“Эрдэнэс Тавантолгой” ХК-ийн В ээлжийн оператор Л.Ариунсан нойтон өлсгөлөн энэ сарын 16-ны өдөр 09:20 цагаас зарлажээ. Тэрбээр өлсгөлөн зарлах болсон шалтгаан шаардлагадаа өргөдлийн хариуг нь яаралтай шийдэж өгөх, “TTJVCo” ХХК-ийн ажилтан н.Азжаргалд хариуцлага тооцох, буруу шийдвэр гаргасан ажлын хариуцлага алдсан н.Чинбат захиралд арга хэмжээ авахуулахыг хүссэн байна.
Мөн тэрээр ажлаа хийхэд хөдөлмөрийн дарамт үзүүлэхээ зогсоохыг шаардаж байгаа аж. Улмаар урьд нь ажиллаж байсан техник дээрээ ажиллахыг хүсч буйгаа илэрхийлээд, эдгээр асуудлыг шийдтэл өлсгөлөнгөө зогсоохгүй болохыг мэдэгдсэн гэнэ.