Монголын үндэсний олимпийн хорооны ээлжит чуулган энэ сарын 30-нд болно. Уг чуулганаар ирэх олимпийн мөчлөгт МҮОХ-г удирдах бүрэлдэхүүн болох ерөнхийлөгч, тэргүүн дэд ерөнхийлөгч, дэд ерөнхийлөгч, гүйцэтгэх зөвлөлийн гишүүд сонгогдоно.
Дээрх албан тушаалуудад Монгол Улсын Ерөнхийлөгч асан Х.Баттулга, МҮОХ-ны дэд ерөнхийлөгч Ч.Наранбаатар, тэргүүн дэд ерөнхийлөгч Б.Баттүшиг нарын зэрэг эрхэм өрсөлдөх магадлалтай байна гэж салбарынхан нь таамаглаж байна.
Мөн Х.Баттулгыг ерөнхийлөгч байхад түүний зөвлөхөөр ажиллаж байсан Э.Мөнх-Очир, Монголд жюү жицүгийн спортыг хөгжүүлэхэд чухал үүрэг гүйцэтгэсэн “Гаруда” акамемийн үүсгэн байгуулагч, дасгалжуулагч О.Болд-Эрдэнэ, воллейболын холбооны генсекээр 22 жил ажиллаж, үүгээрээ ном гаргасан Ц.Бат-Энх нарын нэр ч сонсогдож байна.