Дорноговь аймгийн Засаг дарга П.Ганхуягийг Дорноговь аймгийн Замын-Үүд сумын нутаг дэвсгэрт баригдаж буй 700 хүний суудалтай спорт цогцолборын барилга угсралтын ажлын гүйцэтгэгч компани болох “Фронт гейт ХХК”-тай хамаатуулж, тендерийг будлиантуулсан талаарх нэвтрүүлэг телевизээр цацагдсан. Тиймээс Дорноговь аймгийн Засаг дарга П.Ганхуягийг шүүхэд хандан нэр төрөө сэргээлэхээ мэдэгдсэн билээ. Харин сэтгүүлч Л.Пүрэвням бэлтгэсэн нэвтрүүлэгтэй холбогдуулан өнөөдөр “Монгол ньюс”-ын мэдээллийн төвд хэвлэлийн бага хурал хийлээ.
Соёл спортын цогцолбор барихад нийт таван тэрбум 800 сая төгрөгийн тендерийг хууль бусаар “Фронт Гейт” компанид 2013 онд өгсөн гэж тэр онцолсон юм.
Түүнчлэн сэтгүүлч Л.Пүрэвням хэлэхдээ “Соёл, спорт цогцолборын барилгын үндсэн хийц бүтээцийг зураг төслийн дагуу гүйцэтгээгүй нь барилгын ажлын болон ашиглалтын үед иргэдийн эрүүл мэнд, амь нас, эд хөрөнгө хүрээлэн байгаа орчинд аюул учруулахгүй, бат бэх тогтвортой байх Барилгын тухай хуулийн 11 дүгээр зүйл заалтыг зөрчсөн. Мөн барилгын захиалагч, зураг төсөл зохиогч, гүйцэтгэгч байгууллагын хоорондын ажлын уялдаа холбоо хангалтгүй, дотоодын хяналт сул, инженер техникийн ажилтнуудын мэргэжлийн мэдлэг хангалтгүй, барилгын талбайн инженерүүдийг тогтвор суурьшилтай ажиллуулалгүй хэд хэдэн инженер сольсноос хариуцах эзэн нь тодорхой бус болсон. Ингэснээр барилгын норм ба дүрэм зөрчигдөж, барилга угсралтын ажил удааширч өнөөг хүрсэн” гэв.
Рэнцэндорж овогтой Ононг Зам тээврийн яамны Авто замын бодлогын хэрэгжилтийг зохицуулах газрын даргаар ажиллаж, нийтийн алба хаших үедээ хууль ёсны орлогоос гадна онц их хэмжээний эд хөрөнгө, орлого олж, хууль бусаар хөрөнгөжсөн гэмт хэрэгт холбогдуулан мөрдөн байцаалтын ажиллагаа явуулж байна гэсэн мэдээллийг АТГ өөрийн вэб сайтдаа мэдээлжээ.
Он гарснаас хойш эхний таван сарын байдлаар эмнэлэгт үзүүлж яваад бичиг баримт, эд зүйлсээ хулгайд алдлаа гэсэн дуудлага 63 бүртгэгджээ. Өвдөж зовсон, анхаарал сарнисан өвчтөнүүдийг ашиглан, эмчилгээний зардал, хэрэгтэй бичиг баримтыг нь хулгайлсан тохиолдол нэмэгдэж байгаа тул иргэд эмнэлэгт үзүүлэхдээ халаасны хулгайчаас болгоомжилж, сэрэмжтэй байхыг цагдаагийн газраас анхааруулж байна. ГССҮТ-ийн хүлээн авах тасгаар өдөрт 300 орчим хүн үйлчлүүлдэг. Гэнэтийн осол аваарт өртсөн эсвэл хайртай дотнын хүнээ бэртэж гэмтэхэд сандарч яваа иргэдийн зовлонг далимдуулан олз хайгчид олон болсныг эмч мэргэжилтнүүд ч анхааруулж байна.
Ардчилсан намын зарим хороод өнөөдөр хуралдаж сонгуульд нэр дэвшигчдээ тодруулж буй. Нийслэлийн Баянгол дүүргийн Ардчилсан намын салбар хороо хуралдаж, УИХ-ын дарга, Ардчилсан намын дарга З.Энхболд, Хүн амын хөгжил, нийгмийн хамгааллын сайд, УИХ-ын гишүүн С.Эрдэнэ, УИХ дахь Ардчилсан намын бүлгийн дэд дарга С.Одонтуяа, Баянгол дүүргийн Засаг дарга Д.Оросоо нарыг УИХ-н сонгуульд нэр дэвшүүлэхээр шийдвэрлэсэн байна.
Дархан-Уул аймгийн АН өнөөдөр хуралдаж 2016 оны УИХ-ын сонгуульд өрсөлдөх нэр дэвшигчдээ тодруулжээ. Хүнс хөдөө аж ахуйн сайд Р.Бурмаа, УИХ-ын Аюулгүй байдал, гадаад бодлогын байнгын хорооны дарга М.Сономпил, Дархан-Уул аймгийн АН-ын дарга Н.Мөнхдаш нар тодорсон байна. Нэрсийг тавдугаар сарын 27-нд болох Ардчилсан намын Үндэсний зөвлөлдөх хороонд оруулах юм.
Засгийн газраас соёл урлагийн салбарын “Оны шилдэг бүтээлч шалгаруулах журам”-ыг 2008 онд баталсан. Уг журмын дагуу жил бүр оны шилдэг уран бүтээлчийг шалгаруулсаар ирсэн бөгөөд энэ жил найм дахь удаагаа шилдгийг шалгаруулж “Мөнгөн мод” цомыг гардууллаа.
Үндсэн хуулийн Цэцийн дунд суудлын өнөөдрийн хуралдаанаар Иргэний хуульд нэмэлт, өөрчлөлт оруулах тухай хуулийн зарим зүйл, заалт Үндсэн хуулийн холбогдох заалтыг зөрчсөн эсэх асуудлыг хянан хэлэлцлээ.
Урин дулааны улирал ирж, дулаарахтай зэрэгцэн зугаалгаар явж буй хүмүүс, мөн эцэг, эхийн хараа хяналтгүй яваа хүүхдүүд гол усанд осолдлоо гэх дуудлага ирэх нь ихэсдэг.
Цагдаагийн
Өнгөрсөн гуравдугаар сарын тэмцээний найм дахь өдөр Их аварга Хакүхо М.Даваажаргал сэкивакэ Ёшиказэг давахдаа үзэгчдийн суудал руу түлхэж, унагаасан.Харамсалтай нь Ешиказэ унаж байхдаа барилдааныг нь шүүж байсан Изүцү оякатаг дарсны улмаас зүүн хөлийг нь хугалсан билээ. Эл явдлын дараа Сүмогийн холбооноос Хакүход сануулга өгч, аварга маань ч оякатагаас уучлалт гуйхаа амласан юм.
