Category: нийгэм

“Гал үндэстэн” холбооны Ц.Мөнхбаярыг өнгөрсөн тавдугаар сард Өвөрхангай аймгийн Хархорин сум дахь хорих 423 дугаар анги руу ачсан билээ. Тэгвэл эмчилгээ хийх нэрээр хотод авчирсан гэх мэдээлэл байна. Ц.Мөнхбаярыг өнгөрсөн баасан гаригаас бямба гаригт шилжих шөнө Зайсан дахь 401 дүгээр ангид авчирсэн хэмээн эх сурвалж мэдээлжээ. 

Тэрээр Хархоринд очсоноос хойш эмчлүүлэх тухай хүсэлт гаргаагүй бөгөөд хотод авчирах шийдвэрийг ч эсэргүүцсэн гэнэ. Тиймээс “Биеийн байдал нь хэвийн байхад эмчилгээ хийнэ гэсэн нь цаанаа учиртай асуудал” хэмээн “Гал үндэстэн” холбооны гишүүд нь ярьжээ. Мөн Ц.Мөнхбаяртай хамт ял сонссон С.Дашцэрэнг биеийн байдлын улмаас хотод шилжүүлсэн байна. 

Э.Эрдэнэ

Улаанбаатар хотын Захирагчийн ажлын алба, АНУ-ын Азийн сантай хамтран нийслэлийн  6 хороонд загвар хороо төслийг хэрэгжүүлж байна. Энэхүү төслийн хүрээнд төсөл хэрэгжиж байгаа  гэр хорооллын 3 хороонд боловсон хогийн цэг барихаар төлөвлөжээ.

Төлөвлөж байгаагаар тус хогийн цэг нь  нэг загвар, тохижилттой байх төдийгүй орчин тойронд нь ил задгай хог хаягдал үүсэхгүй байхаар зориулагдсан тусгайлсан байгууламж байх юм байна.  Мөн тухайн байгууламжид байнгын ажилчид ажиллаж, хогийг ангилан ялгах, тээвэрлэх  үүрэг гүйцэтгэх аж.

Эхний ээлжинд  Баянзүрх дүүргийн 27-р хороо, Дунд Дарь-эхийн 47-р гудамж, Чингэлтэй дүүргийн 16-р хороо, Хайлаастын зам дагуу Согоотын 55 дугаар гудамж, ХУД-ийн 13-р хороо, 7 хэсгийн задгайн Туулын 7-р гудамжуудад хог хаях байгууламжийг  барина гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ. 

Нийслэлийн Удирдах ажилтнуудын ээлжит шуурхай зөвлөгөөн өнөөдөр болж зөвлөгөөнөөр өнгөрсөн шуурхай зөвлөгөөний үеэр Нийслэлийн Засаг даргын өгсөн үүрэг даалгаварын биелэлтийг танилцуулаа.  

Өнгөрсөн өдрүүдэд Үндэсний баяр наадам болсонтой холбогдуулан наадам зохион байгуулахад чиглэсэн хэд хэдэн үүрэг даалгаварыг нийслэлийн Засаг дарга  өгсөн юм.

Тодрулбал,  баяр наамдын өдрүүдэд замын хөдөлгөөний аюулгүй байдлыг сахиулах,  нийтийн тээврийн хэрэгслүүдийг батлагдсан чиглэлд түгжрэл сааталгүй явуулах, Төв цэнгэлдэх хүрээлэн болон Хүй долоон худагт  тээврийн хэрэгслүүдийг зөвшөөрөгдсөн талбайд байрлуулж хяналт тавьж ажиллахыг нийслэлийн Тээврийн газар, Нийслэлийн Замын цагдаагийн газарт үүрэг болгосон. Нийслэлийн хэмжээнд баярын болон амралтын өдрүүдэд нийт 2280 тээврийн хэрэгсэл ажиллахаас 2028 тээврийн хэрэгсэл ажилласан байна.   Мөн Төв цэнгэлдэх хүрээлэн”, “Хүй 7 худаг”, “Мишээл экспо”, “Дүнжингарав” худалдааны төв, “Долоон буудал”  зэрэг нийт 5 цэгт диспетчерийн хяналтыг  ажиллуулан бүртгэл, хяналт, шуурхай зохицуулалтын арга хэмжээг авч  ажиллажээ.  Түүнчлэн гэмт хэрэг зөрчлөөс урьдчилан сэргийлэх, нийгмийн дэг журам сахиулах, гадны орны жуулчдын аюулгүй байдлыг сайтар хангаж ажиллахыг Нийслэлийн Цагдаагийн газарт үүрэг болгсон байна.

