2018-2019 оны өвөлжилтийн бэлтгэл хангах ажлыг эхлүүлэхээр Говь- Алтай аймгийн засаг дарга захирамж гаргалаа.
Засгийн газрын тогтоолыг үндэслэн Говь-Алтай аймгийн хөдөө аж ахуйн салбарын 2018-2019 оны өвөлжилтийн бэлтгэл хангах ажлыг эхлүүлэхээр Говь-Алтай аймгийн засаг даргын захирамж гарлаа. Өвөлжилтийн бэлтгэл ажлын хүрээнд эхний ээлжид мал сүргийг мал эмнэлгийн урьдчилан сэргийлэх тарилга, туулгалт, угаалгад хамруулах, бэлчээрийн ургац, даац багтаамжийг тодорхойлох, зун намрын отор малчин өрх,малын тоог нарийвчлан гаргаж, өвөлжөө, хаваржааны нутгийг малын хөлөөс чөлөөлсөн шийдвэр гаргахыг сумдын засаг дарга, тамгын газарт хүргүүлсэн байна. Говь-Алтай аймгийн нийт газар нутгийн 8812,4 мянган га нь бэлчээрийн талбайгаар ашиглагдаж байгаа бөгөөд өнгөрсөн оны эцсээр 3,801,0 мянган толгой мал тоолуулсан.
Энэ нь малын тоо толгой сүүлийн жилүүдэд өсөөгүй өндөр үзүүлэлт юм. Малын тооноос хамааран засгийн газраас аймгийг аюулгүйн нөөцдөө өвс 200, тэжээл 100 тонныг харин 18 сум тус бүр өвс 30, тэжээл 50, аймгийн хэмжээнд нийт өвс 740, тэжээл 1000 тонныг бэлтгэхийг даалгасны дагуу төлөвлөгөө гарган ажиллаж эхэлжээ.