24 жилийн өмнө баталсан Хилийн тухай хуулийг УИХ-аас өнгөрсөн оны арванхоёрдугаар сарын 28-нд шинэчлэн баталсан билээ. Тэгвэл өнөөдөр хуулийн эх бичвэрийг ХХЕГ-т гардуулах ёслол боллоо. Хуулийн эх гардуулах ёслолын ажиллагаанд УИХ-ын гишүүн, ЗГ-ын гишүүн, ХЗДХ-ийн сайд С.Бямбацогт, УИХ-ын Хууль зүйн байнгын хорооны дарга Ш.Раднаасэд, ХЗДХЯ-ны Төрийн нарийн бичгийн дарга Г.Баясгалан болон хууль боловсруулах ажлын хэсгийн гишүүд, ХХЕГ-ын бие бүрэлдэхүүн оролцов.
Ёслолын ажиллагааг нээж хэлсэн үгэндээ Хууль зүй, дотоод хэргийн сайд С.Бямбацогт, “Үндсэн хуульд Монгол Улсын хилийг хуулиар бататгана. Монгол Улсын хил халдашгүй дархан байна” хэмээн заасан билээ. Үндсэн хуулийн энэхүү тулгуур хэм хэмжээг хэрэгжүүлэх, хилийн аюулгүй байдлыг хангах, эрх зүйн орчныг бүрдүүлэх үүднээс 1993 онд Монгол Улсын Хилийн тухай бие даасан хууль батлагдан мөрдөгдөж эхэлсэн бөгөөд улс орон нийгмийн шинэ харилцаанд шилжих явцад түүхэн үүргээ бодитойгоор биелүүлж чадсан юм. Монгол Улсын нэгдэн орсон олон улсын гэрээ конвенц, 2010 онд батлагдсан Үндэсний аюулгүй байдлын үзэл баримтлал, 2002 онд УИХ-ын тогтоолоор батлагдсан Төрөөс хилийн талаар баримтлах бодлого зэрэг тулгуур баримтлалтай нийцүүлэн УИХ-аас өнгөрсөн онд Хилийн тухай хуулийг шинэчлэн баталлаа” гэсэн юм. Мөн сайд С.Бямбацогт хилчдэд хандан ”-Хил хамгаалах байгууллагын бие бүрэлдэхүүн хуулиа сайтар судалж, хуулиар хүлээсэн чиг үүргээ хилчин нэг бүр бүрэн хэрэгжүүлж ажиллах
-Хуулийн хэрэгжилтийг хангах зорилгоор Засгийн газар болон ХЗДХЯ-ны төвшинд батлагдан гарах эрх зүйн хэм хэмжээний актуудыг шуурхай боловсруулж, батлуулах
-Бүс нутаг, хил залгаа орнуудын хэмжээнд терроризм, үндэстэн дамнасан зохион байгуулалттай гэмт хэрэг, улсын хилээр хар тамхи, мансууруулах болон сэтгэцэд нөлөөлөх бодис, хүн худалдаалах, зэвсэг хэрэгслийг хууль бусаар нэвтрүүлэх гэмт хэрэг, зөрчлийг илрүүлж, таслан зогсоох, хуулиар хүлээлгэсэн чиг үүргийг онцгой анхаарч ажиллах
-Улсын хилээр зорчигч болон тээврийн хэрэгслийг нэвтрүүлэх ажиллагааг шуурхай, чирэгдэлгүй зохион байгуулж, хилийн боомтын аюулгүй байдлыг найдвартай хангаж, боомт дээр гарч болзошгүй хууль бус үйлдлээс урьдчилан сэргийлэх, илрүүлэх, таслан зогсооход үйл ажиллагаагаа чиглүүлж ажиллах
-Улсын хил хамгаалалт, шалган нэвтрүүлэх ажиллагаанд орчин үеийн өндөр технологийг өргөнөөр нэвтрүүлэх, бүрдүүлэх талын арга хэмжээг авах
-Монгол Улсын хилийн аюулгүй байдлыг хангах өндөр хариуцлагатай албыг зөвхөн хилийн албанд чин сэтгэлээ өгсөн хүн хашиж чаддагийг анхаарч, хүний нөөцийн бэлтгэх, сургахад онцгой анхаарал хандуулж ажиллахын хамт албаа урвуулж ашиглах, эрх мэдлээ хэтрүүлэх, иргэдтэй зохисгүй харилцах явдалтай хил хамгаалах байгууллагын удирдлага эвлэрэхгүй тэмцэхийг үүрэг болгож байна” гэлээ.
Ёслолын арга хэмжээний үеэр ХХЕГ-ын дарга, хошууч генерал Ц.Сэргэлэн Хилийн тухай хуулийг боловсруулж, батлуулахын төлөө тууштай ажилласан ажлын хэсгийн гишүүдэд талархал илэрхийлээд, Хууль зүй, дотоод хэргийн яамны Төрийн нарийн бичгийн дарга Г.Баясгалан, тус яамны газрын дарга П.Сайнзориг, Т.Нармандах нарт Хил хамгаалах албаны тэргүүн дээд шагнал“Сүлдэт багана” шагналыг гардууллаа.
Нийгэмдээ хувь нэмрээ оруулах, өөрийгөө хөгжүүлэх чин хүсэл эрмэлзэлтэй залуучуудыг Зориг сан, Конрад Аденауэр Сантай хамтран хэрэгжүүлж буй ОРОН НУТГИЙН БАЙГАЛЬ ОРЧНЫ МАНЛАЙЛАЛ ХӨТӨЛБӨР-төө урьж байна.
