Монгол Улс, Бүгд Найрамдах Ардчилсан Солонгос Ард Улсын хооронд дипломат харилцаа тогтоосны 70 жилийн ойд зориулсан гэрэл зургийн үзэсгэлэнгийн нээлтийн арга хэмжээ өнөөдөр ГХЯ-нд боллоо. Арга хэмжээг нээж Монгол Улсын Гадаад харилцааны сайд Д.Цогтбаатар, БНАСАУ-аас Монгол Улсад суугаа Онц бөгөөд Бүрэн эрхт Элчин сайд Эрхэмсэг ноён О Сын Хо нар үг хэлэв.
Нээлтийн арга хэмжээнд Монгол, БНАСАУ-ын харилцааг хөгжүүлэхэд хувь нэмэр оруулж ирсэн улс төр, нийгмийн зүтгэлтнүүд, дипломатчид, олон нийтийн байгууллагын төлөөлөгчид болон БНАСАУ-ын ЭСЯ-ны ажилтнууд оролцлоо.
Сайд Д.Цогтбаатар хэлсэн үгэндээ “Монгол Улс, БНАСАУ-ын үе үеийн удирдагч нар бат бэх үндэс суурийг нь тавьсан хоёр улсын уламжлалт найрсаг харилцаа хоёр орны ард түмний хүсэл эрмэлзлэл, найрамдал нөхөрлөлд тулгуурлан он цагийн сорилт, шалгууруудыг даван туулж эдүгээ 70 нас хүрч байна. Монгол Улс БНАСАУ-тай 1948 оны 10 дугаар сарын 15-нд дипломат харилцаа тогтоож, бие биеийн бүрэн эрхт байдлыг харилцан хүлээн зөвшөөрсөн анд нөхөр болсон юм. Манай хоёр улс Солонгосын дайны хүнд хэцүү жилүүдэд Элчин сайдын яамдаа харилцан нээж байсан түүхтэй. Монгол Улс, БНАСАУ-тай тогтоосон уламжлалт найрсаг харилцаагаа цаашид ч хөгжүүлэхийн төлөө байна” хэмээн онцлов.
Элчин сайд О Сын Хо “Монгол Улс болон БНАСАУ нь олон улсын тавцанд харилцан бие биенээ хүлээн зөвшөөрсөн нь манай хоёр орны харилцааны түүхэнд шинэ хуудсыг нээсэн бөгөөд тэр цагаас эдүгээ хүртэлх 70 жилийн хугацаанд манай хоёр орны найрамдалт харилцаа, хамтын ажиллагаа олон салбарт бэхжин хөгжиж ирлээ. Манай ард түмний Аугаа их жолоодогч нөхөр Ким Ир Сен амьд сэрүүн байхдаа хоёр удаа Монгол Улсад айлчлан Монгол Улсын үе үеийн удирдлагатай хамт Солонгос, Монголын харилцааг хөгжүүлэх үндсийг тавьж өгсөн юм” гэв. Дипломат харилцаа тогтоосны 70 жилийн ойн хүрээнд урлаг, соёл, спортын болон бусад арга хэмжээнүүдийг хоёр талдаа зохион байгуулахаар төлөвлөөд байна.
Зээлийн No.: IDA 5039-MN
Говьсүмбэр аймаг дахь цагдаагийн хэлтсийн эрүүгийн ахлах мөрдөгч, цагдаагийн хошууч Ц.Батхуяг нь иргэний амь насыг аварчээ.
Нийслэлийн Засаг даргын Нийгмийн хөгжлийн асуудал хариуцсан орлогч Ш.Анхмаа Францын Реннес хотын орлогч дарга Шарлот Маршандизыг хүлээн авч уулзлаа. Уулзалтад нийслэлийн Агаарын бохирдлыг бууруулах газрын дарга Б.Цацрал, нийслэлийн Эрүүл мэндийн газрын орлогч дарга О.Баяр, Санте Сюд Монгол ТГ-ын тэргүүн, төслийн зохицуулагч Ц.Бөхөө, Санте Сюд Монгол ТГ-ын хөгжил хариуцсан ажилтан Л.Чанцалням болон бусад албаныхан оролцов. Албаныхан Улаанбаатар хотын агаарын чанарыг сайжруулахад эрүүл мэндийн салбарын оролцоо, салбар хоорондын хамтын ажиллагааны чиглэлээр хэрэгжүүлж болох шинэ төсөл, нийслэлийн холбогдох байгууллагуудтай хамтарч ажиллах боломжийн талаар харилцан санал солилцсон юм.
