Шинэ жилийн баяр энд тэндгүй л болж байна. Хүүхэд, багачууд энэ л өдрүүдэд хүссэн бэлгээ өвлийн өвгөнөөс авах гэж чин сэтгэлээсээ залбирдаг. Захидал бичиж, гацууртаа өлгөнө. Аав, ээжээсээ хүйтний өвгөнд хүслээ дамжуулж өгөхийг гуйна. Найзын маань дөрвөн настай хүү цэцэрлэгийнхээ шинэ жилийг тэмдэглэх гээд их өндөр сэтгэгдэлтэй гэрээсээ өглөө эрт гарсан гэнэ. Өмнөх орой нь тэрбээр гацуур модныхоо өмнө сөгдөж суугаад үнэн сэтгэлээсээ ямар нэг юм хүсэж, хүсэж унтжээ. Цэцэрлэгийн шинэ жилийн баяр ч болж, урт сахалтай, уут дүүрэн бэлэгтэй өвлийн өвгөн цасан охидоо дагуулсаар ороод ирсэн байна. Хүүхдүүдэд бэлгийг тарааж эхэлж. Тэгсэннайзын маань хүү “Өвлийн өвөө, би ийм бэлэг хүсээгүй” гээд уйлж гарчээ. Өвлийн өвгөн, хүүгээ баярлуулахаар очсон ээж нь, багш нар нь сандралдаж, эцэст нь өвгөн хүүд “Өөр хүүхдийн бэлэг андуураад өгчихсөн байна. Удахгүй бэлгийг чинь авчирч өгнө” гэсэн амлалт өгөөд явжээ. Ангийн багш нь ч “Ирэх жил эцэг, эхчүүдээр өөрсдөөр нь бэлгийг нь бэлдүүлье. Мөнгө хурааж, нэгдсэн журмаар авахаа больё доо” гэжээ.
Найз маань шинэ оноос өмнө өвлийн өвгөний “андуурсан” бэлгийг хүүгийнхээ хүссэн бэлгээр солихтом ажилтай болсноо ярьсан нь энэ.
Э.ХҮРЭЛБААТАР
Б.Цэнддоогийн “Соёлын довтолгоо: Анхны хэт гүрнээс сүүлчийн нүүдэлчин” (2008) хэмээх бестселлер бүтээлийг манайхан сайн мэднэ. Нүүдэлчин ардуудыгиргэншин суурьшуулах процессын хүрээнд өрнөсөн албадан соёлжуулах операци-соёлын довтолгооны хөгтэй, хөгжилтэй түүхэн дээр үндэслэн бичсэн уг бүтээлд монголчуудын оюун сэтгэлгээ, ёс сурталд гарсан шинэчлэл, хувьслыг сэтгэлд хоногшим дүрсэлсэн байдаг. 
Онцгой байдлын асуудал эрхэлсэн байгууллагын 2014 оны үйл ажиллагааны тайлангийн хурал боллоо. Баярын хурлын үеэр онцгой байдлын салбарт олон жил, үр бүтээлтэй ажилласан албан хаагчдыг шагнаж урамшуулжээ. “Алтан гадас” одонгоор 1, Цэргийн гавьяаны улаан тугийн одонгоор 1, Цэргийн гавьяаны одонгоор 4, Цэргийн хүндэт медалиар 27, Шударга журам медалиар 2, Онц гал сөнөөгч тэмдгээр 44, Тэргүүний ажилтан тэмдгээр 49, ОБЕГ-ын Жуух бичгээр 31, ОБЕГ-ын Баярын бичгээр 37, ОБЕГ-ын Сайшаалын үнэмлэхээр 99, Онцгой байдлын төлөө 1, 2, 3 тэмдгээр 160, нийт 455 албан хаагч шагналаа гардан авсан байна.
Монгол Улс, Бүгд Найрамдах Франц Улсын хооронд дипломат харилцаа тогтоосны 50 жилийн ойг тэмдэглэх ажлыг зохион байгуулах хорооны анхдугаар хуралдааныг 2014 оны 12 дугаар сарын 25-ны өдөр Монгол Улсын Гадаад хэргийн сайд Л.Пүрэвсүрэн удирдан явуулав.
Өвөрхангай аймгийн Тарагт суманд үхэр болон нохой галзуу өвчин гарчээ. Тус аймгийн мал эмнэлгийн лабораторийн шинжилгээгээр үхэр, нохой галзуурсан нь батлагдсан байна. Одоогийн байдлаар тус газарт 14 хоногийн хорио цээрийн дэглэм тогтоогоод буй аж. Өвчний голомт хаанас эхтэй болохыг мал эмнэлэгийн лабораторийн эмч нар шинжилж байгаа хэмээн Онцгой байдлын Ерөнхий газраас мэдээлэв.
