхрийн цул махны үнэ 1.6 хувиар өсөж 22223 төгрөгийн дундаж үнэтэй байна.

Categories
мэдээ нийгэм цаг-үе

Өвөл, хаврын уралдаанд 18 нас хүрээгүй хүүхдээр хурдан морь унуулахыг хориглов DNN.mn

 Засгийн газрын 2025 оны нэгдүгээр сарын 29-ний хуралдаанаар хэлэлцсэн өвөл, хаврын хурдан морины уралдааныг нээх эсэх асуудлаарх Засгийн газрын 41 дүгээр тогтоол албажив.

Тогтоолын хоёр дахь заалтад “Хүүхдийн эрхийн зөрчлөөс урьдчилан сэргийлэх, хүүхдийн хөдөлмөрийн тэвчишгүй хэлбэрийг таслан зогсоох үйл ажиллагааг үр дүнтэй зохион байгуулж, өвөл, хаврын улиралд зохион байгуулах хурдан морины уралдаан, сунгаа, үсэргээнд 18 нас хүртэлх хүүхдийг аливаа хэлбэрээр оролцуулахгүй байхад хяналт тавьж ажиллахыг бүх шатны Засаг дарга, Цагдаагийн ерөнхий газар, Хүүхэд, гэр бүлийн хөгжил, хамгааллын ерөнхий газарт тус тус үүрэг болгосугай” гэж заажээ.

Categories
мэдээ нийгэм нүүр-хуудасны-онцлох онцлох-нийтлэл туслах-ангилал

О.Анхбаяр: Хэн ч өөрийнхөө гэм бурууг өөрөө нотлох үүрэггүй DNN.mn

Монголын өмгөөлөгчдийн холбооны гишүүн, Өмгөөллийн “Эм Жэй Эл Атторнейс” ХХН (MJL Attorneys хуулийн фирм)-ийн партнер, өмгөөлөгч О.Анхбаяртай цагдаагийн байгууллага дахь эрүү шүүлтийн талаар ярилцлаа. Тэрбээр өмгөөлөгчөөр найм дахь жилдээ ажиллаж байгаа бөгөөд түүнээс өмнө 10 жил цагдаагийн байгууллагад мөрдөн байцаагчаар ажиллаж байсан юм.


-Өнгөрсөн жилийн дүн мэдээгээр эрүү шүүлт тулгасан хэргээр хариуцлага хүлээсэн албан тушаалтнуудын дийлэнх хувийг цагдаагийн байгууллагын алба хаагч эзэлсэн гэсэн судалгаа бий. Цагдаа нар ямар байдлаар энэ хэрэгт холбогдож байна вэ?

-Цагдаагийн алба хаагч аливаа хэрэгт сэжиглэгдэж байгаа хүнийг саатуулсан тохиолдолд мэдүүлгээ аваад, үргэлжлүүлж хорих шаардлагатай бол прокурор, шүүхээс зөвшөөрлийг нь гаргуулаад хорих ёстой. Гэтэл цагдаа нар иргэнийг цагдаагийн хэлтэс дээрээ удаан хугацаанд байлгадаг буюу мэдүүлэг авчихаад явуулахгүй байх нь эрүүдэн шүүлтийн хамгийн түгээмэл хэлбэр юм. Дараагийн хэлбэр бол хэргийг нь хүлээлгэх зорилгоор ямар нэгэн байдлаар дарамт шахалт үзүүлэх явдал. Тухайлбал, гар дээр нь суниалгах, цахилгаан бороохойгоор айлгах зэргээр хүч хэрэглэж айдас төрүүлэх зэрэг үйлдэл юм.

-Цагдаагийн байгууллага иргэнээс хэдэн цаг мэдүүлэг авах зохицуулалттай вэ?

