Жүдо бөхийн олимпийн
эрхийн оноо олгох хамгийн сүүлчийн тэмцээн болох “World Masters-2016” Мексик
улсад энэ сарын 27-29-нд болно. Дэлхийд чансаагаараа эхний 16-д эрэмбэлэгдэж
буй шилдэг жүдочид урилгаар өрсөлддөг уг тэмцээнд манай улсаас 18 бөх
зодоглохоор Мексикийг зорилоо. Тодруулбал, эрэгтэйчүүдийн 60 кг-д дэлхийн
авварга Г.Болдбаатр, ДАШТ-ий мөнгөн медальт Д.Амартүвшин, ОУХМ Г.Хэрлэн,
залуучуудын ДАШТ-ий хошой мөнгөн медальт Ц.Цогтбаатар, 66 кг-д Д.Төмөрхүлэг,
Д.Алтансүх, 73 кг-д гавьяат тамирчин С.Ням-Очир, ОУХМ Г.Одбаяр, 81 кг-д
О.Ууганбаатар, Н.Дагвасүрэн, +100 кг-д Б.Тэмүүлэн болон эмэгтэйчүүдийн 48 кг-д
дэлхийн аварга М.Уранцэцэг, 52 кг-д гавьяат тамирчин М.Бундмаа, ОУХМ А.Цолмон,
57 кг-д гавьяат тамирчин Д.Сумъяа, 63 кг-д Ц.Мөнхзаяа, ОУХМ Ц.Цэрэннадмид, 70
кг-д Ц.Наранжаргал нар зодоглоно.
Харин манай тамирчдаас 90 кг-д Л.Отгонбаатар,
-100 кг-д Хөдөлмөрийн баатар Н.Түвшинбаяр, -78 кг-д П.Лхамдэгд нар “World
Masters”-ийг өнжлөө. Н.Түвшинбаяр, Л.Отгонбаатар нарын хувьд олимпийн эрхийн
оноо хангалттай цуглуулсан учраас эл тэмцээнийг өнжиж байгаа гэнэ.
Сонирхуулахад, энэхүү тэмцээний хэсгийн барилдаан Монголын цагаар 01:00,
медалийн төлөөх барилдаан 07:00 цагаас эхэлнэ.