Category: энтертаймент-ертөнц

Монгол Улсын Засгийн газрын дэмжлэг, Боловсрол, шинжлэх ухааны яамны захиалга, “Ковид-19 цар тахлын хүрээнд хүүхэд багачуудад зориулсан 104 жишиг контентийн эхний 26 контент бэлэн боллоо.

Үүнийг Боловсролын салбарын суурь үйлчилгээг дэмжих НҮБ-ын нэгдсэн төсөл болон Япон Улсын Засгийн газрын санхүүжилтээр хэрэгжиж буй юм.

Мөн сургуулийн өмнөх болон ерөнхий боловсролын сургалтын хүрээнд хүүхдийн оролцоог дэмжсэн, сонирхолтой, интерактив байдлаар хүргэхэд зорьж байгаа аж.

Хамтран ажиллагч байгууллагууд:

• Боловсрол, шинжлэх ухааны яам
• НҮБ-ын Хүүхдийн Сан
• НҮБ-ын Хүн Амын Сан
• НҮБ-ын Боловсрол, Шинжлэх ухаан, Соёлын Байгууллага
• Багшийн мэргэжил дээшлүүлэх институт (БМДИ)
• “Монгол Контент” ХХК

ИНТЕРАКТИВ ХИЧЭЭЛИЙН ХЭРЭГЦЭЭ БА ШААРДЛАГА

Сүүлийн үеийн хүүхдүүд мэдээ орсон цагаасаа эхлэн цахим хэрэгсэлтэй төвөггүй харьцдаг болсон. Z болон альфа үеийн төлөөллүүдийг “цахим хүүхдүүд” ч хэмээн нэрлэж болно. Тиймээс тэдний мэдлэг, боловсрол олж авах арга хэрэгсэлд интерактив хичээл чухал нөлөөтэй.

Теле-хичээлийн явцад багшийн яриа болон зорилгоо танилцуулж буй байдал хамгийн өндөр, харин сурагчийн оролцоо, сурагч бие даан хийх боломж хамгийн бага үнэлгээтэй байна. Мөн теле-хичээлийг сурагчдын сонирхол татсан агуулгаар баяжуулах, сурагчдын суралцахуйг дэмжсэн дасгал, даалгавар оруулах, цахим хэрэглэгдэхүүнийг оновчтой, үр дүнтэй ашиглах чиглэлээр сайжруулах шаардлагатай байгааг дурджээ. (НҮБ Хүүхдийн Сан “Онцгой байдлын үеийн теле-хичээл, түүний тохиромжтой байдал судалгааны тайлан” 2020).

Иймээс цар тахлын үед бид дэлхийн боловсролын чиг хандлагад нийцүүлж цахим сургалтын контент буюу хичээлийг хүүхдийн оролцоо, бүтээлч чадварыг нь дэмжсэн интерактив хэлбэрээр хүргэх нэн шаардлагатай байна.

Интерактив цахим контент нь олон хүний дэмжлэг, оролцоотойгоор бүтэж байгаа бөгөөд БМДИ нь нэгж контент, жишиг хичээлийн агуулга, зорилго, зорилт, бататгах асуултууд, үнэлгээний хэсгийг боловсруулах зэргээр сургалтын агуулга талаасаа арга зүйн мэдээллээр ханган ажиллаж байна. БМДИ-ийн мэргэжлийн баг, багш нарын боловсруулсан агуулгыг “Монгол Контент” ХХК-ийн уран бүтээлчид НҮБ-ын Хүүхдийн Сан, НҮБ-ын Хүн Амын Сан болон НҮБ-ын Боловсрол, Шинжлэх Ухаан, Соёлын Байгууллагын боловсролын багийн оролцоотойгоор хүүхдийн нас, сэтгэл зүйн хөгжлийн онцлогт нийцүүлэн сонирхолтой, интерактив хэлбэрт буулган цахим контентуудыг бэлтгэж байна.

“Интерактив хичээлийн төсөл”-ийн гүйцэтгэгчээр ажиллаж буй “Монгол Контент” ХХК нь 15 жилийн туршлагатай компани бөгөөд тус компани нь комикс, видео контент бүтээх баг, маркетинг креатив баг, зураачид, сэтгүүлчид, апп, веб хөгжүүлэгч инженерүүд гээд уг ажлыг гүйцэтгэх цогц багийг бүрдүүлсэн хамт олон билээ.

