Month: March 2017

Олон улсын эмэгтэйчүүдийн эрхийг хамгаалах өдрийг тохиолдуулан “Жендерийн тэгш байдлын төлөө хонх цохих” ёслол Монголын Хөрөнгийн биржид боллоо.

Уг арга хэмжээг Олон улсын Санхүүгийн корпораци, Монголын Хөрөнгийн Бирж, Компанийн засаглалын хөгжлийн төв, “Women Corporate Directors” Монголын салбар, МҮХАҮТ-ын дэргэдэх Бизнес Эрхлэгч Эмэгтэйчүүдийн зөвлөл хамтран зохион байгуулсан юм.

Энэхүү арга хэмжээг бизнес болон тогтвортой хөгжилд жендерийн тэгш байдлын чухлыг олон нийтэд таниулах зорилгоор дэлхийн 40 гаруй орон нэгдэж гурав дахь удаагаа зохион байгуулж байна. Гадны улс орнуудын Хөрөнгийн биржүүд, НҮБ-ын Глобал компакт, Тогтвортой хөрөнгийн биржийн санаачлага, НҮБ-ын Эмэгтэйчүүд санаачлага, ОУСК, Дэлхийн биржүүдийн холбоо, Women in ETF зэрэг байгууллагууд нэгдэн “Жендерийн тэгш байдлын төлөө хонх цохих” ёслолын арга хэмжээг өнөөдөр нэгэн зэрэг зохион байгуулжээ.

Нийгмийн амьдралд эрэгтэй, эмэгтэйчүүд тэгш оролцох, хяналт тавих, шийдвэр гаргах боломжийг бүрдүүлэх, жендэрийн тэгш байдлыг хангах бодлогыг салбар, орон нутгийн онцлог, эдийн засаг, нийгмийн хөгжлийн чиг хандлагатай нягт уялдуулах шаардлагатай байгааг албаныхан хэлж байна. Түүнчлэн жендерийн тэгш байдлыг хангахад чиглэсэн бүхий л санаачилгыг урамшуулан дэмжих, энэ чиглэлийн мэдээлэл хүртээмжтэй байх, үйл ажиллагааны ил тод байдлыг хангах нь чухал гэдэгт дээрх байгууллагуудын төлөөлөл саналаа нэгтгэлээ.

Малын гоц халдварт шүлхий өвчин Дорнод, Сүхбаатар, Хэнтий аймагт шүлхий өвчин гарсны улмаас аймгуудын Мал эмнэлэг, үржлийн газраас 2000 малыг устгалд оруулжээ.

Шүлхий өвчин дэгдсэн Дорнод, Сүхбаатар, Хэнтий аймагт нийт 3.8 сая тун вакцин хүргүүлж, дөрөв гаруй сая малыг вакцинд хамруулжээ. Хэнтий аймагт нэмж 800 мянган малыг вакцинжуулахаар болсон байна.

Одоогийн байдлаар дээрх аймгуудын 10 суманд хорио цээрийн дэглэм тавигдаагүй байна. Мал эмнэлэг, үржлийн газрын мэдээлж байгаагаар ирэх 10-ны өдөр хорио цээрийн дэглэм цуцлагдах төлөвтэй байгаа юм.

Өдрийн сонин болон Голомт банк хамтарч иргэдийн санхүүгийн боловсролыг дэмжих зорилготой монголын хамгийн анхны “Гурван гийгүүлэгч” реалити цуврал нийтлэлийг 2016.11.22-ны өдрөөс эхлэн нийт 26 дугаарыг уншигчиддаа хүргэлээ.

Юун түрүүнд “Гурван гийгүүлэгч” нийтлэлийн гол дүрүүд болох Б.Номин, Д.Бямбатогоо, О.Сэржмядаг нартаа уншигчдынхаа өмнөөс халуун талархал илэрхийлье.

Тэд элдэв нарийн тоо бодуулж, онолдоогүй юм. Бусадтай л адил эгэл жирийн амьдралтай эдгээр бүсгүйчүүд маань өөрт болон гэр бүлдээ тохиолддог санхүүгийн хэрэгцээ, орлого, зарлага, хуримтлал, өр зээл зэрэг асуудлуудаа хэрхэн шийдвэрлэж буй арга туршлагаа бусадтай хуваалцаж ирсэн билээ.

Чамгүй олон уншигчдын зүгээс эдгээр бүсгүйчүүдийн зөвлөгөөг амьдралдаа хэрэгжүүлэн, хуримтлал үүсгэн, тодорхой үр дүнд хүрч буйгаа илэрхийлсэн нь бидний хамтын ажиллагаа зорилгодоо хүрснийг илтгэж байна.

Ингээд дөрвөн сарын хугацаанд санхүүгийн боловсролд суралцсан нийт уншигчиддаа болон “ГУРВАН ГИЙГҮҮЛЭГЧ” бүсгүйчүүддээ халуун талархал илэрхийлж, өндөр амжилтыг хүсье.

ГУРВАН ГИЙГҮҮЛЭГЧ

Иймээс бид иргэдэд санхүүгийн боловсрол олгох зорилгоор монголд анх удаа реалити нийтлэл бичихээр шийдсэн юм. Бид гурвын хувьд сэтгүүлч, санхүүч, эдийн засагч сэтгэл судлаач гээд тэс өөр мэргэжилтэй ч гэр бүлийнхээ “ГИЙГҮҮЛЭГЧ” гэдэг нэг адил талтай байсан. Нөгөө талаар бидний нэр ч гийгүүлэгчээр эхэлж байсан тул монголын хамгийн анхны реалити нийтлэлээ “ГУРВАН ГИЙГҮҮЛЭГЧ” хэмээн нэрлэсэн билээ.

Цуврал нийтлэлийнхээ эцсийн үр дүнд бид Монгол хүн бүр санхүүгийн боловсролтой, айл өрх бүр хуримтлалтай, улс орон эдийн засгийн дархлаатай болно гэдэгт итгэл төгс байсан бөгөөд тодорхой хэмжээнд зорилгодоо хүрсэн гэдэгт итгэлтэй байна. Ингээд бидний нийтлэлийг сонирхон уншиж, амьдралдаа хэрэгжүүлж буй уншигч танд халуун талархал илэрхийлье.

Тун удахгүй бид “3 giiguulegch” нэртэй facebook хуудсаараа дамжуулан сонирхолтой мэдээллийг та бүхэндээ хүргэж, сонирхсон асуултанд танв хариулж, та бүхэнтэйгээ ямагт хамт байх болно.

“Амьдрал бол тулаан юм. Тэмцэж, зүтгэж чадвал та энэ тулаанд ялалт байгуулна.”

Танд амжилт хүсье.

Замын хөдөлгөөний удирдлагын төвийн серверт хууль бусаар нэвтэрч жолооч нарын торгуулийг устгадаг этгээдийг цагдаа нар баривчилжээ. Сонгинохайрхан дүүргийн 20 дугаар хороонд оршин суудаг 25 настай Т гэх залуу энэ хэргийг үйлдсэн байна. Тэрээр бусадтай тохиролцон Замын хөдөлгөөний удирдлагын төвийн серверт нэвтэрч жолооч нарын торгуулийг устгаж өгөн хариуд нь мөнгө авдаг байжээ.

Энэ хэргийн улмаас улсад их хэмжээний хохирол учирсан нь тогтоогдсон байна. Хэргийг Эрүүгийн цагдаагийн газрын Цахим гэмт хэрэгтэй тэмцэх хэлтэст шалгаж байна.

О.ӨНӨР