Монголын хөрөнгийн биржид шинээр бүртгэгдэн хувьцаат компани болж буй, банк бус санхүүгийн салбарын тэргүүлэгч компани болох “Инвескор ББСБ” ХК-ийн үнэт цаасны анхдагч зах зээлийн арилжааны захиалгыг эхлүүлсэнтэй холбогдуулан цан цохих ёслолын үйл ажиллагаа өнөөдөр боллоо.
Энэхүү арга хэмжээнд Санхүүгийн зохицуулах хорооны дарга С.Даваасүрэн, Монголын хөрөнгийн биржийн Гүйцэтгэх захирал Х.Алтай, “Инвескор ББСБ” ХК-ийн ТУЗ-ийн дарга Б.Анхболд, Гүйцэтгэх захирал Д.Баясгалан, “Ти Ди Би Капитал ҮЦК” ХХК-ийн Гүйцэтгэх захирал С.Батчимэг, “Инвескор Капитал ҮЦК” ХХК-ийн Гүйцэтгэх захирал Г.Уянгахишиг нар оролцож Монголын хөрөнгийн биржийн 2019 оны 5 дугаар сарын 22-ны өдрийн арилжааг эхлүүлэн хүндэтгэлийн цанг цохилоо.
“Инвескор ББСБ” ХК нь нийт хувьцааныхаа 15 хувь буюу 10,759,188 ширхэг хувьцааг захиалгын бүртгэлийн аргаар нийтэд санал болгон, хөрөнгийн зах зээлээс 17.6-18.7 тэрбум төгрөгийг татан төвлөрүүлэхээр зорьж байна. Нийтэд санал болгох хувьцааны 85 хувийг стратегийн хөрөнгө оруулагчдад 1,650-1,750 төгрөгөөр, 15 хувийг олон нийтэд 1,550-1,650 төгрөгөөр тус тус санал болгон арилжаална.
Энэхүү IPO нь Монголын хөрөнгийн биржийн түүхэн дэх хувийн хэвшлийн хамгийн том IPO болж буйгаараа онцлог бөгөөд тус компанийн андеррайтераар “Ти Ди Би Капитал ҮЦК” ХХК, туслах андеррайтераар “Инвескор Капитал ҮЦК” ХХК ажиллаж байна.
“Инвескор ББСБ” ХК-ийн ОЛОН НИЙТЭД ЗОРИУЛСАН ҮНЭТ ЦААСНЫ ТАНИЛЦУУЛГА арга хэмжээ 2019 оны 5 дугаар сарын 22-ны өдрийн Лхагва гарагт 18:00 цагаас Шангри-ла зочид буудлын Ballroom танхимд болох тул хөрөнгө оруулагч та бүхнийг хүрэлцэн ирж ТҮҮХЭН IPO-нд оролцохыг урьж байна.
Бүртгүүлэх холбоос: http://bit.do/invescore-ipo
Мөн Та “ИНВЕСКОР ББСБ” ХК-ийн хөрөнгө оруулагч болохыг хүсвэл дараах зааврын дагуу анхдагч зах зээлийн арилжаанд оролцоно уу.
- Үнэт цаасны данс нээлгэх
- Мөнгө байршуулах
Монголын хөрөнгийн биржид бүртгэлтэй үнэт цаасны компаниудаас сонгон, үнэт цаасны дансаа нээлгэнэ.
Өөрийн үнэт цаасны дансанд хувьцаа худалдан авах мөнгөн хөрөнгийг дараах зааврын дагуу байршуулна.
|
Хүлээн авах банк |
Арилжааны төлбөр тооцооны төв |
|
Дансны нэр |
Таны нэр /Овог бичихгүй/ |
|
Дансны дугаар |
12 оронтой данс/Брокероос авах/ |
|
Гүйлгээний дүн |
Хувьцааны үнэ + Арилжааны шимтгэл |
|
Гүйлгээний утга |
Овог нэр, регистрийн дугаар |
3. Захиалга өгөх
ТиДиБи Капитал ҮЦК эсвэл өөрийн сонгон үйлчлүүлж буй үнэт цаасны компанидаа хандан, тухайн үнэт цаасны компанийн хүлээн зөвшөөрсөн дараах хэлбэрүүдээр арилжаанд оролцох захиалгаа өгөх боломжтой.
