Авлигатай тэмцэх газраас 2018 оны аравдугаар сарын 15-наас 19-ний өдрүүдэд гэмт хэргийн шинжтэй 13 гомдол, мэдээлэл хүлээн авч, нийт 20 гомдол мэдээллийг шалгажээ.
Түүнээс долоон гомдол, мэдээлэлд хэрэг бүртгэлтийн хэрэг нээж, гурван гомдол, мэдээлэлд хэрэг бүртгэлтийн хэрэг нээхээс татгалзан, нэг гомдол, мэдээллийг харъяаллын дагуу шилжүүлэх саналтайгаар прокурорт шилжүүлсэн байна. Ажиллагаанд одоогоор есөн гомдол, мэдээлэл шалгагдаж буй аж.
Өнгөрсөн долоо хоногт эрүүгийн 10 хэрэг хүлээн авсан бөгөөд 360 хэрэгт мөрдөн байцаалтын ажиллагаа явуулснаас дөрвөн хэргийг шүүхэд шилжүүлэх саналтай прокурорт шилжүүлжээ. Одоогоор ажиллагаанд 341 хэрэг шалгагдаж байгаа аж.