Өвлийн бэлтгэл ажлын хүрээнд хийсэн судалгаагаар 140 гаруй мянган малчин өрх, 50 орчим сая мал өвөлжинө гэсэн тооцоог салбарын яамнаас гаргаад байгаа юм. Одоогоор өвөлжилт хүндэрсэн аймаг, сумын мэдээ ирээгүй. Энэ нь нийт нутгаар цас багатай дулаахан байгаатай холбоотой гэдгийг албаныхан хэлж байна. Гэхдээ ирэх саруудад олон жилийн дунжаас ахиу цас орж, хүйтрэх учраас өнөөдрийн нөхцөл байдалд тайвширч болохгүй гэж салбарын яамнаас сануулж байна. 
УИХ-ын чуулганы өнөөдрийн /2014.12.25/ үдээс өмнөх нэгдсэн хуралдаанаар Санхүүгийн зохицуулах хорооны дарга, гишүүдийг чөлөөлөх, томилох тухай асуудлыг хэлэлцэж эхэлсэн. Санхүүгийн зохицуулах хорооны гишүүнийг чөлөөлөх, томилох асуудлыг хэлэлцсэн Хууль зүйн байнгын хорооны санал, дүгнэлтийг УИХ-ын гишүүн Х.Тэмүүжин, Санхүүгийн зохицуулах хорооны дарга, гишүүдийг чөлөөлөх, томилох тухай асуудлыг хэлэлцсэн Эдийн засгийн байнгын хорооны санал, дүгнэлтийг УИХ-ын гишүүн Б.Гарамгайбаатар танилцуулсан юм.
Монгол Улсын сайд М.Энхсайхан, Уул уурхайн сайд Р.Жигжид, “Эрдэнэс Таван Толгой” ХК-ийн Гүйцэтгэх захирал Я.Батсуурь нар өнөөдөр Төрийн ордны В танхимд Тавантолгойн хөрөнгө оруулагчийг тодруулсан болон бусад асуудлаар мэдээлэл хийсэн юм.Монгол Улсын сайд М.Энхсайхан хэлэхдээ “Шинэ Засгийн газар байгуулагдаад томоохон төслүүдэд анхаарлаа хандуулж байна. Ерөнхий сайд захирамж гаргаад Таван толгойн асуудлыг шийдвэрлэх ажлын хэсэг гаргасан. Ажлын хэсгийн ахлагчаар Монгол Улсын сайд М.Энхсайхан миний бие, ажлын хэсгийн бүрэлдэхүүнд Уул уурхайн сайд Р.Жигжид, Сангийн сайд Ж.Эрдэнэбат, Зам тээврийн сайд Н.Төмөрхүү нар ажиллалаа. Ажлын хэсгийн нарийн бичгээр “Эрдэнэс Таван Толгой” ХК-ийн Гүйцэтгэх захирал Я.Батсуурь ажилласан.Богино хугацаанд энэ ажлын хэсэг “Таван толгойн хөрөнгө оруулагчийг сонгож, хэлэлцээр хийх” үүргээ сайн биелүүллээ гэж үзэж байна. Таван толгой төсөл бол Мега төсөл гэдэг ойлголтод тохирно. Олон улсад тэрбум доллараас дээш үнийн дүнтэй байвал Мега төсөлд хамаардаг. Гэхдээ үнийн дүн чухал биш, том гэдэг нь ч чухал биш. Тухайн улсын нийгэм, эдийн засагт онцгой ач холбогдолтой учраас олон нийтийн болон улс төрчдийн анхаарлыг татдаг. Дээд зэргийн хардлага сэрдлэг дагуулдаг, шийдэх эрх зүйн орчин нь төгс болчихоогүй, дэд бүтцийн орчин нь сайн биш, олон оролцогчтой. Олон оролцогчтой гэдэг утгаараа сонирхлын огтолцол, зөрчил ихтэй зэрэг онцлогтой төсөл. Тийм ч учраас энэ мега төсөл хийгдэхээсээ эхлээд хэрэгжиж дуусталаа мэдээллийн ил тод байдлыг заавал шаарддаг тул бид дэлхийн хэмжээнд ямар арга барилаар хэрэгжүүлдэг вэ гэдгийг чухалчилна. Энэ хүрээнд мэдээллийн ил тод байдлыг хангах зорилгоор Ажлын хэсэг www.megаproject.mn цахим хуудсыг нээж, төсөлтэй холбоотой бүх мэдээллийг