Үүргийн дагуу нийслэлийн Цагдаагийн газраас баяр, амралтын өдрүүдэд гудамж талбай, олон нийтийн газарт машинт эргүүл 384 чиглэлд, мотоциклт эргүүл 30, явган эргүүл 186 чиглэлд 2209 офицер, 2491 цагдаа үүрэг гүйцэтгэж, зөрчил гаргасан 1 615  хүнийг 9.804.000 мянган төгрөгөөр торгож, 31 гэмт хэргийг илрүүлж, таслан зогсоож ажиллажээ. Мөн Төв цэнгэлдэх хүрээлэнгийн дотор, гадна орчинд 16 ширхэг теле хяналтын камерийг байрлуусан бол жуулчдыг гэмт халдлагаас урьдчилан сэргийлэх, жуулчидтай холбоотой гарсан гэмт хэрэг, зөрчлийг шуурхай шийдвэрлэх зорилгоор нийслэлийн хэмжээнд 40 чиглэлд 81 оюутан цагдааг ажиллуулжээ.

Баяр наадмын үеэр Төв цэнгэлдэх хүрээлэн болон Хүй долоон  худагт  200 гаруй зам талбайн үйлчлэгч хоёр ээлжээр ажиллан  нийт 562 тн хог хаягдлыг цэвэрлэж, тээвэрлэжээ гэж Нийслэлийн Хэвлэл мэдээлэл, олон нийттэй харилцах хэлтсээс мэдээллээ. 

Нийслэлийн нутаг дэвсгэрт ачаа тээвэрлэх тээврийн хэрэгсэлд олгох “ЕС” зөвшөөрлийг аж ахуйн нэгж, иргэдэд хүндрэл чирэгдэлгүй, хөнгөн шуурхай үйлчлэх үүднээс “ТҮЦ” машиныг ашиглан олгохоор болжээ. Ингэхдээ нэг машинд зургаан сарын хугацаатай олгох юм байна.

Нийслэл хотын хэмжээнд бүртгэлтэй 70 мянган ачаа тээвэрлэх тээврийн хэрэгсэл байдгаас тэдгээрийн 18 хувь нь л өнгөрсөн онд зөвшөөрлөө авсан байдаг аж. ТҮЦ машинаар зөвшөөрөл олгох бэлтгэл ажил есдүгээр сарын эхээр дуусна хэмээн Нийслэлийн нийтийн тээврийн газраас мэдээллээ. 

Э.Номин

 “Сарлагийн баяр”-ыг жил бүрийн долоодугаар сарын 23-нд тэмдэглэдэг уламжлалтай. Энэ жил уг наадам Өвөрхангай аймгийн Бат-Өлзий суманд болох аж. Наадмын үеэр сарлагийн уралдаан зохиож, сарлаг бугуйлдах, булгиулах, дүүгүүр шидэх, поло тоглох зэрэг багийн тэмцээнүүд явуулах юм байна. Мөн сарлагийн шилдэг бүтээгдэхүүн болон хамгийн сайхан сарлагийг шалгаруулах юм. Сарлагийн гаралтай түүхий эдийн ашиг шимийг сайжруулах, сурталчлах зорилготойгоор зохион байгуулдаг энэхүү баяр Бат-Өлзий сумын Орхоны хүрхрээгээс баруун тийш байдаг Өндөр-Хясаа хэмээх газарт болох юм байна. 

  Э.Номин

Баянзүрх дүүрэг

10.30-17.00 цагт: 23-р хороо Хужирбулангийн А, Б, В, Г хэсэг, 1-11-р гудамж;

Чингэлтэй дүүрэг

10.00-18.00 цагт: 2-р хороо 2-40 мянгат, 50 мянгат 23, 25, 33/1, 33/3-р байр, Аварга зам, Аэрогеодези пропертиз, Бат-Интернейшнл, Электроникс, Гурван ариун, Дабай, DAI, Дүүхээ, Епуда, Их Харанга, Наран туул шилтгээн, Нийслэлийн ҮЭХ, Next компьютерс, Фото Вест ХХК-иуд, Барилгын коллеж орчимд

10.30-17.00 цагт: 15, 16-р хороо Согоотын 5-31, Жаргалантын 17-35-р гудамж;

Баянгол дүүрэг

10.30-18.00 цагт: 9, 10-р хороо 3-р хороолол ТЭЦ-33, НЭХ-23, ЭХ-22А байрууд, 31, 113-р сургууль, 141, 133-р цэцэрлэг, Горькийн 4, 5, 6, 7, 9, 10, 33, 23-4-р гудамж, 25, 27А, СОТ-3-2, 3-1, 2-2, 2-1 байрууд, тэр орчмын хэрэглэгчид;

Сонгинохайрхан дүүрэг

14.00-18.00 цагт: 21-р хороо Жаргалант тосгоны Шижир худаг, агротехнологи худаг, БОНХЯ-ны нэгж, гэр хороолол;

Налайх дүүрэг

10.00-18.00 цагт: 5-р хороо Городокийн Гандан Уулын хэрэглэгчид;

Төв аймаг

08.30-17.00 цагт: Лүн сумын Батсүх үнээний ферм, Ногоон хэрэм, Мөнх их мандал, Лүн сумын хэрэглэгчид

10.00-13.00 цагт: Батсүмбэр сум 3-р багийн гэр хороолол

14.00-18.00 цагт: Батсүмбэр сум Гачуурт гэр хороолол.