-Манай улсын иргэд баривчилгааг кинон дээр гардаг шигээр л төсөөлж, ойлгоод байдаг. Дэлгэрүүлбэл, гарт нь гав зүүгээд, эрхийг нь танилцуулаад, машинд суулгаад явдаг шүү дээ. Гэхдээ Монголд баривчилгаа ингэж явагддаггүй. Монголд асар их баривчилгаа хийгдэж байгаа. Цагдаа нар тухайн иргэний ажил дээр нь юм уу гэрт нь очоод “Амрыг эрье. Би тэр газраас явж байна. Та намайг дагаад яваач” гэхээр иргэд дагаад явчихдаг. Энэ бол баривчилгаа. Гэвч үүнийг иргэд баривчилгаа явагдаж байна гэж мэддэггүй. Иргэнийг зургаан цагаас удаан хугацаагаар хэлтэс дээрээ байлгаж болдоггүй. Нэр, хаяг нь тодорхойгүй хүнийг л зургаан цаг хүртэл хугацаагаар байлгаж болно. Ерөөсөө л цагдаагийн алба хаагч дагаад яв гэсэн цагаас хойш зургаан цаг хүртэл хугацаагаар байлгах боломжтой. Мэдүүлэг авч дууссан мөчөөс эхлэн иргэн тэнд нэг минут ч эрх чөлөөгөө хязгаарлуулаад сууж болохгүй.

-Цагдаа нар иргэнийг эрүүдэн шүүж байгаа эсэхийг хэрхэн мэдэх, хаана хандах талаар мэдээлэл их байдаг. Ер нь энэ талаарх иргэдийн боловсрол хэр байдаг юм бол?

-Энэ талаарх иргэдийн мэдлэг ойлголт маш бага байдаг. Иргэд эрүүдэн шүүлтэд өртөөд байгаагаа ч мэддэггүй. Эрүүдэн шүүлтийн нэг хэлбэр бол өдөр бүр дууддаг байдал. Эрүүгийн хэрэг хянан шийдвэрлэх тухай хуульд зааснаар тухайн хүнийг зөвхөн хэргийн ажиллагаанд оруулах зорилгоор л дуудна гэж заасан байдаг. Тухайлбал, шинжээчийн дүгнэлт танилцуулах, мэдүүлэг авах, үзлэг нэгжлэгт байлцуулах зэрэг зорилгоор л дуудах ёстой. Цагдаа нар тухайн хүнийг өрөөндөө олон цагаар суулгаад байхад л эрүүдэн шүүгдэж байгаагаа мэддэггүй, намайг суулгах л ёстой юм байна гэж бодоод байдаг. Гэтэл бодит байдал дээр тухайн хүний эрх чөлөө нь хязгаарлагдаад, хууль бусаар хоригдож байгаа хэрэг.

-Иргэн буруугүй бол заавал цагдаагийн хэлтэст очиж мэдүүлэг өгөх, шалгуулах шаардлага бий юу. Ер нь цагдаагийн алба хаагч иргэнийг “Буруугүй л юм бол ирээд шалгуулчих л даа” гэдэг зүйл байж болох уу?

-Эрүүгийн хэрэг хянан шийдвэрлэх тухай хуулийн 12 дугаар бүлэгт тэр чигээрээ иргэнийг цагдаагийн байгууллагад ямар тохиолдолд хэрхэн дуудан ирүүлэх, албадан ирүүлэх, эрэн сурвалжлах талаар нэг бүрчлэн заасан байдаг.

