Өнгөрсөн шөнө Монгол Улсын 23-с доош насны шигшээ баг Азийн Аварга Шалгаруулах Тэмцээний урьдчилсан шатны эхний тоглолтоо “эйч” хэсгийн тоглолтуудыг зохион байгуулж байгаа Тайландын эсрэг хийлээ. Энэхүү тоглолт хүчтэй аадар борооны улмаас хэсэг хугацаанд саатсан ч “шалбааг” дунд явагдах болсон юм. Тоглолтын 17 дахь минутад Тайландын шигшээ багийн найруулагч тооны харьцааг нээсэн нь “Хөх чононууд”-ыг урагш дайрахаас өөр аргагүйд хүргэсэн юм. Эцэст нь 71 дэх минутад сэлгээгээр талбайд гарсан Мөнхсүлд эцсийн мөчид багтаа торгуулийн цохилт бэлэглэж, энэ боломжийг М.Төгөлдөр алдалгүй ашигласнаар манай улсын баг анхны оноогоо авлаа.
Энэ хэсгийн нөгөө тоглолт Индонез болон Малайзын шигшээ багуудын дунд явагдахад Малайзын шигшээ баг 3:0 харьцаатай ялалт байгуулж энэ хэсгийг тэргүүлэх боллоо.
Манай залуус хэсгийн ээлжит чухал тоглолтоо гурван оноо алдсан Индонезийн эсрэг хийнэ. Азийн Хөлбөмбөгийн Холбооны зүгээс энэ удаагийн урьдчилсан шатанд гялалзаж болох 10 тоглогчийг танилцуулсан бөгөөд энэ жагсаалтанд Индонезийн хагас хамгаалагч Эван Димас бичигдсэн. Түүний хувьд Испаний Эспаньол багийн Б багт тоглодог бөгөөд насанд хүрэгчдийн шигшээ багийнхаа гараанд тогтмол гарч байгаа юм. Харин маргааш манай улсын шигшээ баг Индонезийн багтай тоглоно.
Э.МӨНХ