Month: July 2021

Өнөөдөр буюу долдугаар сарын 10-нд 10.000 гаруй хүүхэд эх барьсан, Монгол Улсын 3 сая дахь иргэнийг өлгийдөн авсан Хүйн ээж, төрд 30 жил ажилласан эх баригч Б.Буянааг Эрүүл мэндийн гавъяат ажилтан цолоор Ерөнхийлөгч шагналаа.

Ирэх долоо хоног бүхэлдээ бүх нийтийн амралтын өдөрт шилжиж, ес хоног дараалан амарна.

Цагдаа болон онцгой байдлын албанаас аялал, зугаалгаар явахдаа гол, уснаас хол буух, бага насны хүүхдэд тогтмол хараа хяналтаа тавих, гол усанд унах, живэхээс сэргийлэх, насанд хүрсэн иргэдийг архи, согтууруулах ундаа хэрэглэсэн үедээ гол ус руу орохгүй байх сэрэмжлүүлгийг удаа дараа өгч байгаа боловч иргэд гол усанд эндэх, осолдох байдал тасрахгүй байгааг мэдээллээ. Тухайлбал,

• Төв аймгийн Лүн сумын нутагт Туул голын усанд 2021 оны долдугаар сарын 9-ний өдөр С.С /эр.15н/ живж нас барсан хэргийг Төв аймаг дахь цагдаагийн газар шалгаж байна. Амь хохирогч усанд сэлж байгаад хөл алдаж живжээ. Онцгой байдлын албаны алба хаагч нар эрэн хайх ажиллагаа явуулж байгаа бөгөөд одоогоор хүүхдийн цогцос олдоогүй байна.
• Сэлэнгэ аймгийн Зүүнбүрэн сумын харъяат иргэн С.Д /эр.58н/, Н.Н /эм.50н/ нар нь долдугаар сарын 4-ний өдөр согтуурсан үедээ “Nissan Xtrail” маркийн тээврийн хэрэгсэлтэй гэрээсээ гараад сураггүй алга болсон хэргийг Сэлэнгэ аймаг дахь цагдаагийн газар шалгалгалтын ажиллагаа явуулахад 9-ний өдөр Сэлэнгэ голын эргээс иргэн С.Д-ийн цогцос олджээ. “Nissan Xtrail” маркийн тээврийн хэрэгсэл болон Н.Н /эм50н/ олдоогүй голд живсэн байж болзошгүй байгаа тул эрэн хайх ажиллагаа явагдаж байна.

Иймд иргэддээ хандаж амралт зугаалга, аялалаар явахдаа гол уснаас хол буух, ялангуяа хүүхдүүдээ гол усанд оруулахгүй байх, насанд хүрсэн иргэд архи, согтууруулах ундаа хэрэглэсэн үедээ гол усанд орохгүй байж өөрийн болон бусдын амь насыг эрсдэлд оруулахгүй байхыг ЦЕГ-аас сэрэмжлүүллээ.

Pfizer/BioNTech компаниуд вакциныхаа коронавирусийн Дельта хувилбараас хамгаалах гурав дахь тунг гаргахаар бэлдэж байгааг өчигдөр зарлажээ.

Хэдхэн сарын өмнө Энэтхэгт анх илэрсэн Дельта хувилбар нь халдварлах чадвар хамгийн өндөртэй вируст тооцогдож байгаа. Уг хувилбар өнөөдөр дэлхийн олон оронд тархаж, вакцинжуулалтын хувь өндөр улс орнуудад ч өвчлөлийг нэмэгдүүлж байна.

Pfizer/BioNTech компаниуд вакциныхаа Дельта хувилбарын эсрэг үйлчилгээтэй гурав дахь тунг бүртгүүлэх хүсэлтийг ойрын үед АНУ, Европ болон бусад улс орнуудын засгийн газарт гаргахаар болжээ.

Туршилтын эхний үр дүнгээс харвал гурав дахь тун нь коронавирусийн анхны хувилбар болон Бета хувилбараас (Өмнөд Африкаас гаралтай) хамгаалах чадварыг эхний хоёр тунтай харьцуулахад 5-10 дахин өсгөж байгаа гэнэ.

Дельта хувилбарын эсрэг хамгаалалт мөн ийм түвшинд хүрэх төлөвтэй байгааг мэдээлжээ.

Гэхдээ вакцины гурав дахь тун хэрэгтэй эсэх асуудал маргаантай хэвээр байна. Тухайлбал АНУ-ын Хүнс, Эмийн хэрэг эрхлэх газраас саяхан гаргасан мэдэгдэлд “Вакцинжуулалтад бүрэн хамрагдсан Америкчуудад одоогоор нэмэлт тун хэрэггүй гэж үзэж байна” гэжээ.

