Month: February 2021

Сүхбаатарын талбайд 1 иргэн өөр дээрээ бензин асган шатаасан хэрэг дөнгөж сая гарлаа.

Тухайн үед ойрхон явсан иргэд галыг унтраасан боловч эмнэлгийн тусламж авч чадалгүй нас баржээ. Дуудлагаар ирсэн түргэн тусламжийн эмчийн хэлж буйгаар өөрийгөө шатаасан иргэн 34 настай эрэгтэй хүн байсан бөгөөд тусламж үзүүлэхээр ирэхэд нас барсан байсан гэдэг мэдээлэл өгөв.

Хэргийг харьяаллын дагуу Сүхбаатар дүүргийн Цагдаагийн хэлтэст шалгаж эхэлжээ

Тэтгэвэр өвлөгддөг болно. Энэ тухай Хөдөлмөр нийгмийн хамгааллын сайд А.Ариунзаяа өөрийн цахим хуудаснаа нийгмийн даатгалын, тэр дотроо тэтгэврийн тогтолцооны шинэтгэлийн талаар товчхон мэдээлэл өгөв.

Тэрбээр “Төрөөс тэтгэврийн шинэчлэлийн талаар баримтлах бодлого батлах тухай хуулийг 2015 онд баталсан байдаг. Түүний дагуу Монгол Улс олон давхаргат тогтолцоонд шилжинэ. https://www.legalinfo.mn/annex/details/6790?lawid=11108

Хаврын Чуулганаар багц хууль батлуулахаар ажиллаж байгаа бөгөөд эхний ээлжинд 4 хуулийн үзэл баримтлал боловсруулж дууссан. Одоо нэг хууль үлдсэн.

Процессын хувьд тодорхой шат дараалалтай явагддаг.

• Тэтгэврийн шимтгэлийн хувьд яг одоо ажил олгогч, ажилтан тус бүр 8.5 хувийг 07 сарын 01 хүртэл төлнө. 2017 онд ОУВС-ийн хөтөлбөрт нэгдэхдээ тэтгэврийн шимтгэлийн 2020 онд ажилтан, ажил олгогч нийлээд 19 хувьд хүргэх болсон нь 2007 оны түвшинд буцаан авчирсан хэрэг. Цар тахлын үед Засгийн газрын зүгээр 2020 оны 04 сараас эхлэн хөнгөлөлт, чөлөөлөлтийн бодлого хэрэгжүүлж ирсэн. Цаашид нөхцөл байдал дээрдэхгүй болэнэхүү бодлого мэдээж үргэлжилнэ.

Бидний хувьд харин Тогтолцооны шинэтгэлд анхаарлаа илүүтэй хандуулан ажиллаж байна” гэжээ.

Монгол Улсын Ерөнхийлөгч Х.Баттулга сар шинийн баярын босгон дээр эрхэлсэн ажилдаа амжилт гаргасан салбар бүрийн төлөөллийг төрийн алдар, цолоор шагнах зарлиг гаргаж, шагналыг нь гардууллаа. Төв аймгийн Баянжаргалан сумын харьяат, Монгол Улсын гавьяат малчин Х.Ренцэндоржийг хөдөлмөрийн баатар цолоор шагнууллаа.

Монгол Улсын Гавьяат жүжигчин С.Батсүх Ардын жүжигчин цолоор шагнууллаа.

Тулгар төрийн 2230 жил, Их Монгол Улс байгуулагдсаны 815 жил, Ардын хувьсгалын 100 жил, Ардчилсан хувьсгалын 32 жилийн ой, Монголын үндэсний уламжлалт цагаан сарын баярыг тохиолдуулан эрхэлсэн ажилдаа олон жил үр бүтээлтэй ажилласан аж үйлдвэр, эрүүл мэнд, болосрол, хөдөө аж ахуй, барилга, соёл урлаг, нийгэм үйлчилгээний салбарын хүмүүст шагналыг гардуулж байна.

Ард түмэндээ Завханы хэмээн танигдсан С.Батсүх өнөөдөр төрийн тэргүүнээс Ардын жүжигчин цол тэмдгээ гардсан юм.

Монгол телевизийн дэд захирал, нэвтрүүлэгч С.Чимгээ Монгол Улсын Соёлын гавьяат зүтгэлтэн цолоор өнөөдөр шагнууллаа.

Тэрбээр СУИС-ийн жүжигчний ангийг төгсөж, МҮОНРТ-ээс ажлын гараагаа эхэлсэн. Өдгөө Монгол телевизийн дэд захирлаар ажиллаж байна.

Монголын үндэсний сагсан бөмбөгийн холбооны ерөнхий нарийн бичгийн дарга, сагсанбөмбөгийн 3х3 төрлийн үндэсний шигшээ багийн дасгалжуулагч Сүхбаатарын Тулга Монгол Улсын Гавьяат дасгалжуулагч боллоо.

Тэрбээр сагсанбөмбөгийн салбараас гавьяат цол хүртэж буй гурав дахь дасгалжуулагч бөгөөд өнгөрсөн хугацаанд багийн спортын төрлөөр тив, дэлхийн тэмцээнээс нийт 27 медаль хүртэхэд дасгалжуулагчаар ажилласан байна.

Тулгар төрийн 2230 жил, Их Монгол Улс байгуулагдсаны 815 жил, Ардын хувьсгалын 100 жил, Ардчилсан хувьсгалын 32 жилийн ой, Монголын үндэсний уламжлалт цагаан сарын баярыг тохиолдуулан эрхэлсэн ажилдаа олон жил үр бүтээлтэй ажилласан аж үйлдвэр, эрүүл мэнд, болосрол, хөдөө аж ахуй, барилга, соёл урлаг, нийгэм үйлчилгээний салбарын хүмүүст шагналыг гардуулж байна.

С.Тулга дөнгөж сая Ерөнхийлөгчөөс цол тэмдгээ гардан авлаа.