Бүгд Найрамдах Турк Улсад албан ёсны айлчлал хийж буй Монгол Улсын Их Хурлын дарга М.Энхболд тус улсын Ерөнхийлөгч Режеп Тайип Эрдоанд бараалхлаа.
Эрхэмсэг ноён Р.Т.Эрдоан Туркийн хөрөнгө оруулалтыг сонирхсон салбарт чиглүүлэхэд тус дөхөм үзүүлэхэд бэлэн байгаагаа нотлов. Тэрбээр Монгол Улс, Монголын ард түмнийг бид ах дүүсээ хэмээн хүндэтгэдэг хэмээн онцлоод, боловсрол, иргэний агаарын тээвэр, хот байгуулалт, хөрөнгө оруулалтын зэрэг салбарт хамтран ажиллах зарим саналыг тавив. Тухайлбал, Орхоны хөндийг түшиглэсэн аялал жуулчлалын цогцолбор байгуулах талаарх Улсын Их Хурлын дарга М.Энхболдын саналыг дэмжиж байна гэв. Түүнчлэн Истанбул хотын даргаар ажиллаж байхдаа нийтийн тээврийн асуудлыг хэрхэн шийдэж байсан туршлагаасаа хуваалцаж, энэ чиглэлээр хамтран ажиллах боломжтой гэдгээ илэрхийллээ. Мөн хөдөө аж ахуйн салбар, түүхий дотор мах, махан бүтээгдэхүүний импорт хийх боломжийг судалж үзэхээ амлалаа.
Ноён Мустафа Туна өмнө нь Анкара хотын Синжан дүүргийн Засаг даргаар ажиллаж байхдаа нийслэлийн Чингэлтэй дүүрэгтэй хамтын ажиллагаа тогтоож, айлчлалын бүрэлдэхүүнд багтан яваа Улсын Их Хурлын гишүүн Д.Ганболдыг тус дүүргийн Засаг дарга байхад элэгсэг дотноор хамтран ажиллаж, ажил хэргийн анд нөхөд болсноо тэмдэглэлээ.
Улсын Их Хурлын дарга М.Энхболд ноён Мустафа Тунаг БНТУ-ын нийслэл Анкара хотын даргаар ажиллах болсонд нь баяр хүргэж, ажлын амжилт хүсээд, Улаанбаатар хотод зочилж, хоёр хотын хамтын ажиллагааг өргөжүүлэхэд онцгой анхаарна гэдэгт итгэж байгаагаа илэрхийлэв. Тэрбээр Анкара хотын бүтээн байгуулалтын туршлагаас монгол анд нөхөдтэйгээ хуваалцаж, Улаанбаатар хотын агаар, орчны бохирдлыг бууруулах, зам тээврийн тулгамдсан асуудлыг шийдвэрлэх, хот тохижилтыг шинэ шатанд гаргах зэрэг чиглэлээр харилцан ашигтай хамтран ажиллахын чухлыг онцоллоо.
Энэ өдөр Улсын Их Хурлын дарга М.Энхболд тус хотод буй Чингис хааны цэцэрлэгт хүрээлэнд зочилж, Эзэн Богдын дурсгалын хөшөөнд цэцэг өргөлөө. Тэрбээр энэхүү хүрээлэнг бий болгох, хөшөө босгох санаачилгыг Улаанбаатар хотын даргаар ажиллаж байхдаа гаргаж байжээ. Энэ нь Чингис хааны гадаад орон дахь анхны хөшөө болж байсан түүхтэй юм байна.
