БОНХАЖ-ын сайд Н.Батцэрэг болон яамны Цэвэр технологийн хэлтсийн дарга Г.Нямдаваа зэрэг албаны хүмүүс “Expo Mongolia 2016”-д оролцож байгаа ХБНГУ-ын Заарланд мужийн бизнесийн салбарын төлөөлөгчдийг хүлээн авч уулзлаа. Н.Батцэрэг сайд “Expo Mongolia 2016” арга хэмжээ дөрөв дэх жилдээ амжилттай зохиогдож, гадаад, дотоодын хөрөнгө оруулагчид манай оронтой танилцаж, ирээдүйд хамтарч ажиллах боломжийг бий болгож байгааг онцлон дурдаад цаашдын хамтын ажиллагааны талаар яриа өрнүүллээ.
Уулзалтын үеэр төлөөлөгчид Н.Батцэрэг сайдад ХБНГУ-ын Заарланд мужийн Хууль зүй, байгаль орчин, хэрэглэгчдийн эрх ашгийг хамгаалах асуудал эрхэлсэн сайд ноён Р.Ёостын мэндийг уламжиллаа. Сайд Н.Батцэрэг 2016 оны гуравдугаар сард Заарланд мужид айлчлан Байгаль орчин, хууль зүй, хэрэглэгчдийн эрх ашгийг хамгаалах асуудал эрхэлсэн Сайд ноён Р.Ёосттой уулзаж “Эрлэбнисбэргбэй Вэлсэн” нөхөн сэргээлтийн загвар газартай танилцаж байсан юм. Талууд уулзалтын үеэр уул уурхайн олборлолтын дараах нөхөн сэргээлт, биологийн олон янз байдлыг хадгалах, ойн аж ахуйн тогтвортой хөгжил, гүний дулаан ашиглалтын чиглэлээр хамтын ажиллагааг хэрэгжүүлэх сонирхолтой байгаагаа илэрхийлсэн.
БОНХАЖЯ ХБНГУ-ын Байгаль орчны яамтай хамтран энэ оны есдүгээр сард уул уурхайн салбар дахь нөхөн сэргээлт, дахин ойжуулалтын чиглэлээр хамтарсан семинар хийх төлөвлөгөөтэй байгаа гэдгээ сайд танилцуулсан бөгөөд 2017 онд Сэргээгдэх эрчим хүчний чиглэлээр хамтарсан симпозиум зохион байгуулахаар санал нэгдлээ.
Монголын чөлөөт бөхийн эмэгтэй баг тамирчид Итали улсын Сасари хотод маргааш эхлэх олон улсын “Memorial Matteo Pellicone” тэмцээнд оролцохоор тус улсыг зорилоо. Тус тэмцээний 58 кг-д” Алдар” спорт хорооны харьяа, гавьяат тамирчин С.Цэрэнчимэд, “Хилчин” спорт хорооны тамирчин, олон улсын хэмжээний мастер Э.Гантуяа, “Алдар” сдорт хорооны тамирчин П.Орхон, ҮБТДС-иас Б.Шоовдор нар барилдана. Мөн 63 кг-д “Хилчин” спорт хорооны харьяа, гавьяат тамирчин С.Батцэцэг, 69 кг-д “Хүч” спорт хорооны харьяа, гавьяат тамирчин О.Насанбурмаа, мөн тус хорооны тамирчин олон улсын хэмжээний мастер Ш.Түмэнцэцэг нар зодоглох аж.
Тус тойрог сонгуулийн хуулийн өөрчлөлтөөр дөрвөн мандаттай болсон бөгөөд 
АН-ын Хяналтын хороо өчигдөр шуурхай хуралдаж, Н.Алтанхуягийг Ерөнхий сайдаас огцруулах чуулганы хуралдаанд ирээгүй болон эсрэг санал өгсөн нэр бүхий гишүүдэд хариуцлага тооцох санал гаргасан байна. Уг асуудлыг өнөөдөр ҮЗХ-ны хуралдаанаар авч хэлэлцэж, хариуцлага тооцох эсэхийг шийдвэрлэх аж. Ерөнхий сайд асан Н.Алтанхуягийг огцруулах санал өгсөн гишүүдэд Р.Амаржаргал, Ж.Батзандан, Х.Баттулга, Д.Батцогт, Р.Бурмаа, М.Зоригт, Б.Наранхүү, Л.Эрдэнэчимэг нар багтаж байгаа юм. Мөн уг асуудлыг хэлэлцэх үеэр хуралдаанд Д.Арвин, Г.Баярсайхан, М.Батчимэг, Д.Ганбат, Д.Ганхуяг, С.Одонтуяа, С.Эрдэнэ нар ирээгүй байна.
