Илон Маск “Tesla”-ийн хамгийн хурдан автомашин болох “Model S Plaid” загварыг танилцууллаа.
Шинэ загвар нь нэг цэнэглэлтээр 640 км зам туулах боломжтой юм байна. Түүнчлэн хоёр секундын дотор 96 км/цаг хүртэл хурдлах хүчин чадалтайг тэрбээр онцолсон байна. Автомашины дээд хурд 321 км/цаг.
Одоогоор “Model S Plaid” загвараас 25 ширхгийг худалдаанд гаргаад байгаа юм байна. Харин ирэх улирлаас долоо хоногт 1000-ыг үйлдвэрлэхээр төлөвлөж байгаа аж. Энэхүү шинэ загвар 130 мянган ам.долларын үнэтэй.
