Шинэ оны баярын цэнгүүн 31-ний орой Чингисийн талбайд болж дууссаны дараа 28 автобус иргэдэд үйлчилнэ.
Шөнийн 00:00 цагаас 01:00 цагийн хооронд талбай дээр он гаргасан иргэд автобусаар гэртээ харих боломжтой.Тиймээс иргэд Чингисийн талбайн гурван талд байрлах нийтийн тээврийн зогсоол дээрээс явах чиглэлдээ суух боломжтой юм байна. Тодруулбал, талбайн баруун тал буюу Хэлмэгдэгсдийн хөшөөнөөс, мөн хуучнаар Ленин клубын урд талаас болон талбайн зүүн тал буюу Хас банкны зогсоол дээрээс нийт 28 автобус иргэдэд нэг цагийн турш үйлчилнэ.
Найз бүсгүйгээ зодож, амь насыг нь хөнөөсөн гэх Г.Алтанхүүд холбогдоххэргийн шүүх хурал өчигдөр болох байсан ч дахин хойшлогдлоо.
Улсын Ерөнхий Прокурор асан, Хууль зүйн сайд Д.Дорлигжав өнөөдөр дөрвөн сая ам.доллартай холбоотой асуудлаар Авлигатай тэмцэх газарт шалгуулах хүсэлтээ гаргажээ.
Монгол Улсын Их Хурлын дарга З.Энхболдод өнөөдөр /2014.12.23/ Монгол Улсын Их Хурлын гишүүн, Засгийн газрын гишүүн, Засгийн газрын хэрэг эрхлэх газрын дарга, Монгол Улсын сайд С.Баярцогт Олон нийтийн радио телевизийн Үндэсний зөвлөлийн гишүүнд Зургаанжингийн Энхболд, Баастын Золбаяр нарыг нэр дэвшүүлснийг өргөн мэдүүллээ хэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтэс мэдээлэв. 
Дорноговь аймгийн төвийг Хамарын хийдтэй холбосон хатуу хучилттай авто замыг хүнд даацын машинаас хамгаалах, зорчигчдоос зам ашигласны төлбөр хураах зорилгоор Зүүнбаянгийн төмөр замын гарамын хойно төлбөр хураах цэг байгуулжээ. Хамарын хийд, Хан Баянзүрх хайрхан, Зүүнбаян чиглэлд зорчих жолооч нараас ирэх гуравдугаар сараас хураамж авч эхлэх аж. Хураамжны мөнгө Замын санд төвлөрөх юм байна. 
Дарханы төмөрлөгийн үйлдвэр дэргэдээ төмрийн хүдэр боловсруулах Нойтон соронзон баяржуулах үйлдвэрээ нээлээ. Шинээр ашиглалтад оруулж байгаа энэ үйлдвэр нь төмрийн хүдэр баяжуулах гурван шугамтай бөгөөд жилд нэг сая тонн, 0-10 мм ширхэгтэй, 45-50 хувийн төмрийн агуулгатай хуурай хүдэр боловсруулна. Мөн 700000 тонн 0-70 мм ширхэгтэй 64 хувиас дээш төмрийн агуулгатай баяжмал үйлдвэрлэх юм байна. Энэ нь Монгол Улсын хэмжээнд төмрийн хүдэр баяжуулах үйлдвэрүүдээс хамгийн өндөр чадалтайд тооцогдож буй аж. 
Хууль сахиулахын их сургуулийн шүүхийн шийдвэр гүйцэтгэлийн сургуулиас үйл ажиллагааныхаа цар хүрээг өргөжүүлэн 2014 онд хийсэн ажлын үр дүнг тайлагнан, цаашдын бодлого чиглэлийг тогтоох зорилгоор “НЭЭЛТТЭЙ ХААЛГА” ӨДӨРЛӨГ-ийг өөрийн сургуулийн байранд өнөөдөр зохион байгуулахаар болжээ. 
УИХ дахь Ардчилсан намын бүлэг ээлжит бусаар Төрийн ордны “А” танхимд хуралдаж байна. Тус хурлаар бүлгийн даргын асуудлыг хэлэлцээд УИХ-ын гишүүн, УИХ-ын Эдийн засгийн байнгын хорооны дарга Б.Гарамгайбаатарыг нэр дэвшүүлэхээр болжээ.
Хойд Солонгост өчигдөр интернэт тасарсан тухай Америкийн “Dyn Research” компани мэдээлжээ. Хойд Солонгост 24 цагийн турш интернэт тасарч, Пхеньян цахим ертөнцтэй бүрэн холбоогүй байгааг “Dyn Research” компанийн захирал Дуг Мадори мэдээлэв. Хойд Солонгост интернэт тасарсан шалтгаан тодорхойгүй байна.
“Тавантолгой”-н нүүрсний ордод хөрөнгө оруулагч тодруулах шалгаруулалт эхлээд сар гаруйн хугацаа өнгөрсөн. Өчигдөр хуралдсан ажлын хэсгийн хуралдаанаар Техникийн саналдаа авбал зохих босго оноог авсан Хятад, Япон, Монголын “Чайна Шэнхуа Энержи”, “Сумитомо”, “Энержи Ресурс” ХХК-ийн хамтарсан түншлэл болон “Пибоди Энержи” компанийн Санхүүгийн саналын үнэлгээг Ажлын хэсгийн гишүүдэд танилцуулсан юм.