шуурхай гаргаж эхэлсэн. УИХ-аас шинэ Засгийн газрын бүтцийг батлахдаа томоохон хэмжээний төслүүдийг хариуцсан Монгол Улсын сайд байх нь зөв гэж шийдсэн. Үүнийг би зөв гэж харж байна. Яагаад гэвэл дэлхийд хийгдэж байгаа Мега төслийн гуравны хоёр нь унадаг. Гуравны нэг нь амжилт олж, үр өгөөжөө өгдөг. Өнөөдрийн байдлаар Мега төсөл баялагийг бүтээхээсээ илүүтэй баялагийг устгагч байдаг тул энэ төсөлд болгоомжтой, шинжлэх ухааны үндэслэлтэй хандах гэж бүхий улс орон, компаниуд эрмэлздэг. Тэр эрмэлзлэлээр УИХ энэ төсөлд анхаарч ажиллах хүн томилсон болов уу. Хэрхэн яаж ажиллахаас бүх зүйл хамаарна” гэж ярилаа. Нэг цонхны бодлогын хүрээнд нүүрсээ борлуулах нь зүйтэй гэж үзжээ. “Тавантолгой”, “Гашуун сухайт”-ын төмөр зам болон тээврийн бусад дэд бүтцийг төр хувийн хэвшлийн түншлэлийн зарчмаар барьж байгуулна гэж заасан байгаа. “Эрдэнэс Тавантолгой”-д учраад байгаа хүндрэл бэрхшээлүүдийг шийдэх, “Тавантолгой” Гашуун сухайт чиглэлийн төмөр замыг хувийн хөрөнгө оруулалтаар бариулаад, 30 жилийн дараа суурь бүтцийн 51 хувийг төрийн өмчид үнэ төлбөргүй шилжүүлэх, энэхүү орд газрыг ашиглахад оператор компанийн 51 хувь нь Монголын үндэсний компани байх ёстой зэрэг шаардлагуудыг тавиад байгаа юм. aТаван толгойн стратегийн хөрөнгө оруулагчаар “Энержи ресурс”, “Шинхуа”, “Сумитомо “гэсэн Монгол, Хятад, Японы хамтарсан консерциум шалгарсан. Тэд Таван толгойн нүүрсний уурхайд 4 тэрбум ам.долларын хөрөнгө оруулалт хийх, нүүрсний орд газарт нэмэлт хайгуул хийж, нөөцийг нэмэгдүүлэх, Таван толгой-Гашуунсухайт чиглэлийн төмөр замын бүтээн байгуулалтыг хариуцаж барих, 2.5 жилд нүүрсний орд газарт 30 сая тн нүүрс боловсруулах хүчин чадал бүхий үйлдвэр барих, Засгийн газар хүсвэл эргэн төлөгдөх нөхцөлтэйгээр урьдчилгаа болгож 250-350 тэрбум төгрөгийг урьдчилгаа болгож өгөхийг хэлэлцээрээр шийдэж болох санал өгчээ. 
Дэлхий даяар олон мянган сүлжээ дэлгүүртэй, жил бүр 400 сая каталог гаргаж, тэрбум тэрбумын орлого олдог “Victoria’s Secret” үзэгчдийн тэсэн ядан хүлээдэг алдарт шоугаа ихэвчлэн Нью-Йорк хотноо зохион байгуулдаг ч энэ жилийн шоу анх удаагаа Лондон хотноо зохион байгуулагдсан юм. Харин загварын шоуг зохион байгуулагчид ирэх оны шоундаа Пуэрто Риког нүдэлжээ. Ингэснээр сахиусан тэнгэрүүд “Victoria’s secret”-н усны хувцасны загварын шоунд оролцохоор арлын орныг зорих болох нь.
Сүүлийн үед хэвлэл, мэдээллийн хэрэгслээр цэцэрлэгийн хүүхдүүдийн дунд халдварт болон халдварт бус өвчний тохиолдол нэмэгдэж байгаа тухай мэдээлэл гарах болжээ. Тодруулбал, “олон хүүхэдтэй цэцэрлэгт ханиад, томуу их байна”, “Цэцэрлэгийн хүүхдээс бөөс илэрлээ” гэх мэдээллүүд байгаа аж. Тиймээс Мэргэжлийн хяналтын ерөнхий газраас дараах арга хэмжээг авч ажиллахыг зөвлөж байна.