Коронавирусийн эсрэг вакцины гурав дахь тунг өнгөрсөн хоногт 3,888 иргэн хийлгэжээ.
Ингэснээр бүүстер тунд хамрагдсан иргэдийн тоо 501.132-д хүрлээ. Энэ нь нийт хүн амын 15 хувийг эзэлж байгаа.
Өнөөдрийн байдлаар коронавирусийн эсрэг вакцины нэгдүгээр тунд 12-оос дээш насны 2,257,541 иргэн буюу хүн амын 69.4 хувь нь хийлгээд байгаа бол 65.9 хувь нь буюу 2,144,535 хүн хоёрдугаар тунд хамрагджээ.
Вакцины хоёр тунтай 18-аас дээш насны иргэд гурван сарын дараа дархлаа сэргээх нэмэлт тунд хамрагдана. Харин вакцины хоёр тунтай ч КОВИД-19-ийн халдвар авч өвчилсөн бол эдгэрснээс хойш 21 хоногийн дараа гуравдугаар тунд хамрагдахыг Эрүүл мэндийн яамнаас зөвлөж байгаа.