Мөрдөгч тухайн иргэн рүү утсаар яриад ир гээд байдаг. Гэтэл Монгол Улсын иргэн цагдаагийн алба хаагчийг утсаар дуудахад нь очих үүрэггүй. Утсаар ярихад нь очихгүй байсны төлөө ямар нэгэн албадлага, хүчирхийллийн шинжтэй хүч хэрэглэсэн үйлдэл гаргах эрх мөрдөгчид байхгүй. Утсаар яриад ирэхгүй байгаа хүнийг прокурорын дуудах хуудсаар дамжуулж дуудна. Тухайн хуудсыг гардуулж өгчихөөд байхад иргэн цагдаагийн байгууллага руу очихгүй байвал албадан ирүүлэх нөхцөл үүсч шүүгч албадан ирүүлэх захирамж гаргана. Энэ тохиолдолд иргэнийг байгаа газраас нь эсэргүүцэл үзүүлсэн ч эсэргүүцлийг нь нухчин дараад цагдаагийн хэлтэст авч ирэх эрх үүснэ. Эрүүгийн хэрэг шалгах процессын үед иргэн хүнд ямар ч эрх байхгүй. Гэтэл хууль хүчний байгууллагад хэргийг илрүүлэх, нотлох маш олон арга хэрэгсэл, хүч техник байдаг. Тийм ч учраас хууль хүчний байгууллагын алба хаагчид өөртөө оногдсон давуу эрхээ ашиглан иргэний гэм буруутай эсэхийг нотлох ёстой болохоос буруугүй юм бол ирээд шалгуулчих гэдэг бол Үндсэн хуулийн хэмжээний зөрчил. Яагаад гэвэл манай улсын хуульд хэн ч өөрийнхөө гэм бурууг өөрөө нотлох үүрэггүй гэж заасан байдаг.

-Хэрэв цагдаагийн алба хаагч иргэнийг эрүүдэн шүүсэн бол хаана хандах ёстой вэ?

-АТГ авлигын хэрэг шалгахаас гадна эрүүдэн шүүлт гэх мэтчилэн цагдаагийн алба хаагчид холбоотой хэргүүдийг шалгаж байгаа. Эрүү шүүлтийн талаар АТГ-ын 110 дугаарын тусгай утас руу залгаж мэдээлэл өгөх боломжтой.

-Иргэн хууль хяналтын байгууллагад тайлбар, мэдүүлэг өгөхөөс татгалзах эрхтэй юу?

-Эрхтэй. Хэрэв мэдүүлэг авах явцад иргэнийг гэмт хэрэгт холбогдуулсан байдалтай асуулт асуугаад эхэлбэл шууд мэдүүлгийн үйл ажиллагааг зогсоогоод юу ч ярихгүй байх, өмгөөлөгч авах эрх иргэнд нээлттэй. Харин иргэн гэрчийн мэдүүлэг өгөхөөс татгалзах эрхгүй. Хэрэв гэрч мэдүүлэг өгөхөөс татгалзвал өөрт нь эрүүгийн хэрэг үүснэ.

-Хуульч, өмгөөлөгчгүйгээр байцаалт өгөх нь иргэнд ямар эрсдэл дагуулж болох вэ?

-Иргэний хамгийн эхний мэдүүлэг нь үнэнд ойрхон байх өндөр магадлалтай байдаг. Тиймээс эхний мэдүүлэг маш чухал ач холбогдолтой. Тэр мэдүүлгийг үнэн зөв гэдэгт илүү итгэдэг. Хэрэв таныг ямар нэгэн байдлаар АТГ, ТЕГ, ЦЕГ-ын мөрдөгч дуудсан бол өмгөөлөгч авах нь зүйтэй. Өмгөөлөгчид үйлчлүүлэгчдээ тэдний эрх зүйн байдлыг нь дээрдүүлэх чиглэлээр зөвлөгөө өгч ажилладаг. Наад зах нь байцаагч нар мэдүүлэг авч байгаа хүндээ мэдүүлэг өгөхдөө ямар эрх эдлэх ёстой талаар нь тухайн иргэнд дутуу дулимаг тайлбарлах тохиолдол байдаг. Манай улсын мөрдөн шалгах процесс мэдүүлгийг тахин шүтэж, мэдүүлгээр хэргийн үнэн мөнийг нотлох гэж оролддог арга хэрэгсэлтэй. Энэ бол сүүлийн 70 жилийн хугацаанд тогтчихсон арга барил. Өөр бусад нотолгооны арга хэрэгсэл байгаа боловч одоог хүртэл мэдүүлгийг чухалчилж үзсээр байгаа.