Нийслэлийн Засаг даргын зөвлөлийн хурал Хангарди ордонд болж байна. Өнөөдрийн хурлаар Нийслэлийн Засаг даргын захирамжаар байгуулагдсан Авто худалдааны цогцолбор ОНӨААТҮГ-ын нөхцөл байдлыг судлах, санал боловсруулах үүрэг бүхий ажлын хэсэг танилцуулга хийнэ. Мөн нийслэлийн нутаг дэвсгэрт баригдаж буй зөвшөөрөлгүй барилга, барилгын суурь ухсан газруудад хийсэн хяналт шалгалтын талаар болон Агаар, орчны бохирдлыг бууруулах талаар авах арга хэмжээний төлөвлөгөөний хэрэгжилтийн явцын талаар танилцуулна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Орхон аймгийн цагдаагийн газраас архины хамааралтай, согтууруулах ундаа тогтмол хэтрүүлэн хэрэглэдэг, гаргасан зөрчлийн байдал зэргийг судлан үзэж 20 иргэнийг архинаас гаргах албадан эмчилгээнд хамруулахаар болсон байна.
Олон улсын эмэгтэйчүүдийн эрхийг хамгаалах өдрийг тохиолдуулан 3 дугаар сарын 8-ны өдөр Эрүүл мэндийн сайд А.Цогцэцэг, Эрүүл мэндийн дэд сайд Л.Бямбасүрэн нараар ахлуулсан холбогдох албаны хүмүүс Эх, хүүхдийн эрүүл мэндийн үндэсний төв, Өргөө, Хүрээ, Амгалан амаржих газруудад болон Гурван гал эмнэлгүүдэд ажиллалаа.
Олон улсын эмэгтэйчүүдийн баяраар улс орон бүрт эмэгтэйчүүд эрхээ хамгаалахын төлөө дуу хоолойгоо нэгтгэн илэрхийлдэг уламжлал тогтжээ. Энэ жишгээр олон улс оронд янз бүрийн хэлбэрийн жагсаал цуглаан зохион байгуулагдсан байна. Манайд гэхэд Март-8 өдөр гурван нүцгэн эмэгтэй “оффшорчдыг зайлуул” гэсэн уриатайгаар Сүхбаатарын талбайд тайван жагсаал хийсэн бол Г.Ичинхорлоо тэргүүтэй эмэгтэйчүүд Монгол Улсаас Их Британи, Умард Ирландын Нэгдсэн Вант улсад суугаа элчин сайд С.Баярыг эсэргүүцэн, Лондон дахь Монгол Улсын Элчин Сайдын яамны үүдэнд маш олон лоозон, ухуулах хуудас барьж жагссан байна. Үүний дүнд маргааш тэднийг Монгол Улсаас Их Британи, Умард Ирландын Нэгдсэн Вант улсад суугаа элчин сайд С.Баяр хүлээн авч уулзахаар болжээ.
Өчигдөр эмэгтэйчүүдийн баярын өдөр Сүхбаатарын талбай дээр нэгэн содон жагсаал болов. Энэхүү жагсаалд гурван эмэгтэй хагас нүцгэнээр оффшорчдыг эсэргүүцэн үзэл бодлоо илэрхийлсэн юм. Тэд “хулгайлсан мөнгөө буцааж өг”, “хулгайч дарга нар боль”, “оффшорчдыг зайлуул” гэхчлэн лоозон урдаа зүүн, гартаа барьсан байлаа. Удалгүй цагдаа нар ирж тэдний үйлдлийг зогсоон албадан авч явсан байна. Учир нь тэд албан ёсоор жагсаал хийх зөвшөөрлөө аваагүй хэмээжээ.
Үүний дараахан жагсаалд оролцсон Б.Болор-Эрдэнэ өөрийн нүүр хуудсаар дамжуулан “Намайг Б.Болор-Эрдэнэ гэдэг. Та нар намайг хайгаад хэрэггүй. Би энэ жагсаалыг өөрөө санаачилж, өөрөө бий болгож хийсэн. Би энэ төр засагт бугшсан идээ бээрийг эх хүний хувьд арилгая гэж зориг гарган энэ жагсаалыг хийсэн. Бид л хийхгүй бол биднээс өөр хийх хүн үнэхээр алга байна. Хэн нэгэн зориглохгүй бол өөр зориглох ч хүн алга байна. Бид энэ жагсаалыг оффшорчдын эсрэг монголчуудын бүх баялгийг хулгайлж байгаа хулгайч, оффшорчдын эсрэг энэ тэмцлийг хийсэн. Эмэгтэйчүүд, хүүхдүүд бидэнд өнөөдөр баярлах шалтгаан байхгүй. Бидний тэмцэл үүгээр зогсохгүй ээ. Цагдаа нар ямар хурдан ажилладаг болоо вэ? Биднийг цагдаа тагнуулынхан хайгаад, сурвалжлаад гэр орноор яваад байна гэнэ. Ингэх ямар шаардлага байгаа юм бэ?” хэмээн бичлэгээр мэдэгдлээ.
Энэ өвөл хотын утаа урьдын адил гамшгийн түвшинд хүрч ханиад томууны дэгдэлт туйлдаа хүрч эмнэлгүүдийн ачаалал хэд дахин нэмэгдсэн билээ. Тэгвэл энэ үеэр гаргасан Засгийн газар хоёр арга хэмжээ авсан юм. Үүнд сурагчдын амралтыг сунгасан хийгээд хүүхдээ сахиж байгаа эцэг, эхчүүдэд цалинтай чөлөө олгох шийдвэр орсон. Тэгвэл нэгдүгээр сарын 2-ноос хэрэгжиж эхэлсэн цалинтай чөлөө олгох шийдвэр энэ сарын 1-нд дууссан байна.