БНХАУ-ын Юаньнан мужид өнөөдөр нэг цагийн орчимд 5.0 магнитудын газар хөдлөлт болсон талаар “Синьхуа” агентлаг мэдээллээ.
Гэнэтийн байгалийн хүчний уршгаар 24 хүн бэртэж, ойролцоох эмнэлэгт хүргэгджээ. Газар хөдлөлтийн улмаас орон гэрээ алдсан иргэдэд аврагчид хоол хүнс, майхан зэргийг өгөв. Ойролцоогоор 8,000 гаруй байшин газар хөдлөлтөд сүйджээ. Гамшгийн бүсэд 70,000 гаруй оршин суугч байсан бөгөөд 33,000 оршин суугчийг яаралтай нүүлгэн шилжүүлсэн байна.