Баячуудын хүүхдүүд насанд хүрмэгцээ аль нэг гадаадын сургуульд
сурахаар явдаг гэсэн ойлголт бидний дунд байдаг. Тэгвэл Ерөнхийлөгч Ц.Элбэгдоржийн
хүү Өмнөд суданд энхийг сахиулж ирээд хүмүүсийн дээрх бодлыг өөрчилсөн.
Харин энэ удаа Хүн амын хөгжил, нийгмийн хамгааллын сайд С.Эрдэнийн хамгийн бага
хүү хаврын татлагаар хугацаат цэргийн албанд явжээ. С.Эрдэнэ сайд саяхан болсон
тангарагийн баяраар нь хүүгээ эргэж очсон нь энэ.
Хүмүүсийн төдийлөн сайн мэдэхгүй хүний арьсыг гайхалтай харагдуулах хүнсний бүтээгдэхүүнүүд дэлхий дээр маш олон байдаг. Хүн цэвэрхэн сайхан арьстай байхад илүү залуу, өөртөө итгэлтэй, эрч хүчтэй байж чаддаг. Таны өдөр бүр хэрэглэдэг хоол хүнс таны арьсны эрүүл байдалд болон биеийн ерөнхий эрүүл мэндэд ч чухал нөлөө үзүүлж байдаг. Одоо ингээд таны арьсыг залуу, эрүүл болгох 7 хүнсний бүтээгдэхүүнийг танилцуулъя.
1. Маалинганы үр
Маалинганы үр Омега-гураваар баялаг учир арьсны залуу байдлыг хангадаг. Өдөр бүр хэрэглэснээр арьсны улайлт болон цочролыг арилгаж арьс гэрэлтсэн зөөлөн харагдуулдаг.
2. Хөх ягаан өнгийн жимс
Нэрс, үхрийн нүд, бөөрөлзгөнө, чавга зэрэг хөх, ягаан өнгийн жимсийг байнга хэрэглэснээр арьсанд тэжээл өгч, илүү залуу харагддаг.
3. Наран цэцгийн үр
Наран цэцгийн үрэнд Е витамин ихээр агуулагддаг учир таны арьсыг нарны гэрлийн нөлөөнөөс хамгаална.
4. Шоколад
Шоколаданд дуртай хүмүүст сайхан мэдээ байгаа биз. Шоколад батга гарах бас нэгэн шалтгаан гэж ихэнх хүмүүс боддог ч хэмжээг нь тохируулаад зөв хэрэглэвэл арьсанд эерэг нөлөө үзүүлдэг. Гэхдээ зөвхөн хар шоколад гэдгийг санаарай.
5. Чихэрлэг төмс
Чихэрлэг төмсөнд их хэмжээний А, С витамин агуулагддаг учир арьс эрүүл байхад тусална.
6. Улаан лооль
Улаан лооль нь арьсны эрүүл байдлыг хангаж, нөсөөжөхөөс сэргийлдэг.
7. Тараг
Тарагийг байнга хэрэглэснээр үрчлээнээс сэргийлж, мөн арьсыг уургаар хангана. Аль болох чихэргүй цэвэр тараг хэрэглээрэй.
Нийслэлийн 375 жилийн ойг угтан “Найрсаг Улаанбаатар” хөтөлбөрийн хүрээнд сонгодог урлагийн үдшийн цэнгүүн Чингэсийн талбайд зохион байгуулахаар болжээ. Уг арга хэмжээг Үндэсний их баяр наадмыг угтсан томоохон арга хэмжээ болгож долдугаар сарын 6-ны өдөр 21.00 цагаас “Best of Classic:Оpen air” цогц хөтөлбөрөөр Дуурь бүжгийн эрдмийн театрын уран бүтээлчид үзэгч түмэндээ толилуулахаар бэлтгэжээ. Тус үдшийн цэнгүүний ерөнхий зохион байгуулагчаар Нийслэлийн Засаг даргын Тамгын газар, Нийслэлийн соёл урлагийн газар ажиллаж байгаа бөгөөд хамтран зохион байгуулагчаар Улсын дуурь бүжгийн эрдмийн театр, “Саунд оф Монголиа” компани зэрэг байгууллагууд ажиллаж байгаа ажээ. Уг арга хэмжээ нь гадаа талбайд хийж буй бүрэн хэмжээний сонгодог томоохон анхны тоглолт бөгөөд сонгодог урлагийн үзэгчиддээ улам ойртох, дэлхийн хэмжээний шилдэг бүтээлүүдийг үзэгчдийн хүртээл болгох зорилготой юм байна. Үзэгчдийн хувьд “Best of classic open air” цэнгүүний үеэр Улсын дуурь бүжгийн эрдмийн театрын үйл ажиллагааны талаар дэлгэрэнгүй мэдээлэл авч, уран бүтээлийн хөтөлбөртэй танилцаж, цаашдын төлөвлөгөөнд өөрсдийн санал хүсэлтээ өгөх боломжийг тус театрын уран бүтээлчид уг үдэш олгож байгаа ажээ.