Тэрбээр ярилцлагадаа Монгол Улсын нийгэм, эдийн засгийн өнөөгийн байдал, цаашдын зорилтын талаар танилцуулж, Монгол-Туркийн найрсаг, ах дүү ёсны харилцаа, хамтын ажиллагааг зөвхөн парламентын түвшинд биш, бүхий л салбарт илүү өндөр түвшинд, үр ашигтай хөгжүүлэх талаарх санал бодлоо илэрхийллээ гэж Улсын Их Хурлын Хэвлэл мэдээлэл, олон нийттэй харилцах хэлтсийн ажилтнууд Анкара хотоос мэдээлэв.
Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооноос байгуулагдсан Мэргэжлийн боловсрол, сургалтын тухай хуулийн хэрэгжилттэй танилцаж, цаашид авч хэрэгжүүлэх арга хэмжээний талаар санал дүгнэлт, шийдвэрийн төсөл боловсруулж тус Байнгын хороонд танилцуулах үүрэг бүхий Ажлын хэсгийн ахлагч, УИХ-ын гишүүн Б.Саранчимэг өнөөдөр (2018.03.09) Мэргэжлийн боловсрол, сургалтын үнэлгээний төвийн үйл ажиллагаатай танилцав.
Тэрбээр, Засгийн газрын 2016-2020 оны үйл ажиллагааны хөтөлбөрийг хэрэгжүүлэх арга хэмжээний төлөвлөгөөний хүрээнд хөдөлмөрийн эрэлт, ур чадвар, мэргэшлийн хэрэгцээнд нийцсэн мэргэжилтэй ажилтныг бэлтгэх тогтолцоог хөгжүүлж, мэргэжлийн боловсрол, сургалтын төвүүдийг хувийн хэвшлийн байгууллагуудтай хамтран ажиллах нөхцлийг бүрдүүлэхэд анхаарч ажиллаж байна гээд, “Мэргэжилтэй ажилтан” бодлогын хүрээнд 20000 доошгүй залуучуудыг Мэргэжлийн сургалт, үйлдвэрлэлийн төвд сурган, мэргэжил, ур чадвар эзэмшүүлэх зорилттой ажиллаж байна гэлээ.
З.Батсүрэн МУИС-ыг цөмийн технологич мэргэжлээр төгссөн. Румины Бухарестийн Политехникийн Их Сургуульд Цөмийн Инженерчлэл мэргэжлээр магистрийн зэрэг хамгаалсан. Геологийн төв лабораторид ажилладаг. Тэрээр удахгүй ОХУ-ын Дубнагийн Олон улсын цөмийн энергийн судалгааны төвд ажиллах юм байна.
Ниссан лиф машины салонд гар утасны Bluetooth холболт, цаг уурын автомат мэдрэгч ,хиймэл дагуулын радио , дөрвөн ширхэг стерео өсгөгчийг USB оролттойгоор байрлуулж өгчээ. Мөн “leaf spy” аппликейшныг гар утсандаа татаж, комьпютер оношлогооны төхөөрөмжийг машиндаа байршуулж өгөх боломжтой. Ингэснээр та машиныхаа аль эд анги доголдож буйг харж, ямар эд ангид хэдийд засвар үйлчилгээ хийх шаардлагтайг цаг алдалгүй хүлээж авах юм. 
Ниссан лифийн батарей литий ион нь Монгол орны эрс тэрс уур амьсгалтай нөхцөлд хэрэглэхэд хамгийн тохиромжтой юм. Учир нь целсийн -50 градус хүртэл хүйтэнд тэсвэртэй тул өвлийн улиралд дулаан гараашд байрлуулах шаардлагагүй. Та цахилгаан машинаар ус туулахад асуудалтай гэж санаа зовох хэрэггүй. Ниссан лифт 70 см-ийн өндөртэй, усыг туулах зориулалттай юм. Энэхүү төмөр хүлэг нь манай улсад нийтлэг хэрэглэгддэг Пирус 20 маркийн автомашинаас тэнхлэгээрээ өндөр, илүү хүчтэй тул туулах чадвараар илүү аж. 
Байт харвааны Азийн цомын аварга шалгаруулах тэмцээний нэгдүгээр шатны тэмцээн Тайландын Бангкок хотноо болж өндөрлөлөө. Энэ удаагийн тэмцээнд Монгол Улсын багийн тамирчид амжилттай оролцож багийн дүнгээр зургадугаар байр эзэлжээ.