Өөрийн биеэр үнэт цаасны компанид хандан захиалга өгөх
Утсаар захиалга өгөх
Онлайн үйлчилгээгээр зайнаас захиалга өгөх
4. Хувьцаа эзэмшигч болох
Санхүүгийн зохицуулах хорооноос анхдагч зах зээлийн арилжааг амжилттай болсонд тооцож, хоёрдогч зах зээлийн арилжааг эхлүүлэх шийдвэрийг гаргаснаар таны үнэт цаасны дансанд хувьцаа байршина.
Нийгмийн Эрүүл мэндийн газраас сүрьеэгийн далд халдвар болон сүрьеэ өвчний хоорондын ялгааг танилцууллаа. Иргэд урьдчилан сэргийлэх үзлэгт хамрагдаж, өөрийгөө болон гэр бүл, ойр дотны хүмүүсээ сүрьеэ өвчний халдвараас урьдчилан сэргийлэх боломжтой юм.
Манай улсад 192 мянган төрийн албан хаагч ажиллаж байгаагийн 127 мянга буюу 66.3 хувь нь өөрийн өмчлөлийн орон сууцтай байна гэсэн судалгаа гарчээ. Тэдгээрийн 62 мянга нь боловсролын салбарын, 20 гаруй мянга нь эрүүл мэндийн салбарт ажиллагсад байгаа аж. Төрийн албан хаагчид дунджаар 60-70 ам.метр талбайтай, ам.метрийг нь 1.2 сая төгрөгөөр худалдан авах сонирхолтой байгаа тухай салбарын сайд мэдээлж байна. Мөн судалгаагаар 20 гаруй мянган төрийн албан хаагч орон сууц түрээслэн амьдрах сонирхолтой байгаагаа илэрхийлжээ. Түрээсийн орон сууц хөтөлбөрийн хүрээнд түрээсийн 1512 орон сууцны сан бүрдүүлсэн бөгөөд тэрхүү орон сууцны 25 хувь буюу 325 орон сууцанд төрийн албан хаагчид амьдарч байгааг сайд мэдээлэлдээ дурдсан. Мөн Хөгжлийн банкны санхүүжилтээр орон нутагт 570 айлын, нийслэл хотод 972 айлын, нийтдээ 1542 айлын орон сууцыг барьж ашиглалтад оруулахад бэлэн болоод байна гэлээ. Засгийн газраас эдгээр орон сууцыг түрээсээр олгохоор шийдвэрлэсэн нөхцөлд 414 айлын орон сууцыг төрийн албан хаагчид олгох боломж бүрдэх аж. Мөн БНСУ-ын 500 сая ам.долларын хөнгөлөлттэй зээлийн хөрөнгөөр нийслэлийн Баянголын ам, “Солонго-1”, “Солонго-2” хорооллуудыг дэд бүтцийн хамт барьж байгуулах бөгөөд энэ хөрөнгөөр ашиглалтад орох 7000 гаруй айлын орон сууцыг түрээсийн зориулалтаар ашиглаж боломж бий болох юм байна. Үүнээс 750 айлын орон сууцыг төрийн албан хаагчдад олгоно хэмээлээ. Мөн БНХАУ-ын 350 сая юаний буцалтгүй тусламжаар нийслэлийн Сүхбаатар дүүргийн есдүгээр хороо, Ногоон нуур орчимд 1008 айлын орон сууцыг барьж, ашиглалтад оруулж, эдгээр орон сууцуудыг гэр хорооллын дахин төлөвлөлтөд хамрагдсан айл өрхүүдийг түр суурьшуулах зориулалтаар ашиглахаар төлөвлөжээ.