Шинээр өргөтгөх уулзвар

Маргааш буюу 2014.07.21-ны Даваа гарагийн 12:00цагт Зуун айлын уулзварыг албан ёсоор нээх нээлтийн ажиллагаа болно. Эрхэм сэтгүүлч та бүхнийг урьж байна. “Гудамж” төсөл.

“Гудамж” төслийн хүрээнд энэ жил уулзварыг өргөтгөн шинэчлэхээр болсон. Үүний нэг нь Сүхбаатар дүүргийн нутаг дэвсгэр дэх 100 айлын уулзварын өргөтгөл шинэчлэлийн ажил юм. Энэ уулзварыг өнөөдөр албан ёсоор нээхээр болжээ. Гудамж төслийн хүрээнд “100 айл”-ын уулзварыг шинэчилснээр  зорчих хэсгийн эгнээг нэмэгдүүлэхээс гадна бүх чиглэлдээ саадгүй зорчих боломжтой болгож, хөдөлгөөний зохион байгуулалтад өөрчилөлт орж байгаа юм. Тодруулбал, 11 дүгээр хороолол болон 100 айл чиглэлээс аль ч тал руугаа гэрлэн дохиогоор хөндлөн нэвтрэх, 11 дүгээр хорооллоос Их тойруу чиглэлд, гүүртэй талаасаа 11 дүгээр хороолол чиглэлд тус тус зүүн гар тийш эргэх боломжтой болно. 

100 айлын уулзварыг өргөтгөн шинэчлэх зураг төслийг “Ростов” ХХК болосвруулж, зам барилгын ажлын явцад Японы “Си Ти Ай Инженеринг Интернэйшнл” ХХК хяналт тавин ажиллаж байна.  

УИХ-ын гишүүд аймаг, сумдын ой хэсч наадамлаад тунчиг зугаатай амарч яваа бололтой. Өвөрхангай аймагт л гэхэд таван гишүүн амарч байгаа гэнэ. Тодруулбал, УИХ-ын дарга З.Энхболд Өвөрхангай аймгийн Баруунбаян-Улаан сумын 90 жилийн ойн наадамд оролцож, нутагтаа хэд хоногийг өнгөрөөх гэнэ. Тэрбээр энэ жил хэд, хэдэн аймгаар зочлохдоо хамдынхаа ургийн баярт ч очихоор төлөвлөжээ. 

Энэ жил Өвөрхангай аймгийн есөн сум 90 жилийнхээ ойг тэмдэглэж байгаа. УИХ-ын гишүүн Г.Батхүү Хужирт сумын 90 жилийн ойд хурдан хүлгүүдээ хөтөлж очжээ. Мөн УИХ-ын гишүүн Я.Содбаатар, Д.Лүндээжанцан нар тус аймагт яваа гэнэ. Д.Сумъяабазар гишүүн ч намынхаа нэрэмжит одон медалиудаас өвөртөлж нутагтаа очсон аж. 

Их аварга Асашёорюү Д.Дагвадорж төрсөн нутаг Хужиртынхаа наадамд зодоглон хүндэтгэл үзүүлсэн билээ. Харин Дархан аварга А.Сүхбат Төв аймгийн Сэргэлэн сумын наадамд түрүүлжээ. Тус сумын 90 жилийн ой, үндэсний их баяр наадам энэ амралтын өдөр болсон юм. Ойд Төв аймгаас төрж гарсан аваргууд зодогложээ. 

Энэ сарын 13–нд нийслэлийн Хан-Уул дүүргийн 13 дугаар хороонд малын боом өвчний халдварыг хоёр иргэн авч, тухайн бүс нутагт хөл хорио тогтоогоод байгаа билээ.  Боом өвчин нь мал амьтнаас хүнд халдварладаг, хурц халдварт өвчин бөгөөд хүний тунгалгийн зангилааг гэмтээж, хүчтэй хордлого үүсгэдэг.  Халдвар авсан хүнд өндөр халуурах, булчирхай хавдах, ихэвчлэн биеийн ил хэсэг нүүр, гарын арьсанд нян орсоноос үүсэх улаан цэг, толбо бий болж богино хугацаанд гүвдрүүтэн, цэврүү үүсч улмаар хар тав болох ба хаван үүснэ. Эдгээр шинж тэмдэг илэрвэл хамгийн ойрын эрүүл мэндийн байгууллагад хандах хэрэгтэйг Зоонозын өвчин судлалын үндэсний төвөөс анхааруулж байна. Манай улсад сүүлийн 10 жилд боом өвчин хүнд халдварласан тохиолдол 157 бүртгэгдэж, тэдний 7.6 хувь нь нас барсан байна. 

Х.Цэнд