Нарны замын хөдөлгөөнийг өнөөдөр оройноос түр хугацаагаар хаахаар болжээ. СБДүүрэг, Нарны зам, Энхтайваны гүүрний зүүн доод уулзвараас ЗЦГазрын баруун урд уулзвар хүртэл зүүнээс баруун чиглэлийн урсгалыг өнөөдөр оройн 22:00 цагаас маргааш өглөөний 07:00 цаг хүртэл хааж, зам засварын ажил хийх юм байна. Уг замын баруунаас зүүн чиглэлийн урсгалыг өнгөрсөн шөнийн 22.00 цагаас өнөөдөр өглөөний 07.00 цаг хүртэл хааж, засварын ажил хийсэн.
Монгол Улсын Батлан хамгаалах яам болон Япон Улсын Батлан хамгаалах яам хоорондын харилцаа, хамтын ажиллагаа өргөжсөөр байна. Өнгөрсөн баасан гаригт Япон Улсын Өөрийгөө хамгаалах хүчний Хуурай замын цэргийн инженерийн сургалтын баг Монгол Улсын Зэвсэгт хүчний 014 дүгээр ангийн замын тусгай ротын бүрэлдэхүүн, БХИС-ийн ЦИС-ийн багш нартай хамтран хатуу хучилттай зам байгуулах талаар туршлага солилцох, хамтран хийх зам төлөвлөх, замын хэмжилт хийх сургалтын нээлтийн ажиллагаа Төв аймгийн Аргалант сумын нутагт боллоо. Уг ёслолын ажиллагаагаар Монгол-Японы цэргийн инженерүүдийн хамтын ажиллагааны үр дүнд 2016 онд бүрэн дуусч, ашиглалтад хүлээлгэн өгөх Зэвсэгт хүчний Сургалтын нэгдсэн төв хүртэлх 15км хатуу хучилттай замыг барих ажлын эхлэл буюу сургалт дадлагын хугацаанд тавих 100 метр замын ажлыг эхлүүлж байгаа юм. Хамтарсан сургалтын 14 хоногийн хугацаанд хоёр орны цэргийн инженерүүд туршлага солилцож, судалгаа шинжилгээний арга зүйг харилцан суралцахаас гадна замын трассын дагуу хэмжилт, хөрсний шинжилгээг хийж, зам барих төлөвлөлт, материалын тооцоолол хийх юм байна.
Энэ өдрүүдэд Монгол Улсад ажлын айлчлал хийж байгаа Япон Улсын Өөрийгөө хамгаалах хүчний Хуурай замын цэргийн штабын дарга, генерал Ивата Киёофүми нарын Японы төлөөлөгчид, ЗХЖШ-ын Ерөнхий зориулалтын цэргийн командлагч, бригадын генерал А.Сүхбат нарын Монголын батлан хамгаалах, зэвсэгт хүчнийхэнтэй энэхүү ажиллагааг нээж, замын шавыг тавилаа.
Ардын дуу шиг ард түмнээс улбаатай монгол бөх өдгөө хүртэл олон асуудал бэрхшээлтэй тулгарч ирсэн. Орчин үеийн монгол бөхчүүдийн барилдаан, техник арга барил муудсан нь ил болжээ. Хүмүүсийн анхаарлыг татсан нэг асуудал бол начны найраа юм. Ахмад, том цолтой бөхчүүд доод цолтой бөхчүүдэд унадаг харин доод цолтой бөхчүүд том цолтой бөхчүүдэд мөнгө өгөн давдаг нь ил болсон байна. Өдгөө бөхчүүдийн хурд хөдөлгөөн муудаж жин нэмэх болсон, барилдахад барьц муутайгаас болдог гэж чөлөөт бөхийн дэд мастер, сумын заан Д.Ганболд ярьлаа. Тэрээр шахааны барьцийг халж хурдан, шуурхай хөдөлгөөн ихтэй болгох хэрэгтэй хэмээн үзэж байгаагаа мэдэгдлээ. 