Интерактив хичээл бүрт мэргэжлийн багш, мэргэжилтнүүдийн оролцоо, санал сэтгэгдлийг шингээснээс гадна ур чадвартай зураач, дизайнер, хөгжүүлэгчдийн ур ухаанаар бүтсэн, үндэсний цөөнх болон тусгай хэрэгцээт хүүхдүүдийн хэрэгцээ шаардлагад тулгуурлаж, онцлогийг нь харгалзан бүтээсэн жишиг контент юм.

Нэг үгээр энэ нь хүүхэд багачуудын хувьд цахим орчноор дамжуулж, өнгө будаг хосолсон хөдөлгөөнт зураглал, сонирхолтой дүрийн хамтаар мэдлэг боловсрол, танин мэдэхүйн олон шинэ зүйлийг сурах “Цахим аялал” юм.

Интерактив хичээлүүд: Сургуулийн өмнөх боловсрол, Тусгай хэрэгцээт боловсрол, Монгол хэл, Математик, Хүн ба байгаль, Хөгжим, Дүрслэх урлаг, Биеийн тамир, Хүн ба Орчин, Англи хэл, Хүн ба Нийгэм, Монгол бичиг, Мэдээлийн технологи, Газар зүй, Физик, Хими, Биологи, Нийгэм, Түүх, Дизайн технологи, Иргэний ёс зүй, Орос хэл, Уран зохиол, Эрүүл мэнд

Интерактив хичээлийн хэлний сонголт: монгол, казах, тува, дохионы хэл

Мэргэжилтнүүд, контент бүтээгчид хамтран интерактив хичээлүүдийн дараа дараагийн жишиг контентуудыг теле хичээлийн агуулга, төлөвлөгөөтэй уялдуулан шат дараатайгаар хүргэнэ. Эхний ээлжид энэхүү 26 жишиг контент монгол хэлтэйгээр хүрч байгаа ба бусад хэл дээрх жишиг контентууд тун удахгүй бэлэн болно.

Интерактив хичээлийн онцлог:

• Хичээл бүр хүүхдийн сонирхлыг татахуйц өнгө будаг хосолсон зураглалтай, зарим нь богино хэмжээний сонирхолтой үлгэр, өгүүллэгийг агуулсан.
• Хүүхдийн суралцах үйлийг сонирхолтой дүрүүд хөтлөн чиглүүлнэ. Энэ нь хичээлийг илүү сонирхолтой болгоно.
• Хүүхдийн оролцоог бүрэн дэмжсэн буюу асуулт хариултын явцад дүрүүд хүүхдэд баяр хүргэх, туслах зэргээр хамтарч ажилладаг.
• Хичээлийн агуулгаар дамжуулж монгол ёс заншил, байгаль дэлхийгээ хайрлах зэрэг хүүхдийн танин мэдэхүйн чадварыг хөгжүүлнэ.

Интерактив хичээлүүдийг econtent.edu.mn сайтад байршуулсан бөгөөд эцэг, эхчүүд та бүхэн хүүхдийнхээ суралцах үйлийг дэмжиж, хамтдаа хийгээрэй. Та контентийн сайжруулалттай холбоотой санал хүсэлтээ interactive@mongolcontent.mn хаягаар ирүүлэх боломжтой.

Монголын хип хоп урлагт өөрийн гэсэн өнгө төрхийг бий болгосон Mrs M болон нэрт продюсер Харри Фрауд нарын хамтран ажилласан “Sugar daddy” дууны ремикс хувилбар өнөөдөр цацагдлаа.

Харри Фрауд бол Фрэнч Монтана, Виз Калифа болон Бэнни дэ Батчер зэрэг алдартнуудыг продюсерлэдэг юм. 2016 онд урлагийн салбарт нэрээ гаргаж эхэлсэн Mrs M 2019 онд англиар уран бүтээлээ туурвих болсон нь нэрт продюсер Фраудын анхаарлыг татжээ. Улмаар “Sugar Daddy” дууг нь монгол* англи хэл хослуулан дахин хийжээ. Mrs M энэ талаар “Харри Фраудтай хамтран ажиллаж буйдаа их баяртай байна. Надад яг л зүүд шиг санагдаж байна. Үүнийг цаашид үргэлжлүүлэхийг хүсэж байгаа” гэжээ.

Хоёр уран бүтээлч Брүклинд төвтэй Харри Фраудын “Wave Cave” студид дахин гурван уран бүтээл гаргахаар ажиллах ба 2021 оны хоёрдугаар сард нийтэд хүргэх юм байна.