Дельта хувилбараас хамгаалахад бүрэн вакцинжуулалт чухал болохыг Пүрэв гарагт Nature сэтгүүлд нийтлэгдсэн Францын Пастерын хүрээлэнгийн эрдэмтдийн туршилтын үр дүн харуулсан юм.

Лабораторид явуулсан туршилтаар Pfizer болон AstraZeneca вакцины эхний тунг тариулсан хүмүүсийн биед Дельта хувилбараас хамгаалах эсрэг биет маш бага хэмжээтэй үүсч байжээ. Харин хоёр дахь тунг тариулсны дараа Дельта хувилбараас хамгаалахад хангалттай хэмжээний эсрэг биет үүссэн байна.

Мөн вакцинжуулалтад хамрагдаагүй, коронавирусийн халдвараар өвчилж эдгэрсэн хүмүүсийн бие дэх Дельта хувилбарын эсрэг биетийн хэмжээ вакцинжуулалтад бүрэн хамрагдсан хүмүүсийнхээс дөрөв дахин бага байгааг Францын эрдэмтэд тогтоожээ.

Коронавирусийн Дельта хувилбараас хамгаалагдахад өвчилж үүссэн байгалийн дархлаа хангалттай биш, бүрэн вакцинжуулалт зайлшгүй шаардагатай гэж эрдэмтэд эндээс дүгнэсэн байна.

Тусгаарлан ажиглах байр шаардлагагүй буюу вакцины бүрэн тунд хамрагдаад 14 хоносон, КОВИД-19 халдвараар өвчлөөд эдгэсэн зорчигч тээвэрлэн ирэх тохиолдолд агаарын тээвэрлэгчид Сөүл чиглэлээс бусад чиглэлд нэмэлт нислэгийн зөвшөөрөл олгох боломжтой аж.

Тасалбар борлуулалт болон нислэг төлөвлөлтийн арга хэмжээ хэвийн горимд шилжиж байгаа тул батлагдсан нислэгийн хуваарийн дагуу тасалбар худалдан авах иргэд агаарын тээвэрлэгчдэд шууд хандана уу гэж ИНЕГ-аас мэдээллээ.

Доорх хуваарь нь цар тахлын нөхцөл байдлаас шалтгаалж Засгийн газар, Улсын онцгой комиссын шийдвэртэй уялдуулах өөрчлөгдөх боломжтой юм.

Тулгар төр байгуулагдсаны 2230 жил, Их Монгол Улсын 815 жил, Ардын хувьсгалын 100 жилийн ойг тохиолдуулан хүмүүнлэг, энэрэнгүй ёсны зарчмыг удирдлага болгон коронавируст халдвар /КОВИД-19/-ын цар тахлын нийгэм, эдийн засагт үзүүлэх сөрөг нөлөөллийг бууруулах зорилгоор зарим гэмт хэрэг, зөрчил үйлдсэн хүн, хуулийн этгээдийг эрүүгийн хариуцлага, зөрчлийн болон бусад шийтгэлээс нэг удаа өршөөн хэлтрүүлэх, чөлөөлөх, хасах, ялын төрлийг солихтой холбогдсон харилцааг зохицуулахаар болсон билээ.

Энэ хүрээнд 2017 оны долдугаар сарын 1-нээс 2021 оны зургадугаар сарын 24-ний хугацаанд тээврийн хэрэгсэл жолоодох эрхээ хасуулсан жолооч нарын эрхийг сэргээсэн болохыг ЦЕГ-ын Бүртгэл хяналтын төвөөс мэдээллээ.

Орон даяар өрнөж байгаа “Дасгал хөдөлгөөн хийцгээе” сарын аяны гүйлтийн үйл ажиллагааг дэмжин хөнгөн атлетикийн ахмад тамирчин, Олон улсын хэмжээний мастер Б.Болдбаатар “Говь-Алтай-Завхан-Архангай-Улаанбаатар” чиглэлийн 1250 км замыг туулахаар энэ сарын 15-нд Жанчив баатрын талбайгаас замдаа гарсан билээ.

Б.Болдбаатар 15 хоногийн хугацаанд Ганцын даваа, Загастайн даваа, Солонготын даваа, Цагаан давааг туулан Архангай аймгийг дайран долдугаар сарын 8-ны өдрийн байдлаар 1185 км туулж Төв аймгийн Баянцогт суманд хүрсэн байна. Тэрээр цаг агаарын нөхцөл байдлаас шалтгаалан өдөрт 42-50 км зам туулж байгаа бөгөөд ийнхүү гүйсээр энэ сарын.11-ний 11-12 цагт Сүхбаатарын талбайд бариандаа орох ажээ.