-Олон улсад мэдүүлэг авах ямар сайн жишиг байдаг юм бол?

-Би БНСУ-ын Сөүл хотын төв цагдаагийн газрын мөрдөгчийн хичээлд сууж байсан. Солонгост мэдүүлэг төдийлөн чухал биш. Харин хэргийн газрын үзлэг, биологийн дээж, шинжилгээнд маш их анхаардаг. Манай улсын цагдаагийн хэлтсүүд мэдүүлэг авах тусгай өрөөтэй болж, хяналтын камер тавьж эхэлж байна. Гэхдээ хяналтын камерууд нь ажиллахгүй байна. Мөн өрөөний хүрэлцээ муутай. Харин ТЕГ болон АТГ хангалт сайтай учраас мэдүүлэг авах өрөөгөө бүрэн тоноглочихсон байдаг. Гэхдээ хяналтын камерыг унтрааж байгаад иргэдтэй зүй бус харьцдаг явдал байсаар л байна. Зарим цагдаагийн хэлтэс 20 мөрдөгчтэй, гурван мэдүүлгийн өрөөтэй байх жишээтэй. Энэ байдлаас үүдээд байцаагч нар өөрсдийн албан өрөө тасалгаандаа мэдүүлэг авахаас өөр замгүй болж байгаа юм.

-Иргэнийг эрүүдэн шүүсэн хүнд ямар хариуцлага тооцдог юм бол?

-Энэ хэргийг үйлдсэн этгээдийг Монгол Улсын Эрүүгийн хуулийн 21.12 дугаар зүйл болох Эрүү шүүлт тулгах гэсэн зүйл ангиар шийтгэдэг. Төрийн албан хаагч иргэнд эрүү шүүлт тулгасан бол 5.4 сая төгрөгөөс 27 сая хүртэлх төгрөгөөр торгоно. Эсхүл нэг жилээс таван жил хүртэлх хугацаагаар хорих ялаар шийтгэдэг зохицуулалттай. Шүүх байгууллага хэргийн байдлыг харгалзан үзсэний эцэст торгох уу, хорих уу гэдгийг шийддэг.

Ө.Анхзаяа

Categories
гадаад мэдээ

Владимир Зеленский: Би өнгөрсөн есдүгээр сард ерөнхийлөгч Трамптай уулзах үеэрээ энэ асуудлыг хэлэлцсэн DNN.mn

Хэвлэлийн бага хурлын үеэр сэтгүүлчид “Ерөнхийлөгч Дональд Трамп цэргийн тусламжийн хариуд Украины газрын ховор металлыг авах хүсэлтэй байна” гэж хэлсэн талаар тайлбар хийхийг хүсэхэд Украины ерөнхийлөгч Владимир Зеленский “Энэ үнэхээр бодит зүйл. Бидний дэвшүүлсэн Ялалтын төлөвлөгөөнд байгаа эдийн засгийн чухал нэг заалт нь “Украины ашигт малтмалын нөөцөд хөрөнгө оруулалт хийх явдал” гэсэн байгаа.

