МАХН энэ жил Анхдугаар Үндсэн хууль батлагдсаны 90 жилийн ойн хүрээнд хэд хэдэн ажлыг шат дараатай зохион байгуулахаар төлөвлөсөн байна. МАХН-ын төв байранд Алтан ургийн 36, Алтан ургийн бус нэг, нийт 37 хааны хөрөг залах ёслолын арга хэмжээ болох нь. Харин маргааш 10.00 цагт Бишрэлт зочид буудлын хурлын танхимд онол практикын бага хурал хийхээр төлөвлөжээ. Уг хурлаар “Социал демократ үзэл баримтлал ба МАХН”, “Үндсэн хуулиар баталгаажсан Бүгд найрамдах засаглал ба МАХН”, “Нийгэм эдийн засгийн байдал төвлөрсөн төлөвлөгөөт эзийн засгийн таван жилийн төлөвлөгөө ба МАХН”, “Дүр эсгэсэн ардчиллаас жинхэнэ ардчилал руу ба МАХН” зэрэг сэдвээр илтгэл тавьж хэлэлцүүлэхээр болжээ.
Category: улс-төр
Ерөнхий сайд шинээр томилогдсонтой холбогдуулан Засгийн газрын бүтцэд өөрчлөлт оруулахаар болжээ. Засгийн газрын бүтэц, бүрэлдэхүүний тухай хуульд өөрчлөлт оруулах тухай хуулийн төслийг өргөн барьсан тохиолдолд тухай бүрт нь хэлэлцэхээр төлөвлөх юм байна. Уг төслийг өнөөдөр өргөн барих аж. Н.Алтанхуяг Ерөнхий сайдаар ажиллаж байхдаа Засгийн газрын бүтцэд өөрчлөлт оруулж 13 яам, 28 агентлагтай байхаар болсон. Шинээр томилогдсон Ерөнхий сайд Ч.Сайханбилэг Засгийн газраа 14 хоногийн дотор бүрдүүлэх үүрэг хүлээгээд байгаа. Ийм шалтгаанаар бүтэц болон сайд нараа дахин оруулахаар төлөвлөжээ. Тэрээр парламентад суудалтай улс төрийн нам, эвслийн бүлгүүдэд өнөөдрөөс зөвшилцөх санал тавьж хамтарч ажиллахыг урих аж.
УИХ дахь Ардчилсан намын бүлэг Төрийн ордны “А” танхимд хуралдаж байна. Уг хуралд УИХ-ын дарга З.Энхболд, Ерөнхий сайд Ч.Сайханбилэг нар мэдээлэл хийж байгаа аж.
Ерөнхий сайд өнгөрсөн долоо хоногийн баасан гаригт Засгийн газрын хуралдаанаар хэлэлцэн шийдвэрлэсэн асуудлын талаар бүлэгтээ мэдээлэл хийж байгаа гэнэ.
УИХ дахь нам, эвслийн бүлгүүдийн хуралдаан:
- Улсын Их Хурал дахь Ардчилсан намын бүлгийн хуралдаан “А” танхимд;
- Улсын Их Хурал дахь Монгол ардын намын бүлгийн хуралдаан “Б” танхимд;
- Улсын Их Хурал дахь МАХН-МҮАН-ын “Шударга ёс” эвслийн бүлгийн хуралдаан “В” танхимд.
Ажлын хэсгүүдийн хуралдаан:
- “Шүүгчийн албан тушаалын цалингийн хэмжээг тогтоох тухай” Улсын Их Хурлын тогтоолын төслийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 13.00 цагаас 334 тоот танхимд;
- Нийтээр тэмдэглэх баярын болон тэмдэглэлт өдрүүдийн тухай /шинэчилсэн найруулга/ хуулийн төсөл боловсруулах үүрэг бүхий Төрийн байгуулалтын байнгын хорооны ажлын хэсгийн хуралдаан 13.00 цагаас “Г” танхимд;
- Гангийн үйлдвэрийг хөгжүүлэх, бүтээгдэхүүн экспортлох асуудлаар бодлого боловсруулах үүрэг бүхий Улсын Их Хурлын даргын захирамжаар байгуулсан ажлын хэсгийн хуралдаан 14.00 цагаас “В” танхимд;
- Галын аюулгүй байдлын тухай /шинэчилсэн найруулга/ болон холбогдох бусад хуулийн төслүүдийг хэлэлцүүлэгт бэлтгэх үүрэг бүхий Хууль зүйн байнгын хорооны ажлын хэсгийн хуралдаан 15.00 цагаас 334 тоот танхимд;
- Хамтын тэтгэврийн тухай хуулийн төслийг хэлэлцүүлэгт бэлтгэх үүрэг бүхий Нийгмийн бодлого, боловсрол, соёл шинжлэх ухааны байнгын хорооны ажлын хэсгийн хуралдаан 15.00 цагаас “Г” танхимд
Жич: 2014 оны Улсын төсвийн тодотгол, Засгийн газрын бүтэц, бүрэлдхүүний тухай хуульд өөрчлөлт оруулах тухай хуулийн төсөл, Засгийн газрын гишүүнийг томилох тухай асуудал өргөн барьсан тохиолдолд тухай бүр нь хэлэлцэнэ.