Монголын жүдо бөхийн шүүгч Машбатын Бөхбат Рио де Жанейро хотноо болох 2016 оны зуны олимпийн шүүгчээр оролцох эрхийг өчигдөр Олон улсын жүдо бөхийн холбооноос хүлээн авчээ. Тэрээр бусад 14 орны шүүгчдийн хамт РИО 2016 олимпийн наадмын жүдо бөхийн тэмцээнийг шүүн явуулна. Эдгээр 14 шүүгч дотор Ази тивээс гурван орны шүүгч эрхээ авчээ. Олимпийн тэмцээнд оролцож байгаа орнууд нь тухайн төрөлдөө өөрийн орны шүүгчтэй байх нь тамирчдынхаа амжилтыг хамгаалахад их чухал нөлөөтэй байдаг аж. Ийнхүү Монгол Улс түүхэндээ анх удаа олимпийн наадамд жүдо бөхийн төрөлд шүүгчтэй боллоо. Монгол Улсын гавьяат дасгалжуулагч, эмэгтэй жүдо бөхийг үндэслэгч Ч.Машбат агсны хүү Бөхбат өдгөө Монголын жүдо бөхийн холбооны гүйцэтгэх захирлаар ажилладаг. Сүүлийн нэг жилийн турш М.Бөхбат шүүгч Астанагийн ДАШТ, Их дуулга, Гранпри тэмцээнүүдийг шүүсэн билээ. Одоо Мексикт эхэлж буй олимпийн эрхийн оноо авах сүүлийн тэмцээнийг шүүх юм.
Монгол Улсын Үндэсний аюулгүй байдлын зөвлөлийн нарийн бичгийн дарга Ц.Энхтүвшин тэргүүтэй, Монгол Улсаас ОХУ-д суугаа Онц бөгөөд Бүрэн эрхт Элчин сайд Б.Дэлгэрмаа нарын бүрэлдэхүүнтэй Монгол Улсын төлөөлөгчид ОХУ-ын Бүгд Найрамдах Чечен Улсын нийслэл Грозный хотноо тавдугаар сарын 23-25-ны өдрүүдэд зохиогдсон Аюулгүй байдлыг хангах үүрэг бүхий байгууллагын өндөр, дээд албан тушаалтны олон улсын долдугаар чуулга уулзалтад оролцов.
УИХ-ын сонгуульд нам эвслээс нэр дэвших хүмүүсийн нэрс тавдугаар сарын 23-наас эхлэн тав хоногийн дотор тодорхой болох хуультай. Хуулийн хугацаа өнөөдөр буюу тавдугаар сарын 27-нд дуусгавар болж байгаа тул МАН-ын Бага хурал, Ардчилсан намын ҮЗХ өнөөдөр зарлагдсан.
Нийслэлийн удирдлагын зөвлөлийн ээлжит хуралдаан 2016 оны тавдугаар сарын 26-нд болж, хуралдаанаар нийслэлийн Дотоод аудитын албанаас нийслэл, дүүргийн төсвийн ерөнхийлөн захирагчийн хамрах хүрээний байгууллагуудад хийсэн Шилэн дансны тухай хуулийн хэрэгжилтийн 2015 оны үзлэг шалгалтын тайланг танилцууллаа. Нийслэлийн дотоод аудитын албаны дарга Ш.Нацагдорж энэ асуудлыг хуралдаанд танилцуулж, нийслэлийн хэмжээнд Шилэн дансны тухай хуулийг 96,4 хувиар биелүүлсэн дүнтэй гарсан гэсэн мэдээллийг өглөө. Шилэн дансны тухай хуулийн хэрэгжилтийн үзлэг шалгалтыг Нийслэлийн Дотоод аудитын албанаас нийслэлийн харъяа 75 байгууллага, дүүргийн Дотоод аудитын алба нь нийт 442 байгууллагад үзлэг шалгалт хийсэн байна.
Дөрвөн настай хүү нохойд уруулсны улмаас шархаа даалгүй амиа алдсан харамсалтай хэрэг өнгөрсөн гуравдугаар сард гарсан билээ.
БОНХАЖЯ-ы харьяа “Торгоны замын аялал жуулчлал” төслийн нэгжээс аялал жуулчлалын үйл ажиллагаа эрхэлдэг байгууллагуудад судалгаа, мэдээллийн дэмжлэг үзүүлэх зорилгоор судалгааны үр дүнг танилцуулах цуврал сургалт, семинаруудыг зохион байгуулдаг билээ.