Самар түүхээр явсан 33 настай эрэгтэй М нь тамхи авахаар яваад сураггүй болсон байна. Тэрбээр энэ сарын 11-нд Хөвсгөл аймгийн Цагаан-Үүр сумын нутаг Хагархайн таг гэдэг газар самар түүж явахдаа ойролцоох отгоос тамхи авахаар явган гараад сураггүй болсон байна. Алга болсон иргэний тухай мэдээлэл өчигдөр өглөө 10:26 цагт аймгийн Онцгой байдлын газарт иржээ. Сураггүй болсон иргэнийг эрэн хайх ажил үргэлжилж байна.