Засгийн газрын өчигдрийн хуралдаанаар Монгол Улсын 2014 оны Төсвийн тухай хуульд өөрчлөлт оруулах тухай хэлэлцлээ. Тодотгол хийх үндсэн шалтгаан нь Засгийн газрын шинэчлэгдсэн бүтэцтэй холбоотой аж. Төсвийн тухай хуулийн 34.1.4-д зааснаар Засгийн газрын шинээр батлагдсан бүтцийн дагуу төсвийн ерөнхийлөн захирагч хооронд төсвийн зохицуулалт хийх шаардлага үүсдэг байна.
УИХ-ын даргын айлчлалын гол зорилго нь хоёр улсын иж бүрэн түншлэлийн харилцааг бэхжүүлэх, харилцан итгэлцэл, ойлголцлыг нэмэгдүүлэх, ялангуяа, хоёр орны хууль тогтоох байгууллага хоорондын харилцаа, хамтын ажиллагаанд чухал түлхэц үзүүлэх, улам бүр өргөжүүлэх, Монгол Хятадын парламент хооронд байнгын уулзалтын механизм байгуулах байсан бөгөөд эдгээр зорилт амжилттай хэрэгжсэн гэж үзжээ.
Ерөнхий сайд Ч.Сайханбилэг өчигдөр УИХ-ын чуулганы нэгдсэн хуралдаанаар томилогдсоныхоо дараа Засгийн газраа хуралдуулжээ. Засгийн газрын хуралдаанаар Монгол Улсын 2014 оны Төсвийн тухай хуульд өөрчлөлт оруулах тухай асуудлыг хэлэлцсэн байна.
Ийнхүү шинэ он гарахад сар гаруйхны хугацаа үлдээд байхад энэ оны төсөвт тодотгол хийх болсон үндсэн шалтгаан нь Засгийн газрын шинэчлэгдсэн бүтэцтэй холбоотой юм. Төсвийн тухай хуулийн 34.1.4-д зааснаар Засгийн газрын шинээр батлагдсан бүтцийн дагуу төсвийн ерөнхийлөн захирагч хооронд төсвийн зохицуулалт хийх шаардлага үүсдэг байна.
Ерөнхий сайд асан Н.Алтанхуяг Засгийн газрын бүтэц, бүрэлдэхүүнд өөрчлөлт оруулах тухай хуулийн төслийг өргөн барьж УИХ-аар батлуулсан ч уг шинэ бүтэц, бүрэлдэхүүний дагуу ажиллаж амжилгүй огцорсон юм.
Монгол Улсын Ерөнхийлөгч Ц.Элбэгдорж шинээр томилогдсон Монгол Улсын 28 дахь Ерөнхий сайд Ч.Сайханбилэгт Ерөнхий сайдын тамга шилжүүлэх ёслол өнөөдөр Төрийн ордны Ёслол хүндэтгэлийн гэр өргөөнд боллоо.
Монгол Улсын Ерөнхийлөгч Цахиагийн Элбэгдорж шинээр томилогдсон Ерөнхий сайд Ч.Сайханбилэгт баяр хүргэн хэлсэн үгэндээ “Ерөнхий сайдын нэр хүндтэй, хариуцлагатай албанд томилогдсон Ч.Сайханбилэгийн ажилд нь амжилт хүсье. Таныг улс орныхоо эрх ашгийн төлөө хариуцлагатай, хууль, ёсзүйг дээдлэн, бусадтай гар нийлж, шуурхай, нээлттэй ажиллаж чадна гэдэгт бид итгэлтэй байна. Амжилт хүсье” гэв.
Дараа нь Монгол Улсын Их Хурлын дарга З.Энхболд, Шадар сайд Д.Тэрбишдагва нар шинээр томилогдсон Ерөнхий сайдад баяр хүргэж ажлын амжилт хүслээ.
УИХ-ын чуулганы өнөөдрийн нэгдсэн хуралдаанаар Монгол Улсын Ерөнхий сайдад нэр дэвшигчийг томилох асуудлыг хэлэлцэх юм. Гишүүдийн ирц бүрдэж, нэгдсэн чуулган сая эхэллээ. Яг одоо Ерөнхий сайдад нэр дэвшигч Ч.Сайханбилэгийг Монгол Улсын Ерөнхийлөгч Ц.Элбэгдорж танилцуулж байна. Хуралдаанд МАН-ын гишүүдээс нэг ч хүн орж ирээгүй байна.
Э.ЭНХ
Өнөөдөр УИХ-ын чуулганы нэгдсэн хуралдаан 09:00 цагт эхэлж, Ерөнхий сайдад нэр дэвшигчийг батлах эсэхийг шийдэх ёстой байв. Одоогоор гишүүдийн ирц бүрдээгүй учраас чуулганы нэгдсэн хуралдаан эхлээгүй байна.
.БУЛГАН