Дэлхий дахинд коронавирусийн халдвар тархсан энэ цаг үед бизнес сул зогсолт хийж, улс орнууд эдийн засгийн хүндрэлийг давж гарах шаардлага тулгараад байгаа билээ. Аялал жуулчлалаас эхлээд олон салбарын ажилтнууд ажлаа алдаж, ажилгүйчүүдийн тоо өдөр ирэх тусам нэмэгдсээр байна.

ОХУ-ын нэгэн компанид нисгэгчээр ажилладаг байсан 23 настай Роман Савин гэх залууг танилцуулъя. Тэрээр одоогоор Литвад амьдарч буй бөгөөд коронавирусийн нөлөөгөөр ажил нь зогсож өөр ажил хайхаас өөр аргагүйд хүрчээ. Роман өөрийнхөө 2019 болон 2020 онд авуулсан хоёр зургийг Pikabu гэх цахим платформд нийтэлснээр олонд танигджээ. Тэрээр уг хоёр зургаар цар тахал гарсан нь өөрийнх нь амьдралд хэрхэн нөлөөлснийг харуулахыг зорьсон байна.

Тэрээр гурван жилийн турш нисгэгчээр ажилласан ба цар тахал гарсантай холбоотойгоор мэргэжлийн ажлаа үргэлжлүүлэх боломжгүй болсон байна. Тэрээр, Би өнгөрсөн жил нэг сард 90-100 цагийн нислэг үйлддэг байсан. Харин энэ жил бүтэн нэг жилд 140 цагийн нислэг үйлдэх төлөв гарсан. Манай компанийн нислэг бүрэн зогсоогүй ч надад сард нэг удаа нислэг үйлдэх хуваарь ирсэн юм. Тэгэхээр би 30 хоног сул зогсолт хийхээс өөр аргагүй болсон хэмээжээ. Роман би нислэггүй үедээ цагийн ажил хийж, гэрээсээ худалдааны зөвлөхөөр ажиллаж, хоол хүргэлтэд явдаг болсон. Энэ ажлууд тийм ч муу бишээ. Дуртай дуугаа сонсоод хүмүүст хоол хүргэхээр хурдлах нь надад шинэ мэдрэмж өгсөн тухайгаа ярьжээ.

ТӨМӨРБААТАРЫН АЛТАНТУЯА

А-Артист продакшны үүсгэн байгуулагч, захирал
“Ану хатан” түүхэн уран сайхны киноны ерөнхий найруулагч
“Эх орон дуудаж байна” түүхэн киноны продюсер
“Хөх тавилан” түүхэн киноны продюсер, найруулагч, жүжигчин

ХӨХ ТАВИЛАН кино нь БЭЭЖИН, ХОНГКОНГ-ийн, КАНН зэрэг дэлхийн томоохон кино наадмуудад танилцуулагдан ВЕНЕЦИЙН КИНО НААДАМ –ын эцсийн шалгаруулалтад Шилдэг киногоор нэрлэгдэн үлдэж чадсан бол ИТАЛИЙН ФЛОРЕНЦИЙН 41 дэх олон улсын кино наадмаас Шилдэг продакшн, Шилдэг эмэгтэй гол дүр шагналыг хүртсэн.

Сүүлийн үед үзэгдчийг байлдан дагуулаад буй “30 өдөр, 30 секс” олон ангит эротик киноны зохиолч, продюсер, ерөнхий найруулагч, жүжигчин Т.Алтантуяагийн “Улаан бал” нэвтрүүлэгт оролцсон дугаарын онцлох эшлэлүүдийг хүргэж байна.

Өнөөдөр Монголд маш олон гэр бүлүүд салж байна. Тэд шүүхийн өмнө элдэв шалтгаан тоочдог ч СЕКСИЙН ХАРИЛЦААНДАА СЭТГЭЛ ХАНГАЛУУН БУС байдаг нь харилцаандаа цэг тавих үндэс болсоор байна.

1. Аз жаргалтай гэр бүлийн нууц бол бүхий л харилцаандаа сэтгэл ханамжтай байх явдал юм.

2. ГЭРЛЭЛТ БОЛ МЭДРЭМЖ. Гэрлэлт бол хариуцлага бас хамгаалалт.

3. Хүмүүс хайрын нандин харилцаагаа аварч үлдэхийн төлөө огтхон ч хичээдэггүй. Жинхэнэ хайрын үнэн бодит шалгуур нь зөвхөн ЦАГ ХУГАЦАА юм.

