“Өдрийн сонин”-ы нэгдүгээр нүүрт Гандантэгчинлэн хийдийн хамба Д.Чойжамцын ярилцлага нийтлэгджээ. Тэрбээр “Төгс буянтын зурхай бол монголчуудын ахуй амьдралд зохицсон сарны тоолол, тиймээс цагаан сар хоёрдугаар сарын 27-ндоо болно” хэмээн айлдсан байна.
УИХ-ын гишүүн Б.Жавхангийн ярилцлагыг мөн тэргүүн нүүрээс хүлээн авна уу. Б.Жавхлан гишүүн “Дотоодынхондоо эрсдэл учруулахгүйгээр Хөрөнгө оруулалтын банкны хуулийг батална” гэжээ.
“Улс төр” нүүрт Д.Дамба-Очир гишүүн “Утаатай тэмцэх нэрээр хүний зовлон дээр мөнгө хийх гэсэн бодолтой хүмүүс байна” хэмээн ярьжээ.
“Эхлээд тойрог бүрээ Эрдэнэ вангийн хошуу шиг болгочих” нийтлэлийг хоёрдугаар нүүрээс уншаарай. УИХ-ын төрийн байгуулалтын байнгын хорооны хуралдаанаар “Ерөнхийлөгчийн сонгуулийн тухай хуулийг хэлэлцэхээр болов” сурвалжлагыг “Улс төр” нүүрээс хүлээн авна уу.
“Өдрийн сонин”-ы гуравдугаар нүүрт Генийн өөрчлөлттэй хүнсний тухай Баабар өгүүлжээ.
Монгол банкны ерөнхийлөгч Н.Баяртсайхан “Монгол Улсын эдийн засгийн төлөв эерэг сайн байгаа” тухай дөрөвдүгээр нүүрт ярьсан байна.
Таван толгойн цахилгаан станцын барилгын ажил энэ ондоо багтаж эхлэх тухай сэтгүүлч Ц.Баасансүрэн мэдээлжээ.
Хөдөлмөр нийгмийн хамгааллын дэд сайд С.Мөнгөнчимэг “Хүүхдээ асарч байгаа эцэг эхийн цалинг бүтнээр бодно” хэмээн ярьсан байна. Ханиад томуу ихэссэнтэй холбоотойгоор ийм арга хэмжээ авч байгаа юм.
Харин “Дэлхийн мэдээ” Грекийн Элчин сайдын эхнэр нөхрөө захиалгаар хөнөөсөн мэдээллийг онцолжээ.
“Удам судар” буланд “Сэрэлт” киноны Бумаа буюу жүжигчин Т.Цэвээнжавын хүү Б.Батцэвээн уригдаж ээжийнхээ тухай бага нас, кино урлагийн тухай хуучилсан байна шүү.
П.Бүрэнтөгс, Р.Пүрэвдагвыг дахин амлаж “олныг баясуулагч” хэмээх монгол бөхийн цэнгэл баярыг мэдрүүллээ хэмээн нийтлэлч Н.Гантулга бичсэн байна. Энэ тухай 13 дугаар нүүрээс уншина уу.
Гааль татвар санхүүгийн мэдээлэл, технологийн төвийн Г.Ариунбат “Иргэд нэг мэдээллээ л дутуу оруулбал НӨАТ-ын буцаан олголтыг авч чадахгүй” хэмээн сэрэмжлүүлсэн байна лээ.