Би өнгөрсөн есдүгээр сард ерөнхийлөгч Трамптай уулзах үеэрээ энэ асуудлыг хэлэлцсэн. Манай улс ашигт малтмалын арвин их нөөцтэй. Манай хамтрагчид үүнд хөрөнгө оруулалт хийх бүрэн боломжтой. Украины их хэмжээний ашигт малтмалын нөөц 2014 оноос хойш Оросын эзэлсэн нутаг дэвсгэрт оршиж байна. Иймээс бид газар нутгаа хамгаалж, дайснаас зэвсгийн хүчээр чөлөөлөх ёстой. Үүнд манай түншүүдийн тусламж бас хориг арга хэмжээ их тус болно. Өнөөдөр АНУ ын шинэ засаг захиргаатай Украины тал байнгын холбоо харилцаатай, хамтран ажиллаж байгаа” гэжээ. Үнэхээр ч АНУд суугаа Украины Элчин сайд Оксана Маркарова саяхан “Украины элчин сайдын яам Зеленский, Трамп нарын багуудын хооронд хэд хэдэн уулзалт зохион байгуулж, хамтран оролцсон. Украин улс АНУтай бусад орнуудаас илүү олон удаа харилцаж, нэгдсэн ойлголтод хүрч байгаа” гэж мэдэгдсэн. Украин улс скандий, иттрий, лантан зэрэг 17 газрын ховор элементийн арвин их нөөцтэй бөгөөд өнөөдөр тус улс уран, лити, титан их хэмжээгээр үйлдвэрлэн Владимир Зеленский: Би өнгөрсөн есдүгээр сард ерөнхийлөгч Трамптай уулзах үеэрээ энэ асуудлыг хэлэлцсэн гаргаж байгаа юм. АНУ Украины газрын ховор металлыг хамтран олзворлох гэрээ байгуулбал Европын Холбооны орчин үеийн технологийн үйлдвэрлэлийг хянах боломжтой болно, харин Украин Оросын армийг бут цохих боломжтой болно. Учир нь Украины арми өгснийг нь бус хэрэгтэй байгаа зэвсгээ хангалттай хэмжээгээр АНУаас авдаг болно. Мөн энэ үеэр АНУын Төрийн нарийн бичгийн дарга Марко Рубио Панам улсад очиж хэлэлцээ хийсний дараа тус улсын ерөнхийлөгч Хосе Раул Мулино сэтгүүлчдэд “Би нэгэн чухал шийдвэр гаргалаа. Манай Засгийн газар Хятад улстай хийсэн “Бүс ба зам” санаачилгын 2017 оны санамж бичгийг сунгахгүй. Энэ үнэн. Бид энэ төслийг хугацаанаас нь өмнө дуусгах боломжийг судлах болно” гэж мэдэгдсэн билээ. Үүний цаад учир ийм юм. Дэлхийн I, II дайнд америкчууд англичуудыг ялахад гол үүрэг гүйцэтгэж үр дүнд нь АНУ хүчирхэгжсэн учир Их Британийн мэдэлд байсан дэлхийн худалдааны гол суваг болох далайн зам АНУын мэдэлд очсон. Гэтэл өнөөдөр далайн тээвэр хийж байгаа, өөрийн улсын далбааг мандуулан явж байгаа хөлөг онгоцны жинхэнэ эзэд нь хятад хүн болчихсон билээ. Энэ нь өнөөдөр дэлхийн д а л а й н т э э в р и й н 8 0 хувийг Хятад улс хянаж байна гэсэн үг юм. Иймээс ковид цар тахлын дараа хятадууд тээврийн үнээ нэмснээс дэлхийд бүх өргөн хэрэглээний барааны үнэ огцом өссөн. Ийм учраас л АНУын Төрийн нарийн бичгийн дарга Панам сувагт очиж байгаа юм. Марко Рубио одоо АНУаас Хойд туйлд гарах гол хаалга болох Гринланд арлын асуудлыг шийдэх байх. Дани улсын хувьд АНУ тай сөргөлдөж байснаас Арктикийн мөс хайлснаас бий болсон хамгийн дөт усан замыг Норвеги, Финлянд, Швед, Япон, Канад, АНУ тай хамтран эзэмших нь чухал. Гэтэл НҮБын дүрмээр олон улсынх байх ёстой. Хойд туйлд Оросын цэрэг байршиж, Хятадын нөлөө тогтчихоод байна. Өнөөдөр Орос улсад 34 дизель, долоон цөмийн нийт 41 мөс зүсэгч хөлөг ажиллаж байна. Харин Хятад улс өнгөрсөн онд анх удаа мөс зүсэгч гурван хөлөг нэгэн зэрэг Хойд туйл руу хөдөлгөсөн бөгөөд найман ийм онгоцтой болоод байна. Харин барууны улсуудаас хамгийн олон мөс зүсэгч онгоцтой гэгдэж байгаа АНУд ийм хөлөг онгоц долоо байна. Энэ нь Арктикийн мөс хайлснаас бий болсон хамгийн дөт худалдааны усан замын төлөө НАТО буюу АНУ тэргүүтэй Норвег, Финлянд, Дани, Швед, Канад, Эстони, Герман, Их Британи, Францаас гадна Япон, Өмнөд Солонгос улсууд энгийн иргэдгүй Хойд туйлд Оросын цэрэгтэй тулна гэсэн үг юм. Иймээс л ОХУыг цэргийн хувьд сулруулахын тулд АНУ Украиныг бүрэн зэвсэглэж, Путиныг эдийн засгийн хувьд сулруулахын тулд нефтийн үнийг буулгахаар АНУ ын ерөнхийлөгч Дональд Трамп Саудын Арабын угсаа залгамжлагч хан хүүтэй уулзах гэж байна. Энэ бол ерөнхийлөгч Дональд Трампын санаачилга бус АНУын төрийн гадаад бодлого юм.