4. Амьдрал дээр хүмүүс бүгд багтай амьдардаг. Ганцхан үед хүн хяналтаа бүрэн алддаг ба энэ нь сексийн харилцаа юм. Секс хийж байхдаа л хүн жинхэнэ өөрөөрөө байдаг. СЕКС БОЛ УРЛАГ.

5. Залуу насныхаа хайрыг жинхэнэ чин үнэнч хайр гэж итгэх хүсэл хүчтэй байх нь олон тул энэ хайр аяндаа өөрчлөгдөж, хүмүүсийн харилцаа амьдралын өөр мэдлэг болон өөр чанар шаардаж эхлэхэд бид урьдын ХАЙР СЭТГЭЛДЭЭ УРАМ ХУГАРЧ жаргалгүй болж эхэлдэг.

6. Хэрвээ эхнэр нөхөр хоёр энэ тал дээр эхнээсээ нэг нэгнээ гүйцэд танин мэдэхийг хүсээгүй бол, сексийн ХҮСЭЛ ТАЧААЛ ЧУХАЛ болж ирэх үед, хосуудын харилцаа өөрчлөгдөж эхэлдэг.

7. Сексийн харилцаанд хэт зөрүүтэй хоёр хүн зохицон ойлголцож чадахгүйгээр уйтгарт хоногуудыг өнгөрөөсөөр нэг л мэдэхэд ГЭР БҮЛЭЭСЭЭ ГАДУУР сексийн харилцааг чөлөөтэйгээр эрж хайхад хүргэдэг.

8. Бид өөрсдийн төрөлх мөн чанарын тодотгол болох сексийн төрмөл араншин шинж чанараа хойш тавьж мөнгө, ажил карьер, нэр төр, амжилт гэх мэтэд анхаарлаа төвлөрүүлэхийг хичээдэг.

9. Ингэж олны дунд аз жаргалтай гэр бүл болж харагдах гэж жүжиглэж амьдарсаар нэг л өдөр үнэнтэй нүүр тулахад өөртөө итгэх итгэлгүй, аз жаргалын мэдрэмж нь багассан, бүтээлч чанар хумигдаж БАЙГАЛИЙН МӨН ЧАНАР НЬ СУЛАРСАН хүмүүс олширч байна.

10. Сексийн харилцаанд БИ БИШ БИД хэн хэн нь таашаал эдлэх тал дээр санал санаачилга, идэвх зүтгэл гаргах үүрэгтэй.

11. СЕКСИЙН ХАРИЛЦАА НЬ ТОХИРЧ, ХАЙР ДУРЛАЛ НЬ МӨН ЧАНАРЫН ЖИНХЭНЭ ХЭЛБЭРТ ШИЛЖСЭН ХОЙНО Л ХОСУУД БИЕ БИЕНДЭЭ ҮНЭНЧ БӨГӨӨД НАНДИН ХАРИЛЦААНД ШИЛЖИНЭ.

Лего компани түүхэндээ хамгийн олон ширхэгтэй угсардаг тоглоомын цуглуулгыг худалдаанд гаргасан байна. Хар баасан гарагаар худалдаанд гаргасан уг тоглоомын өндөр нь 27 см, өргөн нь 52 см аж. Колизейн цуглуулгаас өмнө “Оддын дайн” уран сайхны кинонд гардаг “Мянганы шонхор” цуглуулга хамгийн олон ширхэгтэйд тооцогдож байсан талаар Лего компаниас мэдээлжээ.

Энэ нь Ромын амфитеатр Колизейг дуурайлган хийсэн загвар бөгөөд нийт 9036 ширхэг эд ангиас бүрдэх аж. Колизейн угсардаг тоглоомын цуглуулгыг 549.99 доллараар /өнөөдрийн ханшаар 1’567’246 төгрөг/ худалдаалсан бөгөөд худалдаанд гарсан даруйдаа дууссан байна. Уг цуглуулгыг 18 ба түүнээс дээш насныханд зориулсан хэмээн Лего компанийн сайтад бичжээ. Сонирхуулахад, сая сая жуулчдын хамгийн ихээр сонирхон очдог Ромын Колизей нь МЭ 80 онд нээгдсэн бөгөөд гладиаторуудын тулааныг үзэхээр олон мянган хүн уг амфитеатрыг зорьдог байжээ