Монголын Үндэсний олимпийн хорооны ээлжит Их хурал энэ сарын 24-нд болох тов гарлаа. Эл хурлаар МҮОХ-ны ерөнхийлөгчийг сонгох сонгууль болох юм. Сонгуульд өрсөлдөх хүмүүсийн нэрс хараахан тодроогүй бөгөөд ерөнхийлөгчид өрсөлдөх хүмүүсийг энэ сарын 9 хүртэл бүртгэж байгаа аж. Сонгуулийн комиссын даргаар Монголын үндэсний бөхийн холбооны тэргүүн Р.Нямдорж томилогдсон байна. Сонирхуулахад МҮОХ-ны одоогийн ерөнхийлөгч Д.Загдсүрэн тус албанд 20 жил тасралтгүй ажиллаж байгаа юм.