“Сайдын 100 өдөр” нээлттэй өдөрлөг Барилга хөгжлийн төвд болж байна. Уг өдөрлөгт Барилга Хот Байгуулалтын сайд З.Баянсэлэнгэ 100 хоногийн хугацаанд хийсэн ажлаа тайлагнаж буй. Мөн тэрбээр “Авьяаслаг Монголчууд” шоуны оролцогч А.Отгонбаярт Тэргүүний барилгачин цол тэмдэг олгосон боловч дуучин залуу “татгалзав”. Тэрбээр арга хэмжээнд ирсэн ч шагнал гардуулах үеэр алга олдоогүй байна. Барилгын салбарт хийсэн бүтээсэн хөдөлмөрөө үнэлүүлж авдаг энэхүү хүндтэй шагналыг дуучин залуу маань телевизийн шоунд орсныхоо төлөө зүүхээс санаа нь зовсон бололтой.