Одоогоос 94 жилийн өмнөх энэ өдөр Монгол Улс анх Замын хөдөлгөөний дүрэмтэй болжээ. Энэхүү тэмдэглэлт өдрийг тохиолдуулан Тээврийн цагдаагийн албанаас Сүхбаатарын талбайд өнөөдөр /2019.05.22/ “Нээлттэй хаалганы өдөрлөг”-ийг зохион байгуулж байна. Мөн энэхүү өдөрлөгийн үеэр хүүхдийг зам тээврийн ослоос урьдчилан сэргийлэх зорилгоор хэрэгжүүлдэг “Бяцхан зорчигч II” аяны нээлт боллоо.
Өдөрлөгт Тээврийн цагдаагийн алба, Цагдаагийн ерөнхий газрын Бүртгэл хяналтын төв, Цагдаагийн ерөнхий газрын Тусгай ажиллагааны газар, Авто тээврийн үндэсний төв зэрэг байгууллага оролцож иргэдэд төрийн үйлчилгээг нэг дороос үзүүлж байна.
Цагдаагийн ерөнхий газрын Бүртгэл хяналтын төвөөс зөвхөн жолооны үнэмлэхээ хаясан гээсэн иргэдийн дахин үнэмлэх авах захиалгыг авч байна.