“Sunday” худалдааны төвийн худалдаа эрхлэгчид хөл хориог эсэргүүцэж жагсаж байна.
Худалдаа эрхлэгчид үйл ажиллагааг нь хэвийн явуулахгүй болон хөл хориог ялгавартай байдлаар хандаж байгааг эсэргүүцэж өнөөдөр жагсаал зохион байгууллаа.
Худалдаа эрхлэгч “Бидний хувьд их гомдолтой байна. Бид чинь ажлаа хийж байж л амьдардаг хүмүүс шүү дээ. Тэгтэл өнөөдөр үйл ажиллагааг нь нээнэ гэсэн ч тавдугаар сарын 22-ныг хүртэл хойшлуулчихлаа. Бид ажлаа хийж амьдралаа залгуулмаар байна. Миний хувьд банкны зээлээ хойшлуулсан. Харин түрээсийн төлбөрөө хөл хориотой байсан ч гэсэн төлөөд явж байна. Зарим нь хөнгөлсөн” гэв.
Харин шөнийн захын худалдаа эрхлэгч “Энэ ямар ч логикгүй зохион байгуулалт болж байна. Биднийг үйл ажиллагаагаа явуулахаар халдвар нь тархах юм шиг л үзэж байна. Баячуудын бизнесийг дэмжээд биднийг орхиж байна. Нийтээрээ сайхан амьдрахыг бус нэгээрээ сайхан амьдаръя гэсэн буруу зүйл яриад байх шиг. Биднийг ажлаа хийж амьдарлаа залуулахыг байна” гэв.