 

Бэлтгэсэн Г.АМАРСАНА

Categories
мэдээ нийгэм

Нийтийн тээврийн 1104 автобус иргэдэд үйлчилж байна DNN.mn

2025 оны хоёрдугаар сарын 5-ны өдрийн 09:00 цагийн байдлаар нийтийн тээврийн 1104 автобус иргэдэд үйлчилж байна.

Categories
мэдээ нийгэм цаг-үе

Олон улс болон орон нутгийн зуны нислэгийн хуваарь DNN.mn

Иргэний нисэхийн ерөнхий газар 2025 оны зуны улирлын олон улсын болон орон нутгийн хуваарьт нислэгийн цагийн хуваарийг баталлаа.

Олон улсын нислэг:

Орон нутгийн нислэг:

Categories
мэдээ нийгэм

ЦЕГ: Хоногт 1722 дуудлага бүртгэгджээ DNN.mn

Цагдаагийн байгууллагын 102 тусгай дугаарт 2025 оны хоёрдугаар сарын 5-ны өдөр нийт 1722 дуудлага, мэдээлэл бүртгэгдсэнээс зөрчлийн шинжтэй 1271, гэмт хэргийн шинжтэй 82 дуудлага, мэдээлэл байна.

Мөн гэмт хэргийн шинжтэй 58 үйлдлийг шуурхай илрүүлж, урьд өмнө бүртгэгдсэн 19 хэргийг нөхөн илрүүлжээ.

Categories
мэдээ нийгэм цаг-үе

Өчигдөр Хөшигтийн хөндийн замд нэг дор 6 тээврийн хэрэгсэл мөргөлджээ DNN.mn

Төв аймгийн Сэргэлэн сумын нутаг Хөшигтийн хөндийн нисэх онгоцны буудлаас Улаанбаатар хот чиглэлийн тууш замын 4 дэх км-т цас орж, үзэгдэх орчин хязгаарлагдсаны улмаас өчигдөр 6 тээврийн хэрэгсэл холбогдсон зам тээврийн осол бүртгэгджээ.

Ослын шалтгаан нөхцөлийг тогтоох, хэргийн газрын үзлэг хийх, хамгаалах зорилгоор 14:15 цагаас 16:20 цагийн хооронд замын зорчих хэсгийн хөдөлгөөнийг түр хязгаарлаж, ослын газрын үзлэг хийж, хунгарлаж тогтсон цасыг түрэх, цэвэрлэх ажлыг Чингэлтэй дүүргийн ТҮК гүйцэтгэснээр зорчих хэсгийг хэвийн байдалд оруулж, хөдөлгөөн хэвийн үргэлжилж байна.

Улаанбаатарт цас орж, замын нөхцөл байдал хүндэрё байгаа тул иргэд, жолооч та бүхэн тээврийн хэрэгслийн техникийн бүрэн бүтэн байдлаа хангаж, хурдаа тохируулах, шаардлагагүй бол холын замд зорчихгүй байхыг зөвлөж байна.