Э.Түвшинбаяр
Улс бүрийн мөнгөн дэвсгэрт нь маш өндөр нууцлалтай байдаг. Хэн ч түүнийг хуурамчаар хувилуулахгүйн тулд гэдэг нь хэн хүнд ойлгомжтой. Гэтэл манайд хуурамч дэвсгэртүүд гүйлгээнд илэрдэг болоод байгаа. Хуурамч болон жинхэнэ таван мянгатын дэвсгэртийг ялгах нууцлалуудыг танилцуулж байна.
1. Металл утас.
2. Серийн дугаар нь хэт ягаан гэрлээр шарахад гэрэгтэнэ.
3. Усан хээгээр бүтээсэн Чингис хааны хөрөг.
4. Зуйван дугуй дотор гэрлийн ойлтод морь унаж, сэлэм барьсан баатрын дүрс болон дэвсгэртийн нэрлэсэн үнэ солигдож үзэгдэнэ.
5. Ар өврийн бүх талбайн хээ угалзад офсет скайнер, фото хувилагчийн эсрэг хийц хийсэн.
6. Хэт ягаан туяанд гэрэлтэнэ
7. Нүдэнд үл үзэгдэх бичил үсгэн шугаманд “Mongolbank” гэсэн бичиг гарна.
8. Үндсэн хээ, тоо үсгүүдийг гарт тэмтрэгдэхээр товгор хэвлэсэн.
9. Хэт ягаан гэрлээр шарахад дэвсгэртийн үнэ 5000, 10000, эсвэл 20000 гэж тодорно.
10. Дэвсгэртийн 2 талд байгаа гэрэгэгийн доторхи дугуй дүрс заавал давхцаж харагдана.
Э.Түвшинбаяр
Монголын сайхан бүсгүйчүүдийн нэг гэгддэг топ модель, СТА жүжигчин Д.Пүрэвсүрэн сүүлийн үед нам гүмхэн байх болсон билээ. Тэгвэл топ модель, жүжигчин бүсгүй маань саяхан шинэ хүнээ өлгийдөн авчээ. Тодруулбал, Д.Пүрэвсүрэн “Гурван гал” эмнэлэгт амаржиж хүүтэй болжээ. Ээж хүү хоёрын биеийн байдал тун сайн байгааг ойрын эх сурвалж нь хэлж байна.
Ипотекийн зээл хэрэгжиж эхлээд багагүй хугацаа өнгөрлөө. Уг зээл нь иргэдийг орон сууцтай болоход нь ихээхэн ач холбогдол үзүүлж байгаа билээ. Өнөөдрийн байдлаар дээрх зээлд хамрагдах хүсэлтэй иргэдийн тоо нэмэгдсээр банкуудад хүсэлт ирсээр буй. зургадугаар сарын 27-ны байдлаар өмнө нь орон сууцны ипотекийн зээл авсан зээлдэгчдээс 850.6 тэрбум төгрөгийн зээлийг 8 хувийн хүүтэй зээлийн эх үүсвэрээр дахин санхүүжүүлэх хүсэлт банкуудад иржээ. Үүнээс банкууд 18472 зээлдэгчийн нийт 534.2 тэрбум төгрөгийн ипотекийн зээлийг дахин санхүүжүүлж, 8 хувийн хүүтэй ипотекийн зээл рүү шилжүүлсэн байна. Түүнчлэн орон сууц шинээр худалдан авахыг хүссэн иргэдээс 1.1 их наяд төгрөгийн ипотекийн зээлийн өргөдөл банкуудад ирснээс 20734 иргэнд 1166.3 тэрбум төгрөгийн орон сууцны ипотекийн зээл шинээр олгохоор шийдвэрлэсэн аж.
Монголын оюутны холбоо, Нийслэлийн цагдаагийн газар хамтран “Оюутан цагдаа” хөтөлбөрийг хэрэгжүүлэхээр боллоо. Хөтөлбөрт хамрагдах хүсэлтэй оюутан залуусыг Монголын оюутны холбоон дээр бүртгэж эхлээд байна. Оюутан залуус баяр наадмын үеэр жуулчдын аюулгүй байдлыг хангаж ажиллана. Түүнчлэн энэ жил зөөврийн камержуулалтаар иргэдийн аюулгүй байдлыг хангах гэнэ. Оюутнууд цагдаагийн алба хаагчдад туслан хэв журмыг сахиулснаар гэмт хэргийн гаралт буурна гэж холбогдох албаныхан үзжээ.