Батганаас болж нүүрний арьсанд нүхжилт үүсдэг. Батгыг шахчихаад дараа нь нүхжилтийг агшаах ямар нэгэн арчилгаа хийдэггүйгээс үүдэн нүхжилт томрох нь бий. Нүхжилтийг агшаах олон төрлийн маск байдаг ч гэрийн нөхцөлд хийхэд тохиромжтой нэг аргыг танд санал болгож байна.
Мөс нүүрний нүхийг агшааж толигор болгодог байна.
Нүүрээ цэвэрлэсний дараа хөлдөөсөн мөсөө алчууранд ороож, нүүрээ арчдаг. Энэ аргыг хуурай арьстай хүн бол 7 хоногт 2 удаа, тослог арьстай хүн өнжөөд 1 хийхэд болно. Дараа нь тэжээлийн тос түрхээд 30-40 минутын дараа нүүрнээсээ тосоо арчиж авдаг. Мөсөөр нүүрээ тогтмол арчих нь арьсыг хэт хуурайшуулдаг тул тохируулан хэрэглэхийг зөвлөе.
Мөсийг нүүрний арьсандаа хэрэглэснээр:
-Цусны эргэлтийг сайжруулна
-Нүүрэн дээрх нүхжилтийг багасгадаг
-Тослогийг тэнцвэржүүлж, арьсыг чангална
-Батганаас болж үүссэн улайлтыг багасгаж, нүүрний хаван буулгадаг
-Наранд түлэгдсэн арьсанд тустай
-Унтаад сэрэхэд таны нүд хавдчихсан байдаг уу. Тэгвэл мөс тэр хаванг багасгана
-Өглөө нүүрэндээ мөс тавибал өдөржин таны нүүр сайхан харагдах болно
-Үдээс хойш хэрэглэвэл ядарсан арьсыг тань амрааж, эрүүл сайхан харагдах болно
-Орой үдэшлэгт явахынхаа өмнө хэрэглэвэл таны нүүрний будаг арьсандаа сайн шингэж, олон цаг таны нүүр сайхан харагдах болно
-Унтахынхаа өмнө хэрэглэвэл таны нүүр эрүүл, гялалзсан, сэтгэл татам болох болно.