Нийслэлийн МАН-ын хорооны тэргүүлэгчдийн хуралдаанаар НИТХ-ын даргын томилгооны асуудлыг хэлэлцжээ. НИТХ дахь МАН-ын бүлэг маргааш хуралдаж, Г.Төмөрбаатар, Ж.Батбаясгалан, Д.Баярсайхан нарын нэгнийх нь нэрийг НИТХ-ын нэгдсэн чуулганд оруулах бололтой. Гэсэн ч Ц.Сандуйг огцруулах өргөх бичигт гарын үсэг зурсан төлөөлөгчид НИТХ-ын даргад “Хотын фракциас” дэвшүүлсэн хүмүүсийг дэмжихгүй гэнэ. Тэд С.Амарсайханыг заалнаас нэр дэвшүүлж магадгүй байна. Нийслэлийн МАН-ын даргын албыг Су.Батболдод өгч, хотын фракциас НИТХ-ын даргын суудлыг авах тохироо хийгдэж байгаа талаар мэдээлэл өмнө нь цацагдаж байсан билээ.